ریلیوں کی گہما گہمی کا ایتوار!

گذشتہ ایتوار کا دن ریلیوں کے نام رہا۔ جیسے جیسے عام چناؤ قریب آتے جارہے ہیں مختلف سیاسی پارٹیوں کی عوامی تحریک تیزی پکڑتی جارہی ہے۔ ایتوار کو چار ریلیاں ہوئیں۔ ان میں سب سے بڑی ریلی بھاجپا کے پی ایم امیدوار نریندر مودی کی کیرل کے شہر کوچی میں ہوئی۔ وہیں لیفٹ پارٹیوں کا گڑھ مانے جانے والے مغربی بنگال کے بعد کیرل میں نریندر مودی کی ریلی خاص اہمیت رکھتی ہے۔ بھاجپا کا جنوبی ہندوستان میں زیادہ اثر نہیں ہے اس لئے اس ریلی میں زیادہ بھیڑ آنے کی امید نہیں تھی لیکن اتنے لوگوں کے آنے سے خود بھاجپا لیڈر بھی حیران رہ گئے۔ یہ تابڑ توڑ ریلیاں کررہے نریندر مودی نے اس مرتبہ دلت کارڈ کھیلا ہے۔ مودی نے ایتوار کو کوچی میں کہا کہ وہ اب بھی سیاسی چھوا چھوت کے شکار ہیں۔ کانگریس پر حملہ بولتے ہوئے مودی نے ان پر دلتوں کوملے حقوق چھیننے کی سازش رچنے کا الزام لگا دیا۔ نریندر مودی ایتوار کو کیرل کے دلت فرقے کی بڑی تنظیم کیرل پلیار مہا سبھا کی جانب سے منعقدہ ایک پروگرام میں پہنچے تھے۔ مودی نے دعوی کیا کہ 100 دن کے اندر مرکز میں اقتدار میں تبدیلی ہوگی۔ اس کے بعد کانگریس کی سب غلط پالیسیاں ختم کردی جائیں گی۔ آنے والی دہائی دلتوں اور پسماندہ طبقوں کی ہوگی جس وقت مودی کوچی میں یہ سب کہہ رہے تھے اسی وقت کولکاتہ میں برگیڈ گراؤنڈ میں لیفٹ پارٹیوں کی ایک ریلی میں مارکسوادی سکریٹری جنرل پرکاش کرات کہہ رہے تھے کہ مرکز کے اقتدار میں نریندر مودی کو لانے و ان کے گجرات ماڈل کو اپنانے سے دیش میں فرقہ پرستی کو بڑھاوا ملے گا۔ ایتوار کو ریلی کو خطاب کرتے ہوئے کرات نے کہا کہ مودی کے گجرات ماڈل سے صرف بڑے کاروباریوں و صنعت کاروں کو فائدہ ہوگا جبکہ عام لوگوں کا اس سے کوئی بھلا نہیں ہوگا۔ عام لوگوں کی بات آج کل سبھی لیڈر کرتے ہیں۔ کانگریس نائب پردھان راہل گاندھی بھی اڑیسہ کے سالی پور میں جنتا کی بار کررہے تھے۔ انہوں نے بیجو جنتا دل کے لیڈر و وزیر اعلی نوین پٹنائک پر زبردست حملہ بولا۔ انہوں نے پچھلے 26 دسمبر کو پارٹی کے یوم تاسیس پر ایک پروگرام میں کانگریس کو کرپٹ اور بھاجپا کو فرقہ پرست بتایا تھا۔ اسی پر جوابی حملہ کرتے ہوئے راہل نے کہا کہ ریاست میں ہوئے بہت سے گھوٹالوں کے پیچھے بی جے ڈی ہی ذمہ دار ہے۔ کٹک ضلع کے سالی پور شہر میں ریلی کو خطاب کرتے ہوئے راہل نے کہا جن کلیان کے لئے اڑیسہ کو جو فنڈ دیا جاتا ہے وہ ضرورتمندوں تک نہیں پہنچتا۔ زیادہ تر پیسے کو بیچ میں ہی کھا لیا جاتا ہے۔ ریاست میں لوہا ،ابرق اور میگنیز کی جم کر لوٹ مار ہورہی ہے۔اس لوٹ مار کا فائدہ کچھ لوگ اٹھا رہے ہیں جبکہ باقی پریشانیوں میں چل رہے ہیں۔ ایتوار کو ہی مہاراشٹر سرکار کے ساتھ چنگی اشو پر اپنی لڑائی کو آگے بڑھاتے ہوئے ایم این ایس کے لیڈر راج ٹھاکرے نے 12 فروری کو راجیہ شاہراہ پر’ راستہ روکو‘ تحریک کا اعلان کیا تاکہ چنگی ٹیکس کو ختم کرنے کے لئے دباؤ بنایا جاسکے۔ ایس پی کالج پنے کے میدان پر منعقدہ ایک ریلی کو خطاب کرتے ہوئے کہا ایم این ایس کی لڑائی تب تک چلے گی جب تک سرکار سڑک کو عمدہ نہیں بنا دیتی۔پانچویں ریلی تو نہیں لیکن لکھنؤ میں سپا پرمکھ ملائم سنگھ یادو کی پارٹی ہیڈ کوارٹر میں اینٹری اور قومی ایگزیکٹو و ضلع پردھانوں کو ایتوار کو خطاب کرتے ہوئے ملائم سنگھ نے کہا کہ مودی کہتے ہیں کہ وکاس پر بحث کریں۔ جب ہم نے انہیں بتایا کیا گجرات میں یوپی کی طرح کنیا ودیا دھن ، بے روزگاری بھتہ اور مفت دوائی اور پڑھائی جیسی سہولیات ملی ہوئی ہیں، تو وہ جواب نہیں دے پائے۔ ملائم نے کانگریس پر حملہ بولتے ہوئے مہنگائی کرپشن اور لچر خارجہ پالیسی پر بھی گھیرا تو بھاجپا کے پردھان منتری کے امیدوار نریندر مودی کو کہا کہ انہیں غلط بیانی سے بچنا چاہئے ،جو سپا یوپی میں دے رہی ہے وہ گجرات میں نہیں دیا جارہا ہے۔ کل ملا کر ایتوار ریلیوں کی گہما گہمی کا دن رہا۔تقریباً ان سبھی کے نشانے پر نریندر مودی ہی رہے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں