ایم سی ڈی چناؤ: باغی بنے کانگریس اور بھاجپا کیلئے چنوتی

دہلی میونسپل کارپوریشن میں پرچہ داخل کرنے کے آخری دن پیر کو دہلی میونسپل کارپوریشن کی سبھی پارٹیوں کے مجاز اور پارٹی سے بغاوت کر میدان میں اترے امیدواروں نے دیر رات تک اپنے پرچے داخل کئے۔ چناؤ کیلئے پرچہ داخل کرنے والے امیدواروں کی تعداد 4598 تک پہنچ گئی ہے۔ چناؤ کمیشن کے افسران اعدادو شمار اکھٹے کرنے میں لگے ہوئے ہیں۔ ابھی اس تعداد میں اضافہ ہوسکتا ہے۔ 5 اپریل کو کاغذات کی جانچ ہوگی اور 8 اپریل تک نامزدگی واپس لی جا سکے گی۔ تینوں ایم سی ڈی کے 272 وارڈوں کے لئے 4598 پرچے داخل کئے گئے اس کا مطلب یہ ہے ہر وارڈ کے لئے 16 سے17 امیدوار کھڑے ہوئے ہیں۔ ایم سی ڈی چناؤ کے ٹکٹ کے بٹوارے سے ناراض کانگریس اور بھاجپا کے باغی امیدواروں نے پارٹی کے سینئر لیڈروں کی راتوں کی نیند حرام کردی ہے۔ دونوں پارٹیوں کے لیڈر باغیوں کو منانے میں لگے ہوئے ہیں۔ یہ مسئلہ کانگریس کے لئے زیادہ پریشان کن ظاہر ہوتا ہے۔ کانگریس میں ٹکٹ کے بٹوارے کو لیکر جہاں سرکردہ لیڈر خفا ہیں وہیں کچھ کارپوریٹروں اور پارٹی عہدیداران نے آزاد پرچے داخل کر ہائی کمان کی مصیبت اور بڑھا دی ہے۔ آزاد امیدواروں کے میدان میں اترنے والوں میں سب سے مضبوط کانگریس کے کونسلررمیش دتہ دلی گیٹ، جنتا کالونی وارڈ سے ذاکر خان، ساگر پور سے اوشا گپتا کے علاوہ کئی سرکردہ لیڈروں نے پرچہ بھرا ہے۔ میں رمیش دتہ کو برسوں سے جانتا ہوں اور دعوے سے کہہ سکتا ہوں تمام دہلی کانگریس میں ان سے وفادار ورکر کوئی نہیں ہے۔ ا نہوں نے اپنی ساری زندگی کانگریس کے لئے وقف کردی۔ ہسپتال میں اوپن ہارڈ سرجری کراکر میدان میں اتر آتے ہیں۔ انہیں ٹکٹ نہ دینا کانگریس اعلی کمان کے کھوکھلے پن کا سندیش دیتا ہے۔ ڈاکٹر اشوک والیا جو ایک وقت سے وزیر اعلی عہدے کے دعویداروں میں تھے ،کو اس ڈھنگ سے نظر انداز کرنا کانگریس کو بھاری نہ پڑجائے۔ بتادیں رمیش دتہ کانگریس کے سب سے طویل عرصے تک کونسلر رہے ہیں اور منٹو روڈ وارڈ سے کامیاب ہوتے آرہے ہیں۔ حد بندی کے بعد وارڈ بٹا تو دلی گیٹ وارڈ سے ٹکٹ چاہتے تھے لیکن یہاں سے سابق ممبر اسمبلی شعیب اقبال کے بیٹے آل محمد کو ٹکٹ دیا گیا۔ رمیش دتہ پہلے بھی بطور امیدوار چناؤ جیت چکے ہیں۔ کانگریس پارٹی میں نیتا اپنے رشتہ داروں کو ٹکٹ دلانے میں کامیاب رہے۔ بیشک اجے ماکن کہہ رہے ہیں ہم نے نئے چہروں پر داؤں کھیلا ہے لیکن اچھے ماحول میں کہیں ٹکٹ بٹوارہ پارٹی پر بھاری نہ پڑجائے۔ شیلا دیکشت نے بھی ٹکٹ بٹوارے پر ناراضگی ظاہر کی ہے۔ دلی کانگریس نے سبھی ضلع صدروں سے بطور باغی پرچہ داخل کرنے والے پارٹی سے جڑے عہدیداران و ورکروں کی فہرست بنانے کو کہا ہے۔ ایسے باغیوں کو منانے کا کام شروع ہوچکا ہے۔ اب دیکھنا ہے کہ پارٹی ان کو منا پاتی ہے یا نہیں؟
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں