امریکہ کے سیاہ فاموں کے تاریخی چرچ پر حملہ

امریکہ میں سیاہ فام افراد کے خلاف نفرتی کرائم رکنے کا نام نہیں لے رہا ہے۔ سیاہ فام و پولیس ملازمین میں تو ٹکراؤ چل ہی رہا ہے۔ اب ایک چرچ میں گولہ باری کی خبر آئی ہے۔امریکی ریاست ساؤتھ کیرولینا کے چارلسٹن میں سیاہ فاموں کے ایک تاریخی گرجا گھر کے اندر ایک گورے بندوقچی کی فائرننگ میں کم سے کم9 لوگوں کی موت ہوگئی۔ پولیس نے اسے نفرت آمیز جرائم بتایا ہے۔اس ریاست کی گورنر ہندوستانی نژادامریکی نکیتی ہیلی ہیں۔21 سال کے گورے حملہ آور کو قریب 13 گھنٹے بعد گرفتار کرنے میں پولیس کو کامیابی مل گئی۔ مقامی ٹیلی ویژن کی رپورٹ کے مطابق پکڑے گئے بندوقچی کا نام بلان روف ہے۔اس اندھا دھند فائرنگ میں بچے ایک شخص پکنی کے رشتے دار نے بتایا کہ حملہ آور روف نے حملے کے وقت کہا کہ وہ ایسا اس لئے کررہا ہے کیونکہ سیاہ فام لوگ ہماری عورتوں سے بدفعلی کرتے ہیں اور ہمارے دیش میں قبضہ جماتے جارہے ہیں۔ جس گرجا گھر میں یہ واردات ہوئی ہے وہ امریکہ کے سب سے اہم افریقن امریکن گرجا گھروں میں سے ایک ہے۔1816 میں یہ بنایا گیا تھا۔ چرچ کی ویب سائٹ کے مطابق سال1822 میں چارلسٹن میں چرچ کے معاون بانی ڈینمارک ویسے نے غلاموں کو متحد کربغاوت کی کوشش کی تھی۔ مقامی نیشنل پارک سروسز کے مطابق یہ گرجا گھر سیاہ فام مذہبی افراد کا سب سے پرانا عقیدت کا مرکز ہے، جہاں ہر بدھوار کو شام مقدس کتاب بائبل پڑھی جاتی ہے۔ اس حملے میں مرنے والوں میں 6 خواتین اور3 مرد ہیں۔ ان میں صوبائی سینیٹ کے ممبر اور گرجا گھر کے پادری کلیمن پنونی بھی شامل ہیں۔ 8 لوگوں کی موت موقعے پر ہوگئی جبکہ ایک نے ہسپتال میں دم توڑا۔ حملہ آور روف کے ایک رشتہ دار نے بتایا اس کے والد نے حال ہی میں اس کی سالگرہ پر .45 کیلیبر کی دستی بندوق تحفے میں دی تھی۔ امریکہ میں افریقن امریکن گرجا گھر پر یہ پہلا حملہ نہیں ہے۔ اس سے پہلے بھی 1963ء میں الباما کے برہنگم ایسے ہی حملے میں چار لڑکیوں کی موت ہوگئی تھی۔ اگت2012 میں امریکہ کے ویسکوسن کے ایک گوردوارے میں صبح کی پرارتھنا کے وقت بندوقچی نے فائرننگ کی تھی جس میں 7 لوگوں کی موت واقع ہوگئی تھی۔ امریکہ کے صدر براک اوبامہ نے حملے کے بعد اپنے رد عمل ظاہر کرتے ہوئے کہا مذہبی عبادت گاہ پر امن کی تلاش میں آئے لوگوں کا قتل ایک ٹریجڈی ہے ہمیں ماننا ہوگا کہ دیگر ترقی یافتہ ملکوں میں اس طرح کے واقعات نہیں ہوتے۔ سابق وزیر خارجہ و امریکہ کی امکانی صدارتی چناؤ کی دوڑ میں شامل ہونے والی امیدوار ہلیری کلنٹن نے ٹوئٹ کر واقعے پر افسوس ظاہر کرتے ہوئے اسے ایک ذہنی پاگل پن بتایا ہے اور مارے گئے لوگوں کے تئیں ہمدردی ظاہر کی ہے۔ وہ 2016 ء میں امریکی صدارتی چناؤ میں ڈیموکریٹک پارٹی کی امیدوار ہوں گی۔جنوبی کیرولینا ریاست کی گورنر ہندوستانی نژاد امریکن نک ہیلی نے کہاکہ ہم یہ سمجھ نہیں پا رہے ہیں کہ ہمارے پوجا استھل میں گھس پر لوگوں کی جان لینے کے پیچھے کیا ارادہ رہا ہوگا۔ ساؤتھ کیرولینا کی تاریخ میں یہ سب سے خوفناک فائرننگ کا واقعہ مانا جارہا ہے۔ فائرننگ سے پہلے ہلیری کلنٹن چندہ اکٹھا کرنے کی مہم میں چارلسٹن کے ایک گھر میں گئی ہوئیں تھیں۔ یہ گھر واردات سے آدھا میل کی دوری پر واقع ہے۔2014ء میں پولیس کے حملے میں 238 سیاہ فام مارے گئے ہیں۔گورے لوگوں کو پولیس کے ذریعے گولی مارنے کا اندیشہ21 فیصدہے۔ امریکہ میں سیا ہ فام لوگوں کی آبادی 13 فیصد ہے۔ یہ امریکہ میں سیاہ فام پر پچھلے 15 برسوں میں سب سے بڑا حملہ ہے۔ ایک خاتون نے بتایا کہ حملہ آور کچھ دیر پریئر مجلس میں بیٹھا پھر اٹھ کر فائرننگ شروع کردی۔ وہ چلا رہا تھا تم سب ہماری عورتوں سے بدفعلی کرتے ہو، ہمارے دیش پر قبضہ کررہے ہو، میرا دیش چھوڑ دو نہیں تو میں سب کو مار دوں گا۔ ایک دوسری خاتون نے بتایا کہ حملہ آور نے کہا میں تمہیں چھوڑ رہا ہوں تاکہ تم باقی سب کو بتا سکو کہ یہاں کیا ہوا ہے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں