جانباز کانسٹیبل آنند سنگھ کے جذبے کو سلام

باہری دہلی دیہات میں مسلسل بگڑتے لاء اینڈ آرڈر نے علاقوں کے لوگوں کی نیند اڑادی ہے۔ لوگ پریشان ہیں پھر بھی خاندان اور سماج کی ترقی کے لئے جٹنے کے بجائے نوجوان طبقہ جرائم کی طرف بڑھ رہا ہے۔ حالت یہ ہے کہ اب خاکی کا خوف بھی جرائم پیشہ میں نظر نہیں آتا۔ یہی وجہ ہے کہ پولیس والوں پر اکثر حملے ہوتے ہیں اور جمعہ کی رات جرائم پیشہ کا مقابلہ کرتے ہوئے ایک پولیس سپاہی شہید ہوگیا۔ بتایا جاتا ہے بوانا انڈسٹریل ایریا میں جمعہ کی دیر رات بائیک سوار بدمعاشوں کا مقابلہ کرتے ہوئے دہلی پولیس کے کانسٹیبل آنندسنگھ (49 سال) کی جان چلی گئی۔ بدمعاشوں نے انہیں قریب سے گولی ماری۔ پولیس والوں کا نام سنتے ہی اکثر لوگوں کے دماغ میں منفی نظریہ ہی بنتا ہے لیکن کچھ پولیس والے وردی کی عزت رکھتے ہوئے اپنے کام کو پوری ایمانداری سے کرنے میں بھی نہیں ہچکچاتے ، چاہے ایسا کرنے میں انہیں اپنی جان گنوانی کیوں نہ پڑجائے۔ ایسا ہی واقعہ جمعہ کی رات دہلی کے بوانا علاقے میں دیکھنے کو ملا جب دہلی پولیس کے اس جانباز کانسٹیبل نے بدمعاشوں کو پکڑنے کیلئے اپنی جان کی بازی لگادی۔ لیکن بدمعاشوں نے اس کو گولی مار کر ہلاک کردیا۔ پولیس کے مطابق ہریانہ کے سونی پت جاٹی کلا گاؤں کے باشندے کانسٹیبل آنند سنگھ بوانا کے انڈسٹریل ایریا کے سیکٹر 5 میں اپنی ڈیوٹی پرتعینات تھے۔ تبھی ایک خاتون کے چلانے اور مددمانگنے کی آواز سنائی پڑی۔ مینا نام کی یہ خاتون سموچے چوک کے پاس ریڑھی لگاتی ہے۔ مینا رات کو دوکان بند کرکے گھر جا رہی تھی تبھی موٹر سائیکل سوار تین بدمعاشوں نے اسے لوٹنے کی کوشش کی۔ اس نے شور مچایا تو پاس میں گشت کررہے آنند سنگھ بدمعاشوں کو پکڑنے لگے۔ اسی دوران دونوں میں دھکا مکی ہوئی اور آنند نے ایک بدمعاش کو پکڑ لیا اور ساتھی کو پولیس کی گرفتار میں دیکھ دوسرے بدمعاش نے آنند کو گولی مار دی۔ گولی لگنے کے بعد آنند نیچے گر گئے لیکن پھر اٹھ کر بدمعاشوں کا پیچھا کرنے لگے ،تبھی دوسرے بدمعاش نے ان کے سر پر ہیلمٹ مارکر انہیں زمین پر گرادیا۔ شدید زخمی آنند کو مہرشی بالمیکی اسپتال لے جایا گیا ، جہاں ڈاکٹروں نے انہیں مردہ قرار دے دیا۔ دہلی سرکار کے نائب وزیر اعلی منیش سسودیا نے آنند سنگھ کے جذبے کو سلام کیا ہے اور دہلی سرکار نے شہید ہونے والے جانباز پولیس والے کے خاندان کو 1 کروڑ روپے کی مدد دینے کا اعلان کیا ہے جس کا ہم تہہ دل سے خیر مقدم کرتے ہیں۔ اخلاقیات ، سماجیات اور قانون کو ایک دم طاق پر رکھ کر نشے کے عادی ان لڑکوں کے دل میں نہ تو عورتوں اور نہ ہی بزرگوں کو لئے شرم رہ گئی ہے۔ ہم جانباز کانسٹیبل آنند سنگھ کے جذبے کو سلام کرتے ہیں اور ان کے پریوار کو یہ بتانا چاہتے ہیں کہ ان کے دکھ میں ہم بھی شامل ہیں۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا
مزید پڑھیں

آخر کتنے دن کی جنگ لڑ سکتی ہے ہماری فوج؟

تصویر
 Daily Pratap, India's Oldest Urdu Daily Published On 10 March 2012 انل نریندر فوج کی دوٹکڑیوں کے ذریعے 16-17 جنوری میں دہلی کی طرف بڑھنے کو لیکر خبریں پہلے سے ہی پک رہی تھیں اور اس کی بھنک فوجی سربراہ جنرل وی کے سنگھ کو بھی تھی۔ یہ مارچ میں ہی ایک انگریزی رسالے کو دئے ان کے انٹرویو سے پتہ چلتا ہے۔ انہوں نے کہا تھا مان لیجئے ہماری ایک کور یا ڈویژن یا برگیڈ پریکٹس کررہی ہے تو کوئی کہے گا کہ اوہ۔۔۔ انہوں نے پریکٹس کی۔ یہ پریکٹس نہیں تھی وہ کچھ اور کرنا چاہتے تھے۔ انہوں نے کہا اب آپ اس میں ایک خبر بنائیں گے ان دنوں کئی لوگ غلط مطلب سے خبریں بنانا چاہتے ہیں۔ ادھر انگریزی اخبار دی گارڈین نے دعوی کیا ہے کہ فوج کے دہلی کوچ کی خبر کے پیچھے ایک مرکزی وزیر کا ہاتھ ہے۔ وزیر کا نام نہیں بتایا لیکن یہ کہا گیا ہے کہ وزیر کے قریبی رشتے دار کا تعلق دفاع خرید سے جڑی لابی کا ہے اوریہ لابی دونوں وزیر دفاع اے کے انٹونی اور فوجی سربراہ جنرل سنگھ سے پریشان تھی۔ آرمز لابی انٹونی کے اس لئے خلاف تھی کیونکہ انٹونی ایک ایماندار وزیر ہیں جو خرید میں کوئی گڑ بڑی نہیں ہونے دینا چاہتے۔ انٹونی کی بھرشٹاچا
مزید پڑھیں