میڈل جیتنے پر دھن ورشا کی جگہ ٹریننگ پر خرچ کیا جائے

ریو میں میڈل جیتنے کے بعد سے ہی بیڈمنٹن سلور میڈل جیتنے والی پی وی سندھو اور ساکشی ملک کو پہلوانی میں کانسے کا میڈل جیتنے پر انعاموں کی بوچھا ہورہی ہے۔ اب تک سندھو کو تلنگانہ حکومت نے 5 کروڑ روپے، آندھرا حکومت نے3 کروڑ روپے، دہلی سرکار نے 2 کروڑ روپے دینے کا اعلان کیا ہے۔ اس کے علاوہ 3 کروڑ روپے انہیں دیگر کھیل انجمنیں دیں گی ساتھ ہی آندھرا حکومت نے انہیں 1 ہزار مربع گز زمین اور اے گریڈ سرکاری نوکری بھی دینے کا فیصلہ کیا ہے۔ کل ملا کر اب تک سندھو کو13 کروڑ روپے نقد انعام کا اعلان ہوچکا ہے۔ اس کے علاوہ انہیں بی ایم ڈبلیو کار بھی ملے گی۔ اسی طرح ساکشی ملک کو بھی ہریانہ سرکار 2.5 کروڑ ،دہلی سرکار 1 کروڑ اور تلنگانہ سرکار1 کروڑ روپے دے گی ساکشی کو ریلوے50 لاکھ اور ترقی دے گا۔ ان کے پتا جو بس کنڈیکٹرہیں، کو بھی ترقی ملے گی۔ یہ سب قریب5 کروڑ روپے بنتا ہے ذرا سوچئے اگر کھلاڑیوں کو سنوارنے پر اتنا خرچ کیا جاتا تو شاید نتیجے کچھ اور ہوتے۔ یہ ہم نہیں کہہ رہے ہیں اولمپک میں سب سے زیادہ میڈل جیتنے والے امریکہ، برطانیہ اور چین جیسے ملکوں کے اعدادو شمار بتاتے ہیں کہ وہاں کے کھلاڑیوں کو ٹریننگ اور سہولیت پر زیادہ خرچ کیا جاتا ہے۔ مثال کے طور پر امریکہ میں ایک کھلاڑی پر 74 کروڑ روپے، ریو اولمپک کی تیاری پر خرچ ہوئے لیکن انعام میں گولڈ میڈل جیتنے والے کو صرف16 لاکھ روپے انعام میں ملتا ہے۔ برطانیہ جس نے ریو اولمپک میں کمال کردکھایا ہے اور چین جیسے ملک کو پچھاڑدیا ہے۔ فی کھلاڑی 48 کروڑ روپے اس کے ٹیلنٹ کو نکھارنے پر خرچ کرتا ہے۔ میڈل جیتنے والے کو کوئی الگ سے انعام نہیں ملتا۔ اب بات کرتے ہیں چین کی۔ وہاں فی کھلاڑی 47 کروڑ روپے خرچ کئے جاتے ہیں اور میڈل جیتنے والے ونر کو24 لاکھ روپے نقد انعام دیا جاتا ہے۔ اب اپنا حال بھی جان لیں۔ مرکزی حکومت نے ریو اولمپک جانے والے سبھی کھلاڑیوں پر 160 کروڑ روپے خرچ کئے۔ انسانی وزارت وسائل ترقی کی اسٹنڈنگ کمیٹی کے مطابق بھارت میں صرف 3 پیسے فی شخص یومیہ کھیل پر خرچ ہوتا ہے جبکہ امریکہ ، برطانیہ اور چین جیسے ملکوں کے اعدادو شمار بتاتے ہیں کہ یہ دیش کھلاڑیوں کو بہت ہی کم نقد انعام دیتے ہیں لیکن دیش کے کھلاڑیوں کی ٹریننگ اور سہولیت پر زیادہ خرچ کرتے ہیں۔ یہی وجہ ہے میڈل ٹیلی میں یہ دیش آگے رہتے ہیں۔ میڈل جیتنے کے بعد بھارت میں ریاستی حکومتیں اور کھیل انجمنیں اپنی تجوریاں کامیاب کھلاڑیوں کے لئے کھول دیتی ہیں لیکن اس کے لئے سخت محنت کر رہے ایتھلیٹ اپنی سرکاروں سے بھی روپیہ ملنے کی آس لگائے کنگال ہوجاتے ہیں۔ اب وقت آگیا ہے کہ میڈلوں سے خوش ہونے کی جگہ میڈلوں کی تیاریاں کرنے پر زیادہ توجہ دی جائے۔ دیش میں کھیل ریاستوں کا اشو ہے لیکن پوری تیاریوں پر پورا خرچ مرکزی حکومت کرتی ہے۔ میڈل جیتنے پر یہی ریاستی حکومتیں کروڑوں انعام دینے کا اعلان کرکے اپنا پرچار کرتی ہیں۔ یہی وجہ ہے کہ کبھی کبھی ریاستی حکومتیں ایسے ایتھلیٹوں کو بھی ریاست کا بتا دیتی ہیں جو وہاں پیدا بھی نہیں ہوئے تھے اور نہ ہی کھیلے تھے۔ اس بار اترپردیش سرکار نے بھی ساکشی ملک کو رانی لکشمی بائی ایوارڈ دینے کا اعلان کیا لیکن ایسی ریاستوں کو سوچنا چاہئے کہ ان کے پردیش میں ایتھلیٹ کھیلوں میں کھیل کا اچھا مظاہرہ کیوں نہیں کررہے ہیں؟ سندھو نے 2010ء میں عالمی چمپئن شپ میں تانبے کا میڈل جیتا تھا۔ اگر اس وقت اتنی مدد کی جاتی تو آج وہ گولڈ میڈل ضرور لاتیں۔ وہ تو مرکزی سرکار کے تحت آنے والے اسپورٹس اتھارٹی آف انڈیا اور گوپی چند اکیڈمی کا بھلا ہو کہ جنہوں نے اس کی مدد کی۔ مرکزی سرکار کو پالیسی بنانی چاہئے کہ صرف وہی انعام کا اعلان کرے کیونکہ ریاستی سرکاروں کا اس طرح کا برتاؤ باقی ایتھلیٹ کو غلط راستہ اپنانے پرمجبور کرتا ہے۔پھر میڈل جیتنے کیلئے ایتھلیٹ غلط راستے بھی کبھی کبھی اپنالیتے ہیں۔ ریاستی حکومتوں کو انعاموں کی رقم ایتھلیٹ کی ٹریننگ اور سہولیات پر خرچ کرنی چاہئے اور یہ کام اسکولی سطح سے شروع ہونا چاہئے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں