مہاراشٹر کے سابق نائب وزیراعلی بھجبل گرفتار

کروڑوں روپے کے مہاراشٹر ایوان گھوٹالے میں ریاست کے سابق نائب وزیر اعلی چھگن بھجبل کی گرفتاری کرپشن کے خلاف زیرو ٹالرینس پالیسی کو ظاہرکرتی ہے۔ حال کے برسوں میں کئی اعلی سطحی لیڈروں کی گرفتاری یہ اشارہ بھی دیتی ہے کہ آپ اپنی پوزیشن، رتبے سے اب بچ نہیں سکتے۔ چھگن بھجبل کوئی عام لیڈر نہیں ہیں۔ مہاراشٹر جیسے اہمیت کے حامل صوبے کے سابق نائب وزیر اعلی ہیں، منی لانڈرنگ کے کیس میں انفورسمنٹ ڈائریکٹوریٹ نے پہلے این سی پی لیڈر سے کئی گھنٹے تک پوچھ تاچھ کی اور پھر انہیں گرفتار کرلیا۔ دہلی کے مہاراشٹر سدن کی تعمیر میں مبینہ گھوٹالے کے سلسلے میں بھجبل کو 17 مارچ تک انفورسمنٹ ڈائریکٹوریٹ کی حراست میں بھیج دیا گیا۔ اس معاملے میں ان کے بھتیجے اور سابق ایم پی سمیر بھجبل کو پہلے ہی گرفتار کر جیل بھیجا جاچکا ہے۔ بیٹے پنکج سے بھی پوچھ تاچھ ہوچکی ہے۔ بھجبل اور دیگر لوگوں کے خلاف پریونشن آف منی لانڈرنگ ایکٹ کے تحت مقدمہ درج کرکے جانچ جاری ہے۔ مہاراشٹر کے انسداد کرپشن بیورو نے چھگن بھجبل ، پنکج، سمیراور دیگر کے خلاف مہاراشٹر اسدن گھوٹالے میں چارج شیٹ داخل کی۔ 
نئے مہاراشٹر سدن کی تعمیر 100 کروڑ روپے کی لاگت سے کی گئی تھی۔ بھاجپا ایم پی کرٹ سومیا کی شکایت کے بعد انفورسمنٹ ڈیپارٹمنٹ نے بھجبل کے خلاف مقدمہ درج کیا تھا۔ انفورسمنٹ ڈیپارٹمنٹ نے بھجبل خاندان کی ممبئی اور نوی ممبئی میں دو پراپرٹی سیل کرکے 114 کروڑ روپے کی برآمدگی کی ہے۔چھگن بھجبل پیر کو انفورسمنٹ ڈائریکٹوریٹ کے دفتر میں پوچھ تاچھ کے لئے ہنسے ہوئے داخل ہوئے تھے لیکن منگلوار کو کورٹ میں پیشی کے دوران ان کی آنکھوں میں آنسو آگئے۔ بھجبل نے الزام لگایا کہ وہ بی جے پی کی قیادت والی ریاستی سرکار کے بدلے کی سیاست کا شکارہوئے ہیں۔ایک میڈیا رپورٹ کے مطابق بھجبل نے پیشی کے دوران روتے ہوئے کہا میرے خلاف کچھ بھی نہیں ہے، میں نے ان کے سارے سوالوں کا جواب دے دیا ہے، میں نے 50 سال تک سماج کی سیوا کی ہے لیکن انہوں نے مجھے گرفتار کیا ہے۔ اچھا کام کرنا کیا جرم ہے؟ بتادیں چھگن کے بیٹے پنکج کے نام پر ناسک میں 100 کروڑ روپے کا بنگلہ ہے۔ پنے میں بھی کروڑوں کی جائیداد ہے بھجبل پر دہلی میں مہاراشٹر سدن کی تعمیر میں رشتے داروں کو فائدہ پہنچانے کا الزام ہے۔ انہوں نے 52 کروڑ روپے کا ٹھیکہ152 کروڑ روپے میں دیا۔
بچپن میں چھگن بھجبل ممبئی کے مام کھالا سبزی منڈی میں اپنی ماں کے ساتھ سبزی اور پھل بیچا کرتے تھے۔مکینیکل انجینئرنگ میں ڈپلومہ کے بعد وہ پہلے بال ٹھاکرے کی شیو سینا سے جڑے اور1991 ء میں کانگریس میں چلے گئے۔بعد میں شرد پوار کی پارٹی این سی پی میں شامل ہوگئے۔چھگن بھجبل کی گرفتاری سے صاف سندیش ہے کہ کوئی کتنا بڑا لیڈر ہو مگر قانون کے سامنے وہ ایک ملزم ہے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں