جعلسازی کا نیا ریکارڈ: مجسٹریٹ بن کر 2700 ملزمان کورہا کیا

ہمارے دیش میں جعلسازی میں نئے نئے ریکارڈ قائم ہورہے ہیں۔ یہ کرمنل مائنڈ کے ایکٹر ایک سے بڑھ کر ایک نئی اسکیم بناتے ہیں۔ ٹھگی کی دنیا میں سپر نٹورلال اور انڈین چارلس شوبھ راج کے نام سے مشہور شاطر بدمعاش دھنی رام متل (77 سال) آخر کار پولیس کی گرفت میں آہی گیا ہے۔ وہ ایک دو سال سے نہیں بلکہ 50 سال سے ٹھگی کا دھندہ کررہا تھا اور وہ 127 جرائم پیشہ مقدموں میں شامل رہا۔ بنیادی طور سے ہریانہ کا باشندے دھنی رام نے اپنا جال دہلی، ہریانہ، پنجاب، چندی گڑھ و راجستھان میں پھیلا رکھا تھا۔ جعلسازی کے طریقے سے مجسٹریٹ اور اسٹیشن ماسٹر بن کر اس نے کئی کارناموں کو انجام دیا ہے۔ دھنی رام نے پولیس کو بتایا جھجھر میں واقع عدالت میں اس نے فرضی مجسٹریٹ بن کر2700 ملزمان کو رہا کرنے کا حکم دیا۔اس کے پاس ایل ایل بی کی ڈگری ہے اور اسے قانون کی باریکیوں کی اچھی معلومات ہے۔ اس نے کولکتہ سے کیلی گرافی کا کورس بھی کیا ہے اور ٹھگی کے دھندے میں اسے اس کا کافی فائدہ بھی ہوا ہے۔ اس سے پہلے دھنی رام نشیلے سامان کی اسمگلنگ ، پولیس حراست سے بھاگنا، سٹہ بازی سمیت کئی معاملوں میں ملوث رہا ہے۔چنڈی گڑھ کے ایک معاملہ میں اسے بھگوڑا بھی قرار دیا جا چکا ہے۔ ابھی دھنی رام اور اس کا خاندان ٹیکری خورد علاقے میں رہتا ہے۔ اس سے پہلے وہ جہانگیر پوری اور سونی پت بھی رہتا تھا۔ویسٹ ڈسٹرکٹ پولیس ڈپٹی کمشنر پشپیندر کمار نے بتایا کہ گاڑی چوری انسداد دستے کو اطلاع ملی تھی کہ دھنی رام روہنی کورٹ کمپلیکس میں کار چوری کے لئے آنے والا ہے۔ انسپکٹر راجپال ڈباس کی رہنمائی میں پولیس ٹیم نے کورٹ کے قریب اپنا جال بچھایا۔ سادی وردی میں پولیس کو تعینات کیا گیا۔ جیسے ہی وہ کورٹ کے کمپلیکس کے پاس دکھائی دیا پولیس نے اسے دبوچ لیا۔اس کی نشاندہی پر چوری کی ایک کار بھی برآمد ہوئی ہے۔ روہتک کالج سے بی اے کرنے کے بعد دھنی رام نے فرضی کاغذات کے سہارے ریلوے اسٹیشن میں اسٹیشن ماسٹر کی نوکری بھی کی۔ دہلی سمیت کئی جگہوں پر وہ تعینات رہا بعد میں وہ فرضی ڈرائیوننگ لائسنس بنانے اور گاڑیوں کے فرضی رجسٹریشن کرنے کے دھندے میں آگیا۔ سال1964 میں روہتک میں پہلی بار پولیس کی گرفت میں آیا۔ جیل سے چھٹنے کے بعد اس نے راجستھان سے ایل ایل بی کی ڈگری حاصل کی اور کولکتہ سے کیلی گرافی کا کورس کیا۔ کچھ دنوں تک پٹیالہ ہاؤس کورٹ میں منیم کی نوکری کی ،بعد میں روہتک و دہلی میں وکالت کرتا رہا۔جھجھر کورٹ میں دو مہینے تک فرضی مجسٹریٹ بن کراس نے نہ صرف ملزمان کو رہا کیا بلکہ پولیس والوں کو بیوقوف بھی بناتا رہا۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں