ورلڈ کپ میں میڈل جیتنے والی پہلی جمناسٹ

چار سال پہلے گلاسگو میں ہوئے کامن ویلتھ کھیلوں دیپا کرماکر نے جیمناسٹک میں پہلا میڈل جیت کر دیش کا نام اس کھیل میں روشن کیا تھا۔ اب ٹھیک چار سال بعد ایک اور ہندوستانی نے اس کھیل میں دیش کا نام روشن کیا ہے۔ ہندوستان کی جیمناسٹ ارونا بدھا ریڈی نے سنیچر کو جیمناسٹ ورلڈ کپ میں تانبے کا میڈل جیت کرتاریخ رقم کی ہے۔ ارونا عورتوں کے وولٹ ایونٹ میں 13.649 اسکور کے ساتھ ورلڈ کپ میں شخصی طور پر میڈل جیتنے والی بھارت کی پہلی جیمناسٹ بنی ہیں۔ 22 سالہ ریڈی تیسرے مقام پر رہیں۔ سلوینیا کی جھاسا کولیف نے گولڈ میڈل اور آسٹریلیا کی امیلی وائٹڈ نے سلور میڈل جیتا ۔ایک اور ہندوستانی کھلاڑی پرینیتی نائک نے 13.416 نمبروں کے ساتھ چھٹا مقام حاصل کیا۔ پرنیتی نے کوالیفکیشن گراؤنڈ میں 13.483پوائنٹ کے ساتھ چوتھے مقام پر رہتے ہوئے فائنل میں جگہ بنائی تھی جبکہ ارونا ریڈی کوالیفکیشن راؤنڈ میں 13.567 پوائنٹ کے ساتھ دوسرے نمبر پر رہی تھیں۔ اس وولٹ کے ایونٹ میں 11 جمناسٹ نے حصہ لیا تھا ان میں سے 8 نے فائنل میں جگہ بنائی۔ تلنگانہ کی ارونا کی پہلی پسند جمناسٹک نہیں تھی وہ کراٹے کھیلنا چاہتی تھی لیکن کوچ نے ارونا کے لچیلے پن کو دیکھتے ہوئے انہیں جمناسٹ بننے کی صلاح دی۔ وہ2010 میں کم عمر کے سبب دہلی کامن ویلتھ گیمس میں حصہ نہیں لے سکی تھیں۔ ارونا نے ورلڈ کپ میں میڈل جیت کر کامن ویلتھ کھیل کے لئے بھی دعوی ٹھوک دیا ہے۔ اپریل میں ہونے والے کامن ویلتھ گیم میں دیپا کرماکر حصہ نہیں لے رہی ہیں۔ دیپا کرماکر چوٹ کے سبب ٹرائل میں شامل نہیں ہوسکیں۔ عالمی سطح پر یہ بھارت کا تیسرا میڈل ہے۔ آشیش کمار نے دہلی میں ہوئے 2010 کامن ویلتھ کھیلوں میں پہلا میڈل جیتا تھا اس کے بعد گلاسکو میں ہوئے کامن ویلتھ میں دیپا کرماکر میڈل حاصل کر کسی بین الاقوامی مقابلہ میں میڈل جیتنے والی پہلی ہندوستانی بنی تھیں۔ دیپا 52 سال اولمپک کوالیفائی کرنے والی پہلی ہندوستانی بنی تھیں جو ریو اولمپک میں چوتھے مقام پر رہ کر میڈل سے چوک گئیں۔ ارونا ایتوار کو ہونے والے فلور مقابلہ میں بھی حصہ لیں گی ۔ دیگر مقابلوں میں بھارت کے راکیش پاترا رنگس میں چوتھے مقام پررہے۔ اس ورلڈ کپ میں 16 دیش شرکت کررہے ہیں۔ ارونا ریڈی کو مبارکباد انہوں نے اس کھیل میں بھی بھارت کا پرچم لہرایا۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں