مدھیہ پردیش کی کملناتھ سرکار پر منڈراتے کالے بادل

عام چناﺅ کے نتیجوں نے مدھیہ پردیش میں کانگریس کی سرکار کو بحران میں ڈال دیا ہے دراصل کافی عرصے سے سیاسی گلیاروں میں بحث زوروں پر تھی کہ مرکز میں اگر نریندر مودی کی سرکار دوبارہ آئی تو مدھیہ پردیش کی کانگریس کی سرکار کا اقلیت میں آجانا طے ہے ۔نومبر2018میں ہوئے مدھیہ پردیش اسمبلی چناﺅ میں کسی بھی پارٹی کو اپنے دم خم پر اکثریت نہیں ملی تھی 230ممبری اسمبلی میں کانگریس کو 114بھاجپا کو 109سیٹیں ملیں تھیں اکثریت کے لئے 116ممبران کی ضرورت درکار تھی تب چار آزاد بسپا کے دو سپا کا ایک ممبر نے کانگریس کو ہمایت دے کر سرکار بنانے کی راہ آسان کر دی بھاجپا کے سابق وزیر اعلیٰ شیوراج سنگھ چوہان نے دعوی کیا کہ لوک سبھا میں کانگریس کی بھاری ہار کو دیکھتے ہوئے وزیر اعلیٰ کو اس کی ذمہ داری لیتے ہوئے خود ہی استعفیٰ دے دینا چاہیے ۔شیو راج نے کہا کہ کملناتھ نے یہ ہدایت دی تھی کہ اگر ان کے کسی حلقہ میں کانگریس امیدوار لوک سبھا چناﺅ میں ہارا تو متعلقہ وزیر کو ان کے پاس آکر استعفی دینا پڑے گا اب زبردست ہار کے سبب انہیں خو دبھی استعفیٰ دینا چاہیے کیونکہ وہ ریاست کے دو چار لوک سبھا حلقوں میں ہارتے تو کملناتھ اپنے متعلقہ وزراءسے استعفیٰ لے سکتے تھے لیکن اب کانگریسی امیدوار پوری ریاست میں ہار گئے ہیں تو اس کی ذمہ داری تو خود کملناتھ کو لینی چاہیے لوک سبھا چناﺅ میں ملی ہار کے بعد پہلی بار کانگریس اسمبلی پارٹی کی میٹنگ ہوئی جس میں سرکار کے وجود کو لے کر غور و خوض کیا گیا وزیر اعلیٰ کملناتھ نے صبح کیبنٹ کی غیر رسمی میٹنگ کے بعد شام کو ممبران کے ساتھ بھاجپا کی اقلیتی سرکار کے الزمات پر بحث کی اور دو ٹوک کہا کہ مودی سرکار تولولی لنگڑی کملناتھ سرکار کو کمزور بتا رہی ہے آپ لوگوںنے مجھے اسمبلی پارٹی کا نیتا چنا وزیر اعلیٰ بنایا اب آپ ہی فیصلہ کریں کیا میں کرسی چھوڑ دوں ؟اس پر آزاد سپا ،بسپا اور کانگریس کے سبھی ممران اسمبلی نے متحد ہو کر کہا کہ ہمیں آپ پر پورا بھروسہ ہے آپ چاہیں تو اسمبلی میں فلور ٹیسٹ کرا لیں اور گورنر کے یہاں بھی پریڈ کے لئے تیار ہیں کملناتھ سرکا رکے کیبنٹ وزیر پردھمن سنگھ نے الزام لگایا کہ بی جے پی اب کانگریس ممبران کو خریدنے کی کوشش کر رہی ہے ممبران اسمبلی کو پچاس کروڑ روپئے کاآفر دیا جا رہا ہے لیکن ہمار ا کوئی ساتھی بکنے والا نہیں ہے۔کانگریس نے پیر کو الزام لگایا کہ بھاجپا مدھیہ پردیش کی کملناتھ سرکار کو کمزور کرنے کی کوشش کر رہی ہے آنے والے دنوں میں کملناتھ حکومت کے مستقبل کا پتہ چلے گا ۔فی الحال تو ان کی سرکار پر تو کالے بادل چھائے ہوئے ہیں ۔

(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں