مودی کے لندن دورہ میں ترنگے کی توہین

ویسے تو جب وزیر اعظم نریندر مودی امریکہ اور انگلینڈ کے دورہ پر جاتے ہیں تو بھارت کے وزیر اعظم کے خلاف مٹھی بھر خالصتانی و کشمیری حمایتی احتجاجی مظاہرے کرتے ہیں۔ میں بہت سال پہلے شری اٹل بہاری واجپئی کے ساتھ امریکہ و انگلینڈ کے دورہ پر گیا تھا تب بھی ایسے چھوٹے موٹے مظاہرے ہوئے تھے لیکن اس بار جب گزشتہ ہفتہ پی ایم مودی لندن گئے تھے تو وہاں مظاہرہ بہت مشتعل تھا۔ ہزاروں کی تعداد میں سکھ اور کشمیریوں نے جم کر نعرے بازی کی۔ لندن میں پارلیمنٹ اسکوائر پر علیحدگی پسندوں نے بھارت کے قومی جھنڈے کو جلانے کی کوشش کی۔ اس کے لئے برطانیہ کے محکمہ خارجہ نے حکومت ہند سے معافی مانگی۔ برطانوی حکومت نے معاملہ کی جانچ کے لئے لندن میٹرو پولیٹن پولیس کی خاص ٹیم بنائی ہے۔ اس معاملہ کا اثر وزیر اعظم نریندر مودی کے لندن قیام کے پروگراموں پر پڑا۔ وزارت خارجہ کے مطابق وزیراعظم کے قیام کی میعاد میں 6 گھنٹے کی کٹوتی کی گئی۔ کامن ویلتھ دیشوں کے سربراہ مملکت کی چوٹی کانفرنس میں حصہ لینے پہنچے مودی کی 10 سربراہوں سے باہمی ملاقاتیں ہونی تھیں لیکن انہوں نے آسٹریلیا کے وزیر اعظم میلکم ٹرنبول ،بنگلہ دیشی کی وزیر اعظم شیخ حسینہ اور سیشلز کے صدر ڈینیفائی سے ہی باہمی بات چیت ہوئی اور وہاں سے وہ جرمنی روانہ ہوگئے۔ لندن کی میٹرو پولیٹن پولیس نے ہندوستانی ہائی کمیشن کو جانکاری دی سکھ فیڈریشن یوکے اور پاکستانی نژاد کشمیری علیحدگی پسند احمد کی رہنمائی میں سرگرم ایک گروپ نے مظاہرہ کیا۔ قریب 500 مظاہرین میں سے کئی کو پہچانا گیا ہے، جلدہی گرفتاری کی امید ہے۔ کامن ویلتھ سربراہ مملکت کی میٹنگ کے موقعہ پرلندن کے پارلیمنٹ اسکوائر میں قاعدے کے مطابق سبھی ملکوں کے جھنڈے قطار میں لگائے گئے تھے۔18 اپریل کو خالصتانی اور کشمیری علیحدگی پسندوں کے ایک گروپ نے وہاں مظاہرہ کے دوران ترنگا اتار کر اپنی تنظیموں کے جھنڈے لگا دئے اور ترنگا جلا دیا۔ جس طرح مودی کے حمایتی ان کا انتظارکرر ہے تھے اسی طرح کچھ مخالف بھی۔ برطانیہ سرکار نے حالانکہ کہا کہ پرامن ڈھنگ سے احتجاج جتانا ہر کسی کا حق ہے۔ ایک جمہوری دیش ہونے کے ناطہ برطانوی حکومت کی اس دلیل کو مسترد نہیں کیا جاسکتا۔ احتجاجی مظاہرہ پرامن ہونا چاہئے نہ کے تشدد پر مبنی۔ اس کا مطلب کسی دیش کا جھنڈا جلانا یا پھاڑنا نہیں ہوسکتا۔ مظاہرین اپنے ہاتھوں میں تختیاں لئے ہوئے تھے اور ان پر جو لکھا تھا میں اسے دوہرانا نہیں چاہتا۔ ویسے بھی جو بھی کہنا چاہتے تھے وہ ان کی تختیوں اور ان کے چہرے سے ظاہر ہورہا تھا۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں