ایک اسٹیج، 17 پارٹیاں۔۔۔2019 کی مورچہ بندی

کرناٹک میں ایچ ڈی کمار سوامی نے پہلے دو امتحان تو پاس کرلئے ہیں۔ پہلا تھا اکثریت ثابت کرنے کے امتحان سے پہلے کانگریس اور جے ڈی ایس کے لئے اسمبلی اسپیکر کا چناؤ جیتنا۔ بھاجپا کے اس سے ہٹ جانے سے کانگریس کے راجیش کمار بلا مقابلہ اسمبلی اسپیکر بن گئے ہیں۔ کرناٹک کے سابق وزیر اعلی اور بھاجپا نیتا بی ایس یدی یرپا نے کہا کہ ہم نے اسپیکر کے عہدہ کے لئے اپنے امیدوار کا نام واپس لے لیا کیونکہ ہم چاہتے ہیں چناؤ اسپیکر کی عہدے کے وقار کو بنائے رکھنے کے لئے اتفاق رائے سے ہی ہو۔ چناؤ سے پہلے سمجھا جارہا تھا کہ یہ کرناٹک کے سیاسی ڈرامہ میں ایک اور واویلا لے کر آئے گا کیونکہ بھاجپا نے بھی کانگریس کے امیدوار کے خلاف اپنا امیدوار اتاردیا تھا۔ اس چناؤ میں بھاجپا نے اپنے سینئر لیڈر ایس سریش کمار کو امیدوار بنایا تھا لیکن آخری لمحہ میں انہوں نے شاید ہارکو دیکھتے ہوئے اپنی امیدواری واپس لے لی۔ دوسری بڑی طاقت آزمائی تھی ایوان میں کمار سوامی کو اعتماد میں لینا۔ یہ بھی انہوں نے آسانی سے حاصل کرلیا۔ اعتماد کے حق میں 117 ووٹ پڑے جبکہ اکثریت کے لئے کم از کم تعداد کی شرط113 تھی ظاہرہے یہ معمولی اکثریت والی سرکار ہے لیکن اگر اس سرکار کے استحکام کو لیکر ابھی بھی شبہ جتائے جارہے ہیں تو اس کے پیچھے دوسری وجوہات زیادہ ہیں۔ کانگریس اور جنتا دل (ایس) اتحاد چناؤ کے بعد کا ہے۔ دونوں پارٹیوں نے نہ صرف بھاجپا پر بلکہ ایک دوسرے پر بھی کیچڑ اچھالتے ہوئے چناؤ لڑا۔ سابق وزیر اعلی سدا رمیا نے تو جنتا دل (ایس ) کو برا بھلا کہتے ہوئے بھاجپا کی بی ٹیم تک کہہ ڈالا تھا۔ ایچ ڈی کمار سوامی کی حلف برداری تقریب میں بھاجپا اپوزیشن پارٹیوں کے نیتاؤں نے اپنے اتحاد کا جیسا مظاہرکیا اس کو بھاجپا نظر انداز نہیں کرسکتی۔ اپوزیشن پارٹیوں نے جس موثر ڈھنگ سے اپنی طاقت کا مظاہرہ کیا اس سے پتہ چلتا ہے کہ قریب قریب سبھی بھاجپا مخالف پارٹیوں کے نیتا بنگلورو میں ایک اسٹیج پر نظر آئے۔ اپوزیشن پارٹیوں کے نیتا نہ صرف ایک اسٹیج پر بیٹھے بلکہ یہ پیغام دینے کی بھی کوشش ہوئی کہ ہم سب مل کر بھاجپا کا مقابلہ کرنے کو تیار ہیں۔ اپوزیشن اتحاد کا پہلا امتحان اترپردیش میں کیرانہ ضمنی چناؤ میں ہوگا۔سماجی وادی پارٹی پوری اپوزیشن کو متحد کرنے کے لئے پہلے سے ہی کوشش میں لگی ہے۔ بدھوار کو حلف برداری تقریب کو کرناٹک میں سپا ۔ بسپا ۔ کانگریس اور آرا یل ڈی کے سربراہوں کے درمیان جو تھوڑی سی یکجہتی دکھائی دی اس سے آنے والے دنوں میں اترپردیش میں اپوزیشن اتحاد کا پلیٹ فارم تیار ہوسکتا ہے۔ لوک سبھا چناؤ کے لئے سپا۔ بسپا اتحاد میں اتفاق رائے ہو چکا ہے اور کیرانہ ضمنی چناؤ سے پہلے آر ایل ڈی بھی ان کے قریب آگئی ہے۔ ایسے میں کانگریس کے لئے بھی ساتھ آنا مجبوری ہوگی۔ کرناٹک میں اس حلف برداری تقریب میں17 اپوزیشن پارٹی کے نیتاؤں کی موجودگی میں 2019 میں مودی مخالف مورچہ کی تیاریوں کی جھلک پیش کی ہے۔ تقریب کے بہانے اپوزیشن کے ایک اسٹیج پر آنے کو بڑی سیاسی اہمیت ملی ہے۔ تقریب کے دوران بسپا چیف مایاوتی اور کانگریس کی سابق صدر سونیا گاندھی ایک دوسرے سے بہت گرمجوشی سے ملیں۔ حلف لینے کے بعد وزیر اعلی ایچ ڈی کمار سوامی نے کہا کہ کانگریس اور جی ڈی ایس مل کر کرناٹک میں پردھان منتری نریندر مودی کے خیالی گھوڑوں کو باندھنے میں کامیاب رہے۔ ہمارا نشانہ پورا ہوگیا ہے۔ میں نے کہا تھا اترپردیش کے چناؤ نتیجوں کے بعد میرا نشانہ نریندر مودی اور امت شاہ کے دوڑتے گھوڑے کو باندھنا ہے۔ انہوں نے یہ بھی کہا کہ ریاست میں کانگریس ۔ جے ڈی ایس اتحاد سرکار اپنے پانچ سال کی میعاد پوری کرے گی۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں