جے للتا ہائی کورٹ سے بے داغ ثابت ہوکر بری

کرناٹک ہائی کورٹ نے تاملناڈو کی سابق وزیر اعلی جے للتا کو آمدنی سے زیادہ اثاثے کے معاملے میں بری کردیا ہے۔ اس فیصلے سے محترمہ جے للتا اور ان کی پارٹی کو سیاسی سنجیونی مل گئی ہے۔غور طلب ہے کہ آمدنی سے زیادہ اثاثے کے معاملے میں18 سال کی قانونی لڑائی کے بعد پچھلے سال بینگلورو کی خصوصی عدالت نیجے للتا اور ان کے تین قریبی افراد کو چار سال قید کی سزا سنائی تھی۔ اس کے علاوہ عدالت نے جے للتا پر100 کروڑ اور دیگر پر10 کروڑ روپے کا جرمانہ بھی لگایا تھا۔ ٹرائل کورٹ سے اثاثے کے معاملے میں جیل کی سزا بھگت رہی جے للتا کو اپنے کانوں پر بھروسہ نہیں ہوا ہوگا جب کرناٹک ہائی کورٹ نے منٹوں میں ہی انہیں بری کرنے کا اعلان کردیا۔ اس فیصلے کو لیکر جتنی گد گد جے للتا رہی ہوں گی اس سے زیادہ بے چین ڈی ایم کے جیسی مقامی پارٹیوں سے لیکر بھاجپا یا کانگریس نہیں رہی ہوگی۔ چناؤ کی آہٹ سن رہے تاملناڈو کے سیاسی مستقبل کا دارو مدار کچھ حد تک اس فیصلے پر ٹکا ہوا تھا۔ ہائی کورٹ اگر نچلی عدالت کا فیصلہ برقرار رکھتی تو اماں کے سیاسی بدائی کا ماحول بن جاتا۔ کیونکہ لمبے وقت تک وہ چناؤ لڑنے کا حق کھو بیٹھتیں لیکن اب نہ صرف انہیں جیل سے نجات ملی ہے بلکہ کرپشن کی سیاہی سے بھی انہیں چھٹکارا مل گیا ہے۔ غور طلب ہے کہ بنگلورو کی خصوصی عدالت نے جب ستمبر2014 ء میں انہیں آمدنی سے زیادہ اثاثہ معاملے میں 4 سال جیل اور 100 کروڑ روپے جرمانے کی سزا سنائی تھی، تو انہیں وزیر اعلی کی کرسی چھوڑنی پڑی تھی اور ان کی جگہ ان کے وفادار پنیر سیلوم وزیر اعلی بنے۔ یہ فیصلہ دیش کی سیاست ک علاوہ عدالتی تاریخ کا بھی ایک حیرت انگیز واقعہ تھا۔ کرپشن یا دوسرے مجرمانہ معاملوں میں سرکردہ سیاستدانوں کے بھی جیل جانے کی کئی مثالیں ہیں لیکن پہلی بار ایک وزیر اعلی کو سزا سنائی گئی تھی۔ پھر جے للتا کو وزیر اعلی کا عہدہ چھوڑنا پڑا تھا۔ 14 سال پہلے بھی جے للتا کو کرپشن کے ایک دوسرے معاملے میں سپریم کورٹ کے حکم پر وزیر اعلی کا عہدہ چھوڑنا پڑا تھا۔ البتہ تب وہ 6 مہینے بعد ضمنی چناؤ جیت کر پھر وزیر اعلی بن گئی تھیں۔ جے للتا اب پورے دم خم سے اقتدار میں واپسی کریں گی اس میں تو کوئی شک کی گنجائش نہیں ہے۔ دیکھنا یہ ہے کہ وہ اسی اقتدار میں پھر سے وزیر اعلی کی کرسی سنبھالیں گی یا نئے چناؤ کا اعلان کر اس فیصلے کا بھر پور سیاسی فائدہ اٹھانے کا خطرہ لیتی ہیں۔ اس بار کرسی سنبھالنے کے ساتھ وہ اپنے حریف کروناندھی کے پانچ بار وزیر اعلی بننے کے ریکارڈ کی برابری کر لیں گی لیکن جے للتا کے اس انوکھے ریکارڈ کی برابری کون کر پائے گا جس میں کرپشن سے دو بار ہائی کورٹ سے سزا پانے اور دیش کی سب سے بڑی عدالت کے حکم کے بعد وزیر اعلی کی کرسی گنوانے کے بعد ان کی شاندار واپسی ہوئی ہے۔ اب جے للتا کی واپسی سے تاملناڈو میں ترقیاتی کام پھر سے پٹری پر لوٹ سکیں گے۔ مرکزی سیاست میں بھی میڈم کے پس منظر میں آنے سے تجزیئے بدلیں گے۔ اس فیصلے کے بعد جے للتا کی طوفانی واپسی کے اشارے ہیں۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں