عام چناﺅپانی پت کے یدھ جیسا

کولکاتہ میں اپوزیشن ایکتا ریلی پر تکتہ چینی کرتے ہوئے وزیر اعظم نریندر مودی نے کہا کہ مہا گٹھ بندھن کی کوشش دیش کی عوام کے خلاف ہے ان کی دنیا اپنے پریوا ر بھائی - بھتیجے کو آگے بڑھانے پر مرکوز ہے جس طرح مغربی بنگال میں سیاسی پارٹی کو اس کا پروگر ا م کرنے سے روک دیا جاتا ہے ،جمہوریت کا گلا گھوٹنے والے ،پنچایت چناﺅ کمیں پرچے داخل کرنے والوں کو موت کے گھاٹ اتارنے والے جب وہاں اکھٹے ہو کر جمہوریت بچانے کی بات کرتے ہیں تو منھ سے نکلتا ہے واہ کیا سین ہے ۔سلواسہ میں میڈیکل کالج کے سنگ بنیاد کے بعد وزیر اعظم نے کہا کہ ہماری نیت دیش کی ترقی کی ہے ۔پریوار کے وکاس کی نہیں نہ تو ہماری پالیسی ہے اور نہ ہمارا ارادہ ہے ۔یہی صاف نیت اور واضح پالیسی ان کو (اپوزیشن)کو ذرا کھٹک رہی ہے انہیں دقت ہے کہ مودی کرپشن کے خلاف اتنی بڑی کارروائی کیوں کر رہے ہیں ؟اقتدار کے گلیاروں میں گھومنے والے بچولیوں کو مودی نے باہر کیوں نکال دیا ۔غریبوں کے راشن ،پینشن اور ان کو ملنے والے حق پر کنڈلی مارے بیٹھے دلالوں کو باہر کیوں کر رہا ہے ؟اپنے پریوار اور سلطنت کو بچانے کے لئے وہ کتنے بھی گٹھ بندھن بنا لیں وہ اپنے فعل سے بھاگ نہیں سکتے ۔پچھلے کچھ دنوں سے دونوں وزیر اعظم اور بھاجپا صدر امت شاہ جارحانہ حکمت عملی اپنائے ہوئے ہیں اور وزیر اعظم اپوزیشن پارٹیوں پر جم کر نقطہ چینی کر رہے ہیں تو ہمیشہ مودی سرکار کی کارناموں کو باریکی سے دیش کے عوام کو سمجھا رہے ہیں ۔بھاجپا صدر امت شاہ کا کہنا ہے کہ ان کی پارٹی عام چناﺅ وکاس اور دفاع اور دیش کے آتم سمان جیسے اشوز پر لڑئے گی۔انہوں نے اعتماد ظاہر کیا کہ بھاجپا 3سو سے زیادہ لوک سبھا سیٹیں جیتے گی اور وزیر اعظم نریندر مودی کا اقتدار برقرار رہے گا ۔بھاجپا نے2014کے لوک سبھا چناﺅ میں 282سیٹیوں پر جیت درج کی تھی ،جو سرکار بنانے کے لئے ضروری نمبروں سے زیادہ تھی ۔ایودھیا میں رام مندر بنانے کے بارے میں انہوںنے کہا کہ کانگریس نہیں چاہتی کہ یہ اشو جلدی نمٹ جائے ۔ہم رام مندر کی تعمیر چاہتے ہیں لیکن قانون کے دائرے میں رہ کر ہم ایسا چاہتے ہیں ۔شاہ نے کہا کہ مغربی بنگال میں کافی تبدیلی آئے گی جہاں بھاجپا 42میں سے 23سے زیادہ سیٹیں جیتے گی انہوںنے مزید دعوی کیا کہ نارتھ ایسٹ خطے میں 25میں سے 21سیٹوں پر کامیابی حاصل کرئے گی ۔بھاجپا صدر نے 2019کے لوک سبھا چناﺅ کو پانی پت یدھ جیسا بتایا ہے ۔تازہ سروے بتاتے ہیں کہ 2014کے مقابلے اس بار مودی لہر پھیکی پڑتی نظر آرہی ہے ۔پچھلی مرتبہ جن جن ریاستوں میں این ڈی اے نے شاندار پرفارمینس دی تھی وہاں اس بار سیٹوں کا بڑا نقصان ہوتا دکھائی پڑ رہا ہے ۔اے بی پی نیوز-سی ووٹر کے سروے میں کہا گیا ہے کہ این ڈی اے کو 233سیٹیں مل سکتی ہیں یہ نمبر اکثریت سے 39سیٹیں کم ہے وہیں یوپی اے کو 106سیٹوں کے اضافہ دکھایا گیا ہے ۔بی جے پی کا تین فیصدی ووٹ گھٹا ہے جبکہ یوپی اے کو دس فیصدی ووٹ زیادہ ملے گا ۔لیکن یہ سروے غریب بڑی برادریوں کو دس فیصد ریزرویشن سے پہلے کا ہے ۔اس لئے فی الحال اسے پوری طرح صحیح نہیں مانا جا سکتا ۔اعلیٰ برادریوں کو ریزریوشن دینا بھاجپا کے ماسٹر اسٹروک کے طور پر دیکھا جا رہا ہے ۔کیونکہ ایس سی -ایس ٹی ایکٹ میں ترمیم کے بعد پورے دیش میں اعلیٰ برادریاں بے حد ناراض تھیں انہیں منانے کے لئے مودی سرکار نے دس فیصدی ریزرویشن دینے کا اعلان کیا ہے سرکار کے اس فیصلے سے لوک سبھا کی تقریبا 125سیٹوں پر اثر پڑئے گا ۔2014کے ایک اندازے کے مطابق 125لوک سبھا سیٹیں ایسی ہیں جہاں ذات پات کی بنیاد پر اعلیٰ برادری کے امیدوار بھاری پڑتے ہیں اور کامیاب ہوتے ہیں ۔اترپردیش ،مدھیہ پردیش ،بہار،دہلی ،ہریانہ ،مغربی بنگال،ہماچل،اتراکھنڈ،اور راجستھان میں بڑی برادریوں کا اثر ووٹ بینک پر دکھائی پڑتا ہے ۔ایک سروے کے مطابق اب بھی دیش میں 55فیصد ووٹر امیدوار کی برادری دیکھ کر ووٹ دیتے ہیں پچھلے لوک سبھا میں جیتی سیٹیں اس بار بھاجپا کو ان میں کمی کا احساس ہے ۔اس لئے بھاجپا کی پہنچ سے دور رہ گئے ساﺅتھ اور نارتھ ایسٹ کے لئے پارٹی نے اس بار نئے نشانے طے کئے ہیں ان دونوں خطوں میں پارٹی نے 50سے زیادہ سیٹیں حاصل کرنے کا نشانہ طے کیا ہے اپوزیشن نے بے شک اپنا ٹریلر پیش کر اپنا دم خم دکھا دیا ہو لیکن دوست پکچر ابھی باقی ہے ۔

(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں