دہلی میں یہ تو سیاسی زلزلہ ہے

پچھلے دہلی اسمبلی چناؤ میں کانگریس کے8 ممبر اسمبلی جیت کر آئے تھے تو لوک سبھاچناؤ کمپین کے دوران مودی کی ریلیوں میں بھاجپا کے اس وقت کے قومی صدر طنز کرکے کہتے تھے کہ ایک انووا کار میں ہی سوار ہوکر اسمبلی جا سکتے ہیں اب بھاجپا کی یہ پوزیشن بن گئی ہے کہ اس کے ممبر اسمبلی آٹو میں ہی جاسکتے ہیں۔ 10 لاکھ کے سوٹ پر100 روپے کا مفلر بھاری پڑ گیا۔
اترپردیش کے وزیر اعلی اکھلیش یادو نے دہلی اسمبلی چناؤ میں تاریخی کامیابی پر عام آدمی کے کنوینر اروند کیجریوال کو مبارکباد دیتے ہوئے کہا کہ لو جہاد، گھر واپسی،چار بچے پیدا کرنے جیسے اشوز کو طول دینے کی وجہ سے بھاجپا کو زبردست ہار کا سامنا کرنا پڑا ہے۔ جس طرح دہلی کی عوام نے اس اشوز کو سرے سے مستردکر بھاجپا کو ایک سبق سکھایا ہے اسی طرح اترپردیش کی عوام بھی 2017ء کے اسمبلی چناؤ میں بھاجپا کو سبق سکھائے گی۔ گلوبل میڈیا نے عام آدمی پارٹی کی جیت کو سیاسی زلزلہ قراردیا ہے۔ وزیر اعظم نریندر مودی پر طنز کرتے ہوئے انٹرنیشنل میڈیا لکھتا ہے کہ جو اوپر جاتا ہے اسے نیچے آنا ہی پڑتا ہے۔ ’دی نیویارک ٹائمس‘ نے لوک سبھا چناؤ میں بھاجپا کی شاندار جیت کے ایک سال سے بھی کم وقت میں دہلی میں اس کی ہار کو زبردست سیاسی زلزلہ بتایا ہے۔ اخبار لکھتا ہے کہ لوک سبھا چناؤ میں تاریخی جیت درج کر مودی انڈیا کے پرائم منسٹر بنے۔ منگل کی ہار ایک سیاسی زلزلہ سے کم نہیں ہے، وہیں واشنگٹن پوسٹ نے اسے نئی کرپشن مخالف عام آدمی پارٹی کے ہاتھوں بی جے پی کی ناقابل یقین شکست قراردیا ہے۔
اخبار نے لکھا ہے، دہلی چناؤ نے مودی کو جھٹکا دیا ہے۔سی این این نیٹ ورک نے مودی پر طنز کسنے کے لئے سائنسداں نیوٹرن کی فزکس کے اصول کا ذکر کرتے ہوئے کہا کہ جو اوپر جاتا ہے اسے نیچے آنا ہی ہوتا ہے۔ گلوبل میڈیا میں کیجریوال کی کامیابی کا اتنا ذکر نہیں جتنا مودی کی ہار کا ہے۔ ادھر شاندار کامیابی پر اروند کیجریوال کو مبارکباد دیتے ہوئے جنتا دل (یو) نے منگل کو کہا کہ دہلی کے لوگوں نے وزیر اعظم نریندر مودی اور بھاجپا کو نامنظور کردیا ہے۔ جنتا دل (یو) کے پردیش پردھان نے پٹنہ میں کہا کہ اروند کیجریوال نے ایک بڑی لڑائی جیتی ہے نتیجے یہ بھی اشارہ دیتے ہیں کہ دہلی کے لوگوں نے وزیر اعظم نریندر مودی اور بھاجپا کے طریقہ کار کو پسند نہیں کیا ہے۔ لوگوں نے10 لاکھ کا سوٹ پہننے والے کے مقابلے سادہ زندگی بسر کرنے والے شخص کو ترجیح دے کر یہ پیغام دیا ہے کہ چائے بیچنے والے کو10 لاکھ روپے کا سوٹ پہن کر عام آدمی کی بات نہیں کرنی چاہئے۔دہلی اسمبلی چناؤ میں عام آدمی کے طوفان میں بھاجپا کا صفایا ہوگیا لیکن جو بے درگتی 125 سال سے زیادہ پرانی کانگریس پارٹی کی ہوئی اس کو الفاظ میں بیان کرنا مشکل ہے۔ کانگریس کے سرکردہ امیدوار اپنی ضمانت تک نہیں بچا سکے۔ پارٹی نے اس چناؤ میں اپنا کھاتہ تک نہیں کھولا۔ اسی کے ساتھ اس کے دوتہائی امیدواروں نے ضمانت ضبط کراکر ایک اور ریکارڈ بنا ڈالا۔
دہلی میں کانگریس کی کس قدر بری حالت ہوئی اس کا اندازہ اسی سے لگایا جاسکتا ہے کہ پارٹی کے70 سے محض8 امیدوار ہی ضمانت بچا سکے۔ یعنی62 امیدواروں کی ضمانتیں ضبط ہوگئیں۔ پارٹی کے چہرے کے طور پر چناؤ لڑ رہے اجے ماکن تک اپنی ضمانت نہیں بچا پائے۔ کانگریس کے آدھے امیدوار10 ہزار ووٹوں کا نمبر بھی پار نہیں کرپائے۔ وہیں 13 امیدواروں کو تو5 ہزار سے بھی کم ووٹ ملے۔ کرن والیہ کو تو 400 سے بھی کم ووٹ ملے۔یہ پہلی دہلی اسمبلی ہوگی جس میں کانگریس غائب رہے گی یعنی ایک بھی کانگریسی اسمبلی میں نہیں ہوگا۔ کانگریس کی131 سالہ تاریخ میں ایسا پہلی بار ہوا ہے جب کسی بھی ریاست کے اسمبلی چناؤ میں اس کا ایک بھی امیدوار جیت نہیں پایا۔ اتنے بڑے پیمانے پر سرکردہ ہستیوں کی ضمانت ضبط ہوئی ہے۔ اس چناؤ سے ٹھیک پہلے پارٹی بدل کر اقتدار ہتیانے میں لگے اہم سرکردہ لیڈروں کو بھی جنتا نے مسترد کردیا ہے۔ ہارنے والوں میں سابق مرکزی وزیر کرشنا تیرتھ، سابق اسمبلی اسپیکر ایم۔ ایس دھیر، تین سابق ممبر اسمبلی و تین کونسلر بھی شامل ہیں۔ 
وہیں کیجریوال کی ہوا میں پارٹی بدلنے والے 6 کونسلر ،1 سابق ممبر اسمبلی و اسمبلی کے ڈپٹی اسپیکراسمبلی میں پہنچنے میں کامیاب ہوئے ہیں۔ لوک سبھا چناؤ کے بعد پی ایم مودی اور امت شاہ کی جوڑی نے جو چناؤ لڑا وہ جیتا ہے۔ دہلی چناؤ ہار گئے۔ 13 سال میں اس جوڑی نے پہلی بار چناؤ ہارا ہے۔ امت شاہ نے19 سال کی عمر میں چناؤ کا انتظام سنبھالنا شروع کیا تھا اور کوآپریٹیو سے لیکر پارلیمنٹ تک 3 درجن سے زیادہ چناؤ کا انتظام دیکھا ، ہر بار جیتے ہیں۔ دہلی میں مودی۔ امت شاہ۔ جیٹلی کی تکونی جوڑی کی ہار سے مودی مخالفین کے چہرے کھل گئے ہیں۔ نتیش کمار، ممتا بنرجی کافی خوش نظر آرہے ہیں۔ ’آپ‘ کی کامیابی کا پہلا اثر بہار میں دکھائی دے رہا ہے۔
بھاجپا اب جتن رام مانجھی سے پلا جھاڑ چکی ہے۔ اسے جنتادل(یو) کی اندرونی لڑائی قراردے رہی ہے۔ اس چناؤ میں سپا ، آر جے ڈی، جنتا دل(یو) ترنمول کانگریس ، مارکسوادی پارٹی جیسی کئی پارٹیوں نے ’آپ‘ سے رابطہ قائم کیا تھا۔ اب ’آپ‘ کی نگاہیں پنجاب، اترپردیش، اتراکھنڈ پر لگی ہیں۔ ان تینوں ریاستوں کے چناؤ2017 ء میں ہونے ہیں۔ عام آدمی پارٹی کے 4 ایم پی پنجاب سے ہیں۔ شیو سینا کے چیف اودھو ٹھاکرے کا کہنا ہے کہ ’آپ‘ کی سونامی سے مودی کی لہررکی ہے۔ میں نے کیجری سے کہا اس بار کرسی چھوڑنے کی بھول مت کرنا۔ اگر مجھے دعوت ملی تو میں حلف برداری میں ضرور آؤں گا۔ کرن بیدی کے شوہر برج بیدی نے کہا ہار کے لئے بھاجپا ورکر ذمہ دار ہیں۔ انہوں نے کرن کا ساتھ نہیں دیا ورنہ وہ کیوں چناؤ ہارتیں؟
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں