کیجریوال کے خلاف ’آپ‘ پارٹی میں بغاوت تیز

میں نے دیکھا ہے کہ چناؤ میں اگر کسی پارٹی کی بھاری جیت ہوتی ہے یا بھاری ہار ہوتی ہے تو اس کے کچھ اثرات بھی ہوتے ہیں۔ہم کراری ہار کی وجہ سے کانگریس میں اندرونی خلفشار کو آج کل دیکھ رہے ہیں۔ بھاری فرق سے جیتنے والی عام آدمی پارٹی میں بھی زبردست خلفشار کی خبریں آرہی ہیں۔ عام آدمی پارٹی میں بھی کانگریس کی طرح اندرونی خلفشار شروع ہوگیا ہے۔ عام آدمی پارٹی میں اروند کیجریوال کے خلاف بغاوتی آواز اٹھنے لگی ہیں۔ آپ کے اندرونی لوکپال ایڈمرل رامداس نے پارٹی میں اندرونی جمہوریت کی کمی و کیجریوال کے کام کے طریقہ کار پر سوال اٹھائے ہیں۔انہوں نے اس سلسلے میں وزیر اعلی اروند کیجریوال اور پی اے سی کے ممبران کو خط لکھا ہے۔رامداس کا کہنا ہے کہ پارٹی میں جمہوریت نہیں ہے اس میں اور دوسری پارٹیوں میں کوئی فرق نہیں ہے۔ پارٹی میں گٹ بازی بہت ہے۔ اعلی لیڈر شپ دو گٹوں میں بٹ گئی ہے۔ سرکار میں ایک بھی خاتون کو جگہ نہیں ملی ہے۔ ادھر پارٹی کی سیاسی معاملوں کی کمیٹی (پی اے سی) سے یوگیندر یادو اور پرشانت بھوشن کی چھٹی طے مانی جارہی ہے۔ دونوں نیتاؤں نے اس کی پیشکش کرڈالی ہے کہ انہیں اس کمیٹی سے ہٹا دیا جائے۔ ان دونوں نیتاؤں کے ساتھ ہی عام آدمی پارٹی کے فائننسر و سینئر لیڈر شانتی بھوشن نے بھی اروند کیجریوال کے کام کرنے کے طریقوں پر سوالیہ نشان لگائے ہیں۔ عام آدمی پارٹی کے بانیوں میں سے ایک اور سابق وزیر قانون شانتی بھوشن نے کیجریوال سے پارٹی کنوینر کے عہدے کو چھوڑنے کی مانگ تک اٹھائی ہے۔نجی کام کے لئے الہ آباد آئے شانتی بھوشن نے اخباری نمائندوں سے کہا کہ پارٹی میں کوئی بھی شخص دو عہدوں پر نہیں رہ سکتا ہے۔اروند کیجریوال وزیر اعلی بن گئے ہیں، ایسے میں کنوینر کا عہدہ یوگیند یادو کو ملنا چاہئے۔ ادھر ان کے بیٹے پرشانت بھوشن نے پارٹی کی ایگزیکٹو کونسل کو بھیجے خط میں اروند کیجریوال پر الزام لگاتے ہوئے صاف کہہ دیا تھا کہ وہ پارٹی کے ذریعے اکثریت سے لئے فیصلوں کو بھی پلٹ دیتے ہیں۔ انہوں نے آگے لکھا کہ لوک سبھا چناؤ میں کراری شکست کے بعد کیجریوال وزیر اعلی بننے کے لئے کانگریس سے مدد کی فریادکررہے تھے۔ دہلی کے چناؤ میں بھی پارٹی ایک شخص(اروند کیجریوال)کے ارد گرد گھومتی دکھائی دے رہی تھی۔ ایسے میں یہ پارٹی دوسرے دلوں سے الگ ہونے کی بات نہیں کہہ سکتی ہے۔اس درمیان عام آدمی پارٹی کے دہلی کے سکریٹری دلیپ پانڈے نے قومی جنرل سکریٹری پنکج گپتا کو بھیجے اپنے خط میں یوگیندر یادو، پرشانت بھوشن و شانتی بھوشن پر پارٹی مخالف سرگرمیوں میں شامل ہونے کا الزام لگایا ہے۔ذرائع کے مطابق نیشنل ایگزیکٹو کی بیٹھک کے بعد پارٹی میں دو پھاڑ صاف نظر آنے لگی ہے۔سیاسی معاملوں کی کمیٹی (پی اے سی) سے پرشانت بھوشن اور یوگیندر یادو کی چھٹی ہونے کی خبریں آرہی ہیں۔پارٹی کے دونوں نیتاؤں نے ذہنی سطح پر پارٹی کی حکمت عملی طے کرنے میں بیشک یوگدان دیا ہو لیکن اب اختلافات کے چلتے ان کی چھٹی ہونا لگ بھگ طے مانا جارہا ہے اور پارٹی میں خلفشار کھل کر سامنے آگیا ہے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں