وجے مالیہ کو وطن لانے کا راستہ صاف

بھگوڑے کاروباری وجے مالیہ کا کھیل ختم ہونے والا ہے ۔قانونی داو ¿ پیج کے چلتے وجے مالیہ بھارت حوالگی سے اب تک کوئی نا کوئی قانونی جگا ڑ لگا کر بچتا رہا ہے لیکن اب اس کی قانونی متبادل ختم ہوتے جا رہے ہیں ۔وجے مالیہ کو بھارت کو سونپے جانے کے خلاف عرضی کو برطانیہ کی سپریم کور ٹ نے خارج کر دیا ہے اب برطانیہ میں اس کے تمام جو قانونی پہلو تھے وہ ختم ہو چکے ہیں اب اس کو 28دنوں میں بھارت کو سونپا جا سکتا ہے حالانکہ اس پر قطعی فیصلہ برطانیہ کے وزیر داخلہ پرتی پٹیل کو کرنا ہے میڈیا رپورٹ کے مطابق کورٹ سے ملے جھٹکے کے بعد مالیہ اب یوپروپین کورٹ آف ہیومن رائٹس میں درخواست دے سکتا ہے اگر ایساہو سکتا ہے تو اس کے فیصلے تک بھارت کو روانگی لٹک سکتی ہے ۔واضح ہو کہ مالیہ پر الزام ہے کہ اس نے ہندوستانی بینکوں سے دس ہزار کروڑ روپئے کا قرض لیا اور بنا واپس کئے بنا بھارت سے فرار ہو گیا ۔اس پر بھارت نے جعل سازی اور منی لانڈرنگ کے مقدمہ درج ہیں سپریم کورٹ کے فیصلے سے پہلے مالیہ نے کورونا سنکٹ پر مالی راحت پیکج کے اعلان کے لئے وزیراعظم کو بدھائی دی اور سرکار کا قرض سرکار کو قرض واپس کرنے کی بات بھی کہی تھی انہوں نے کہا انہیں میرے جیسے چھوٹے سے تعاون کنندہ کو نظر اندازنہیں کرنا چاہیے ۔جو اسٹیٹ بینک کا سارا پیسہ لوٹانا چاہتا ہے ۔مجھ سے یہ پیسہ بنا شرط لے لیجئے اور میرا معاملہ ختم کیجئے ۔وجے مالیہ پہلے بھی قرض چکانے کی بات کرتا رہا ہے اور درخواست بھی کی جس کو مودی سرکار نطر انداز کررہی ہے اب دیکھنا ہوگا کہ سپریم کورٹ برطانیہ کی طرف سے اس کی درخواست خارج ہونے پر اس کی ہوالگی کب ہوگی ۔

(انل نریندر)