اجمیر بم دھماکہ کے معاملے میں اندریش و سادھوی پرگیہ کو کلین چٹ

اجمیر درگاہ بم دھماکہ معاملے میں سکیورٹی ایجنسی این آئی اے کورٹ نے پیر کو اپنی فائنل رپورٹ داخل کردی ہے۔ اس رپورٹ میں این آئی اے نے سادھوی پرگیہ اور آر ایس ایس کے پرچارک اندریش کمار کو معاملے میں کلین چٹ دے دی ہے۔ اب عدالت اس رپورٹ پر 17 اپریل کو سماعت کرے گی جس میں طے ہوگا کہ اس رپورٹ کا کیا کرنا ہے۔ کورٹ اس معاملے میں2 قصورواروں کو عمر قید کی سزا سنا چکی ہے۔ اندریش کمار اور سادھوری پرگیہ کے خلاف کوئی ثبوت نہیں ہے یہ فیصلہ پہلے ہی سنایا جاچکا ہے۔ این آئی اے نے صاف کہا ہے کہ اسے اندریش کمار اور سادھوی پرگیہ ، راجندر رمیش عرف پرنس کے خلاف کوئی ٹھوس ثبوت نہیں ملے۔ حالانکہ این آئی اے کورٹ کے جج دنیش کمار گپتا نے جانچ کی اور سندیپ ڈانگے کے نہ پکڑے جانے پر ناراضگی ظاہر کی۔ عدالت نے 8 مارچ کو مہاویش پٹیل ،دویندر گپتا اور سنیل جوشی کو قصوروار ٹھہرایا تھا اور سوامی اسیما نند کو بری کردیا تھا۔ جوشی کے سماعت کے دوران جیل میں موت ہوگئی۔ معاملے میں 149 گواہ پیش ہوئے اور 451 دستاویز کورٹ کے سامنے رکھے گئے۔ این آئی اے نے کیس میں تین بار ضمنی چارج شیٹ داخل کی۔ واردات والے دن 11 اکتوبر 2007ء کو خواجہ معین الدین چشتی ؒ کی درگاہ میں دھماکہ ہوا تھا اس میں 3 لوگ مارے گئے تھے اور 15 زخمی ہوگئے تھے۔ راجستھان اے ٹی ایس نے معاملے کی جانچ کے بعد این آئی اے کو معاملہ سونپ دیا تھا۔ این آئی اے نے 6 اپریل 2011 ء کو پھر مقدمہ درج کیا تھا۔ کورٹ کی سماعت انہیں 13 لوگوں کے خلاف ہوئی جنہیں این آئی اے نے جانچ ایجنسی رپورٹ میں ملزم مانا تھا۔ جبکہ اس کانڈ میں سادھوی پرگیہ اور اندریش کمار کا نام بھی آرہاتھا۔جانچ ایجنسی نے ان دونوں کو فائنل رپورٹ میں کلین چٹ دے دی ہے۔ اسی کورٹ میں سماعت کے دوران این آئی اے کی فائنل رپورٹ پر سوال کھڑے کئے گئے تھے جس میں ان دونوں کلین چٹ کیوں دی گئی ، اس پر کورٹ نے ملزمان میں تین کو قصوروار مانتے ہوئے سزا سنائی اور این آئی اے کو فائنل رپورٹ کورٹ میں پیش کرنے کو کہا تھا۔ اس کے بعد ہی پیر کو یہ رپورٹ پیش کی گئی تھی۔ کورٹ نے این آئی اے کے ڈائریکٹر جنرل کو فرار اور 3 ملزمان کی تلاش معاملے میں پیش رفت رپورٹ پیش کرنے کو بھی کہا۔ عدالت نے کیرل کے چیف سکریٹری کوزی کوٹ اور اندور ضلع کے حکام کو خط لکھ کر یہ بھی پوچھا کہ نائر اور کالا سنگارن کی منقولہ یا غیر منقولہ املاک کی تفصیل نہ سونپے جانے کو لیکر اس کے خلاف کارروائی کیوں نہ کی جائے۔ کورٹ نے فروری میں رپورٹ مانگی تھی۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں