بھیک مانگنا اب جرم نہیں

بھیک مانگنا اب جرم نہیں ہوگا۔ یہ فیصلہ دہلی ہائی کورٹ نے پچھلے دنوں دیا ہے۔ دہلی ہائی کورٹ کی نگراں چیف جسٹس گیتا متل اور جسٹس سی ۔ ہری شنکر کی بنچ نے بھیک دھندے کو آئی پی سی کے زمرے میں رکھنے والے قانون کو غیر آئینی بتاتے ہوئے اسے منسوخ کردیا ہے۔ بنچ نے کہا بھیک مانگنے کو جرم ماننے والے بمبئی بھیک روک تھام قانون کے تقاضے آئینی جانچ میں ٹک نہیں سکتے۔ بنچ نے 23 صفحات کے فیصلہ میں کہا کہ اس فیصلہ کا نتیجہ یہ ہوگا کہ بھیک مانگنے والوں کا جرم مبینہ طور سے کرنے والوں کے خلاف قانون کے تحت مقدمات خارج کرنے لائق ہوں گے۔ عدالت ہذا نے کہا اس معاملہ میں سماجی اور اقتصادی پہلو پر تجربہ پر مبنی نظریہ کے بعد دہلی سرکار بھیک کے لئے مجبور کرنے والے گروہ پر کنٹرول کے لئے متبادل قانون لانے کو آزاد ہے۔ ہائی کورٹ میں سماعت کے دوران مرکزی سرکار نے کہا تھا کہ بمبئی بھیک دھندہ روک تھام ایکٹ 1959 میں کافی توازن ہے۔ اس قانون کے تحت بھیک مانگنا جرم کے دائرہ میں آتا ہے۔ دہلی سرکار اور مرکزی سرکار دونوں نے اکتوبر 2016 کو ہائی کورٹ کو بتایا تھا کہ سماجی انصاف و تفویض اختیارات وزارت نے بھیک دھندے کو جرم کے زمرے سے باہر کرنے اور بھکاریوں اور بے گھر لوگوں کو بسانے کے لئے بل کا مسودہ تیار کیا ہے۔ حالانکہ بعد میں حکومت نے اس قانون میں ترمیم کرنے سے انکار کردیا تھا۔ ایک مسئلہ یہ بھی ہے کہ راجدھانی میں ٹھگ گروہ کے بدمعاش بھکاری کے بھیس میں سڑکوں پر جرائم کو انجام دیتے ہیں۔ ان کا اہم جرم لوگوں کی کار سے بیگ ،لیپ ٹاپ وغیرہ سامان چرانا ہے۔ کئی بار نشیڑی بھی بھکاری کے بھیس میں واردات کو انجام دیتے ہیں۔ کئی بار پکڑے بھی گئے ہیں۔ راجدھانی دہلی میں ہی 75 ہزار سے زیادہ بھکاری ہیں ان میں سے 30 فیصدی 18 سال سے کم عمر کے ہیں۔ 40 فیصدی راجدھانی میں خاتون بھکاری ہیں۔ ان میں نشہ کرنے والے بھکاری بھی شامل ہیں۔ ہائی کورٹ نے معاملہ کی سماعت کے دوران یہ بھی کہا کہ اگر کوئی منظم ڈھنگ سے بھکاریوں کا گینگ یا ریکٹ چلاتا ہے تو اس پر کارروائی کی جانی چاہئے۔ آپ کو بتادیں بمبئی پرونشن آف بیگنگ ایکٹ کے تحت اگر کوئی شخص پہلی بار بھیک مانگتے ہوئے پکڑا جاتا ہے تو اسے تین سال تک کی سزا ہوسکتی ہے۔ اس کے علاوہ قانون کے تحت 10 سال تک کی حراست میں رکھنے کی بھی سہولت ہے۔ ضرورت اس بات کی ہے کہ دہلی سرکار کو سماج کلیان محکمہ کی مدد سے بھکاریوں کو لیکر کوئی ٹھوس مفصل منصوبہ تیار کرنا ہوگا اوران کی باز آبادکاری کرنی ہوگی۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں