کنگنا رنوت پر دیش سے بغاوت کا مقدمہ!

فلم اداکارہ کنگنا رنوت جمعہ کو اپنی بہن رنگولی چندیل کے ساتھ ممبئی کے باندرہ پولس اسٹیشن میں بیان درج کروانے پہونچی تھی اس دوران پولس نے ان سے 2گھنٹے تک پوچھ تاچھ کی تھی دونوں کے خلاف عدالت کے حکم پر 17اکتوبر 2020کو باندرہ پولس اسٹیشن میں ملک سے بغاوت کا مقدمہ درج کیا گیا تھا کنگنا رنوت کو پوچھ تاچھ کیلئے تین مرتبہ طلب کیا جا چکا ہے لیکن بھائی کی شادی کی وجہ سے وہ پیش نہیں ہوپائیں تھیں اگر ان کے خلاف پختہ ثبوت ملتے ہیں تو انہیں گرفتار بھی کیا جاسکتا ہے ایکٹریس پر ہندو مسلم کے نام پر پھوٹ ڈالنے کے الزام لگے ہیں کنگنا کے خلاف اسی طرح سے ایک معاملے میں چمبور (کرناٹک)میں ایک ایف آئی آر ہوئی تھی ان پر کسانوں کی بے عزتی کرنے کے الزام لگے تھے ۔اس سے پہلے 25نومبر کو ممبئی ہائی کورٹ نے کنگنا اور ان کی بہن رنگولی کی عرضی پر سماعت کرتے ہوئے دونوں کو 8جنوری کو باندرہ پولس اسٹیشن میں حاضر ہونے کا حکم دیا تھا کنگنا نے ویڈیو میں کہا تھا کہ میں نے جب سے دیش کے مفاد میں بات کہ ہے تو میرے اوپر ظلم کئے جارہے ہیں پریشان کیا جارہا ہے یہ پورا دیش دیکھ رہا ہے اس سے پہلے انہوں نےایک ویڈیو جاری کر دعویٰ کیا کہ انہیں اپنے خیالات ظاہر کرنے کی وجہ سے نشانہ بنایا جا رہا ہے تھانے میں جانے سے پہلے کنگنا نے ٹویٹر پر ایک ویڈیو ڈالا جس میں دعویٰ کیا کہ اہم مسئلوںپر اپنے رائے رکھنے کی وجہ سے انہیں نشانہ بنایا جا رہا ہے اور میرا گھر غیر قانونی طریقے سے توڑ ا گیا جب میں کسانون کے مفاد میں بات کرتی ہوں تو میرے خلاف تقریباً روز مقدمہ درج کئے جا رہے ہیں۔ اور مجھے ذہنی و جسمانی طور سے ٹارچر کیا جارہا ہے ۔ (انل نریندر)