کہیں کانگریس کو ہی نہ بہا لے جائے اتراکھنڈ کا سیلاب

اتراکھنڈ میں قدرت کے قہر کے بعد شروع ہوئے راحت رسانی کے کام میں اب سیاست شامل ہوگئی ہے۔ ابتدائی بدانتظامی کے الزامات سے لڑ رہی مرکز میں اتراکھنڈ سرکار نے اب دوسری ریاستوں سے براہ راست راحت اور بچاؤ کے کام میں لگنے پر روک لگادی ہے۔ حکومت نے یہ صاف کردیا ہے کوئی بھی راحت یا بچاؤ کا کام اب اتراکھنڈ سرکار کی نگرانی میں ہی ہوگا۔ مرکز اور اتراکھنڈ سرکار کے تازہ فیصلے کو سیدھے طور پر نریندر مودی نے اتراکھنڈ میں پھنسے گجراتیوں کو واپس لانے کے لئے ریاست کی جانب سے ہیلی کاپٹرا ور جہازوں کے انتظام کا سہرہ لینے کی کوشش کی شکل میں کانگریس دیکھ رہی ہے۔ ظاہر ہے راحت رسانی کے کام میں بدانتظامی کے الزامات جھیل رہی کانگریس کی مرکزی و ریاستی سرکار کو یہ قطعی پسند نہیں آیا۔ یہ ہی نہیں نریندر مودی کے اتراکھنڈ دورے سے کانگریس نائب صدر راہل گاندھی کی غیر حاضری پر بھی کانگریس میں بے چینی بڑھ گئی ہے۔ راہل گاندھی اتراکھنڈ میں ہوئی تباہی کے9 دن بعد دکھائی پڑے۔ جب گوچر دورے پر گئے تو شام ہونے پر انہیں وہاں رکنا ہی پڑا۔ بیرونی ملک سے لوٹتے ہی راہل گاندھی نے نہ صرف اتراکھنڈ جانے کا پروگرام بنایا بلکہ کانگریس صدر سونیا گاندھی کے ساتھ ریاست کے متاثرین کے لئے راحت سامان سے لدی گاڑیوں کو بھی ہری جھنڈی دکھا کر روانہ کیا۔ اس معاملے میں ڈیمیج کنٹرول کے لئے پارٹی نے ریاست میں چلائی جارہی راحت رسانی کا ذمہ بھی راہل کو سونپ دیا ہے۔ نریندر مودی کی دیکھا دیکھی اتراکھنڈ کی تباہی کا معائنہ کرنے نکلے راہل گاندھی کا یہ داؤ بھی الٹا پڑتا دکھائی دے رہا ہے۔ ان کی اس بات کے لئے سخت نکتہ چینی بھی کی جارہی ہے۔ 9 دن تک بیرونی ملک میں رہنے کے بعد انہیں اتراکھنڈ کے متاثرین کا درد کیوں یاد آیا۔ جب انتظامیہ کسی بھی وی آئی پی کے دورے کے لئے سختی سے منع کرچکا ہے۔ کانگریس نریندر مودی پر اسی دلیل کو بنیاد بنا کر حملہ بول رہی تھی کے وہ تو راحت رسانی اور لاشوں پرسیاست کررہے ہیں لیکن اب ٹریجڈی کے 9 دن بعد خود اسی کے نائب صدر نے بھی مودی کے نقش قدم پر چل کر خود کو بیک فٹ پر لادیا ہے۔ اتراکھنڈ کا بڑا حصہ قدرت کی مار سے اجڑ گیا ہے۔ وہ کچھ عرصے بعد بھلے ہی بس جائے لیکن اس دوران ریاستی سرکار کی بد انتظامی کا خمیازہ کانگریس کو پورے دیش میں بھگتنا پڑ سکتا ہے۔ پورے دیش سے آئے سیلانیوں اور شردھالوؤں کو تلخ تجربہ صرف اترا کھنڈ کی حد تک نہیں رکنے والا ہے۔ اتراکھنڈ میں قدرت کے قہر سے بچ نکلنے والے ہر شخص فوج یا آئی ٹی بی یا ایئر فورس کے جانبازوں کا گنگان کررہا ہے۔ ریاستی سرکار یا مقامی انتظامیہ نام کی کوئی چیز کسی کے لئے سہارے کا سبب نہیں بنی۔ ریاستی انتظامیہ کی نا اہلیت اور لچرتا پر سیلانیوں سے لیکر مقامی لوگوں کی ناراضگی بھی بار بار پریرشان کررہی ہے اور یہ سندیش جارہا ہے کہ راحت کے کاموں میں ابتدائی دور میں تمام جانیں چلی گئیں۔ اتراکھنڈ آنے والوں میں ساؤتھ انڈیا سے لیکر پورب، پچھم اور نارتھ کے سبھی علاقوں کے لوگ آئے ہیں۔ سبھی ریاستوں میں اتراکھنڈ حکومت و انتظامیہ کی کوتاہی کا پیغام جارہا ہے۔ دیو بھومی پر احترام کے ساتھ انتم سنسکار نہ ہوپانے کا ہندو سماج میں درد صرف کنبے تک محدود نہیں رہے گا۔ پہلے جو زندہ بچے ہوئے ہیں ان کو ان علاقوں سے ہٹایا جارہا ہے۔ ایسے میں لاشوں کی درگت کا جذباتی اشو بھی پورے دیش کے لوگوں کو بے چین کرسکتا ہے۔ جیسا کے میں نے کہا کہ کہیں کانگریس کو ہی نہ بہا لے جائے اتراکھنڈ کا سیلاب؟
(انل نریندر)


تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں