رام نومی پر کسانوں کو ملی قرض معافی کی سوغات

اترپردیش کیلئے رام نومی کا دن اچھا احساس لیکر آیا ہے۔ صوبے میں برسراقتدار یوگی آدتیہ ناتھ سرکار نے اپنی دو ہفتے کی میعاد کے دوران پہلی کیبنٹ میٹنگ میں کسانوں کو قرض معافی کی سوغات دے دی ہے۔ ریاست کے چھوٹے اور منجھولے کسانوں کے 1 لاکھ روپے تک کا فصلی قرض معاف کرنے کا بڑا فیصلہ تو لیا ہے، یہ قدم اٹھا کر بھاجپا نے اپنا وعدہ بھی نبھایا ہے۔ 1 لاکھ روپے تک کی اس قرض معافی سے تقریباً86 لاکھ چھوٹے اور منجھولے کسانوں کو راحت ملی۔ بھاجپا نے اپنے سنکلپ پتر میں کہا تھا کہ اگر وہ صوبے میں اقتدار میں آئی تو کسانوں کا قرض معاف ہوگا۔ وزیر اعظم نریندر مودی نے اپنی چناوی ریلیوں میں یہاں تک وعدہ کیا تھا کہ کیبنٹ کی پہلی میٹنگ میں ہی کسانوں کا قرض معاف ہوجائے گا۔ قرض معافی کے دائرے میں وہ کسان آئیں گے جنہوں نے سرکاری یا کوآپریٹیو بینکوں سے قرض لیا ہوا ہے۔ اصل میں کچھ علاقوں میں بجلی کے مد میں ہیں بہت سے کسانوں کا یہاں لاکھوں کا بقایا ہے۔ اس کے علاوہ کئی طرح کے قرض کسانوں پر دوہرے ٹیکس رہے ہیں۔ خاص کر پچھلے 3 سال سے لگاتار خوشک سالی اور بے رخے موسم نے بھی کسانوں کی کمر توڑدی تھی۔ تجزیئے کے مطابق قریب 2.30 کروڑ کسان موسم کی مار سے متاثر ہیں اس لئے چناؤ کے دوران کانگریس ۔بسپا اور یہاں تک کہ سابق اکھلیش سرکار نے بھی کسانوں کے قرض معاف کرنے کے وعدے کئے تھے لیکن لوگوں کو شاید سب سے زیادہ بھروسہ وزیر اعظم کے کئے ہوئے وعدے پر تھا کہ پہلی ہی میٹنگ میں کسانوں کے قرض معاف کردئے جائیں گے۔ یوگی آدتیہ ناتھ نے پہلی ہی کیبنٹ میں وزیر اعظم کا وعدہ پورا کردکھایا۔ اس کے علاوہ ناجائز بوچڑ خانوں کو بند کرنے اور اینٹی رومیودستے کی تشکیل کو باقاعدہ منظوری دے دی۔ پوروانچل کو ترقی کی مکھیہ دھارا میں لانے کی کوشش کے طور پر دیکھا جائے گا۔ غازی پور میں اسپورٹ کمپلیکس بنانے کا فیصلہ، ناجائز کھدان کی تجارت پر جس طرح ایک کمیٹی بنی ہے اس سے صاف ہے کہ یوگی سرکار صوبے کے مسائل کو لیکر کافی فکر مند ہے۔ کسانوں کی صد فیصد گیہوں فصل خریدنے کا نہ صرف بھروسہ دیا گیا ہے بلکہ ہزاروں خرید سینٹر بنانے کا بھی وعدہ کیا ہے جس کا خیر مقدم ہے۔ کسانوں کو اصل فصل کے مناسب دام ملیں اس کے لئے تین نفری کمیٹی بنائی گئی ہے۔ کسانوں کا بقایا قرض 62 ہزار کروڑ روپے بتایا جاتا ہے اس لئے اس کا کوئی توڑ نکالنا ضروری تھا جس سے لگے کہ وعدہ بھی پورا ہوا اور ریاست کے خزانے کی حالت بھی خراب نہیں ہوئی۔ اس سال بھی گرمی بے تحاشہ پڑنے اور خوشک سالی کے اندیشے سے یوگی سرکار کا بندیل کھنڈ کیلئے بھی راحت پیکیج کا اعلان کیا ہے۔ سرکار نے روزگار بڑھانے کے لئے نئی صنعتی پالیسی بنانے کا جو فیصلہ کیا ہے وہ بھی لائق خیر مقدم ہے۔ لیکن اس کو صحیح سمت میں لے جانے کی چنوتی ہے۔ پچھلے کچھ برسوں سے اترپردیش پچھڑ گیا ہے اور اس کی بہ نسبت دوسری ریاستی زیادہ ترقی کرگئی ہیں۔ اکھلیش سرکار نے بھی ایسے ہی وعدے کئے تھے لیکن وہ پروان نہیں چڑھ سکے مگر یوگی سرکار ریاست میں سرمایہ کاری لانے میں اہل ہو اور نوجوانوں کو روزگارکیلئے بھٹکنا نہ پڑے تو ریاست کی تصویر بدلنے میں دیر نہیں لگے گی۔ یوگی آدتیہ ناتھ نے قدم آگے بڑھا دئے ہیں۔ رام نومی پر اپنی پہلی ہی کیبنٹ میں یوگی آدتیہ ناتھ نے جو وعدہ وزیر اعظم نے کیا تھا اسے پورا کردکھایا ہے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں