سبرامنیم سوامی کے چکرویو میں پھنستے سونیا ۔راہل گاندھی


جنتا پارٹی کے چیف ڈاکٹر سبرامنیم سوامی اکثر کانگریس پارٹی پر الزام لگاتے رہتے ہیں لیکن کانگریس نے انہیں کافی سنجیدگی سے نہیں لیا۔ تازہ الزام پر کانگریس پارٹی پھنستی نظر آرہی ہے۔ یہ الزام اس لے بھی زیادہ سنگین ہوجاتے ہیں کیونکہ یہ سیدھے کانگریس صدر سونیا گاندھی اور ان کے صاحبزادے راہل گاندھی پر لگے ہیں۔ ابھی تک سونیا گاندھی کے داماد رابرٹ واڈرا پر الزامات کا سلسلہ رکا نہیں تھا کہ ڈاکٹر سوامی نے ایک نیا مورچہ کھول دیا ہے۔ انہوں نے نیشنل ہیرلڈ اخبار چلانے والی کمپنی ایسوسی ایٹ جنرل لمیٹڈ کو تحویل میں لئے جانے پر سوال کھڑے کئے گئے ہیں۔ ڈاکٹر سوامی نے ایک اخباری کانفرنس میں بتایا کہ سونیا۔ راہل نے ایک کمپنی کی شروعات کی تھی جسے ’ینگ انڈیا‘ کا نام دیا گیا اور اس میں ہر ایک کا شیئر38 فیصدی تھا۔ اس کمپنی نے ایسوسی ایٹڈ جنرل کو تحویل میں لے لیا جس کا قیام ہندوستان کے پہلے وزیراعظم پنڈت جواہر لعل نہرو نے کیا تھا یہ کمپنی نیشنل ہیرلڈ اور قومی آواز شائع کیا کرتی تھی۔
سوامی نے کہا ایسوسی ایٹڈ جنرل کو آل انڈیا کانگریس کمیٹی نے بغیر جانچ پڑتال کئے 90 کروڑ روپے سے زیادہ کا قرض دے دیا۔ انہوں نے دعوی کیا کہ انکم ٹیکس ایکٹ کے تحت یہ ناجائز ہے کیونکہ سیاسی پارٹیاں کاروباری ایشوز کے لئے قرض نہیں دے سکتیں۔ انہوں نے الزام لگایا کہ کانگریس کے سبب ’ینگ انڈیا‘ نے بورڈ میں ایک ریزولیوشن لاکر صرف50 لاکھ روپے میں قرض ختم کردیا۔ ایسوسی ایٹڈ جنرلس کے شیئروں کی منتقلی کے ذریعے ینگ انڈیاکو بیچ دیا گیا جو اخبار یا میگزین نکالنے والی کمپنی نہیں ہے۔ کانگریس نے پہلے تو سوامی کے الزامات پر خاموشی اختیار کئے رکھی لیکن جب دباؤ بڑھتا گیا تو پارٹی کے ترجمان و میڈیا انچارج جناردن دویدی نے 90 کروڑ روپے کا قرض لینے کی بات تو قبول کرلی لیکن ساتھ ساتھ صفائی دی کہ قانون کی تعمیل کرتے ہوئے اخبار کو درست کرنے کی کارروائی میں شروعات میں مدد کرنے کے ارادے سے ایسوسی ایٹڈ جنرلز کی مدد کر کانگریس پارٹی نے اپنا فرض ادا کیا ہے۔
پریس ریلیز میں کہا گیا ہے انڈین نیشنل کانگریس نے سود سے مستثنیٰ قرض کے طور پر یہ مدد دی تھی جس کے عوض میں پارٹی کو کوئی کاروباری فائدہ نہیں ہونے والا ہے۔ جناردن دویدی نے کہا کانگریس کا مقصد پارلیمانی جمہوریت پر مبنی سماجی قوم کے پرامن اور آئینی راستوں سے بھارت کے لوگوں کی بھلائی اور ترقی ہے جس میں اخباروں ،سیاسی ،اقتصادی اور سماجی حقوق کی یکسانیت ہو اور جس کا مقصد عالمی امن اور بھائی چارگی ہو۔ انہوں نے یہ بھی کہا کہ انڈین نیشنل کانگریس کے لئے یہ فخر کی بات ہے کہ ان مقاصد اور ان کی سیاسی سرگرمیوں میں مدد کے لئے اس نے نیشنل ہیرلڈ اور دیگر اخباروں اشاعت اور ایسوسی ایٹڈ جنرلز لمیٹڈ کی مدد کی تھی جس کا قیام1937 میں پنڈت جواہر لعل نہرو نے کیا تھا جس نے ہماری آزادی تحریک میں اہم رول نبھایا تھا۔ میں نے قارئین کے سامنے ڈاکٹر سوامی کا الزام بھی بتایا ہے کانگریس پارٹی کے ترجمان کا جواب بھی بتایا ہے تاکہ آپ خود فیصلہ کر سکیں کہ معاملہ دراصل کیا ہے؟ شری جناردن دویدی نے یہ تو قبول کرلیا ہے کہ کانگریس پارٹی نے90 کروڑ روپے کا قرض بیشک دیا۔ بیشک مقصدکچھ بھی رہا ہو لیکن اتنا تو طے ہوگیا ہے کہ 90 کروڑ روپے کا قرض دیا گیا ہے۔ سوال پیدا ہوتا ہے کیا یہ قانونی خلاف ورزی نہیں ہے؟ ڈاکٹر سوامی کہتے ہیں یہ خلاف ورزی ہے۔ اخبار کو سود سے پاک 90 کروڑ روپے کی کانگریس کی منظوری کے بعد سوامی چناؤ کمیشن کا دروازہ کھٹکھٹا رہے ہیں۔انہوں نے عرضی دیکر کانگریس کی منظوری منسوخ کردینے کی مانگ کی ہے۔ کہا ہے کہ سیاسی پارٹی کے طور پر کانگریس چندے سے اکٹھا کردہ پیسہ قانوناً کسی کمپنی کو قرض کے طور پر نہیں دے سکتی۔ سوامی نے کہا کانگریس پارٹی نے گائڈ لائنس کی صریحاً خلاف ورزی کی ہے۔ آر پی اے کی دفعہ292A سےC میں سیاسی پارٹیوں کے ذریعے کسی کمپنی کو سود یا بے سود قرض دینے کی کوئی سہولت نہیں ہے۔ انکم ٹیکس قانون کے مطابق کوئی بھی سیاسی پارٹی کسی کمپنی کو قرض نہیں دے سکتی۔ 
کانگریس نے اس کا جواب دیتے ہوئے کہا یہ طے کون کرے گا کسی پارٹی کے سیاسی پروگرام کون کون سے ہیں؟ ہمارے مفادی سیاسی کام ہم خود طے کریں گے۔ ہم دوسروں کو اپنے سیاسی کام طے کرنے کا حق نہیں دے سکتے کیونکہ اب معاملہ چناؤ کمیشن کے پالے میں ہے وہی طے کرے گا کہ اس معاملے میں قانون اور ضابطوں کی خلاف ورزی ہوئی ہے یا نہیں؟ ایک دوسرا سوال جو اٹھ رہا ہے وہ ہے ’ینگ انڈین‘ کو لیکر کانگریس کی صفائی کے باوجود اپوزیشن اس ’ینگ انڈیا‘ کمپنی کو لیکرسوال اٹھا رہی ہے جس میں سونیا گاندھی اور راہل گاندھی کے76فیصدی شیئر ہیں۔
کانگریس نے کہاینگ انڈین ایسوسی ایٹڈ جنرلز لمیٹڈ کو تحویل میں نہیں لیا ہے۔ ایسوسی ایٹڈ جنرلز ابھی باقی ہے کیونکہ مخالفین کی دلیل ہے کہ اگر کانگریس نے اس کمپنی کو بچانے کے لئے 90 کروڑ روپے کا قرض دیا تو اس کے شیئر اس ینگ انڈیا کمپنی کو کیسے مل گئے جس میں سونیا راہل کے38-38 فیصدی شیئر ہیں۔ اگر یہ کمپنی کانگریس کی ہی ہے تو شیئر پارٹی کے نام کیوں نہیں؟ سوامی الزام لگا رہے ہیں کہ نیشنل ہیرلڈ دہلی میں واقع 1600 کروڑ روپے کی پراپرٹی پر قبضہ کرنے کی نیت سے یہ قرض دیا گیا ہے۔ اس طرح کی سرگرمیوں میں ملوث ہونے پر کسی ادارے کی منظوری ختم کرنے کے بارے میں پہلے بھی آواز اٹھائی گئی ہے جب خود کو غیر امداد یافتہ ادارہ بتانے والے بھارتیہ کرکٹ کنٹرول بورڈ کے ذریعے آئی پی ایل کو قرض دینے پر اس کی مانیتا رد کردی گئی تھی۔ تو اس کے بارے میں امتیاز کیو برتا جارہا ہے؟
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں