بہار میں منڈل بھاری یا کمنڈل ؟

بہار میں ایودھیا کا اثر رہے گا یا پھر منڈل بھاری پڑے گا ؟ 1990 کی دہائی میں جب ایودھیا میںرام مندر بنانے کو لیکر تحریک شروع ہوئی تھی اس وقت بہار میں منڈل کی سیاست چل رہی تھی ۔رام مندر تحریک میں بھاجپا کے سب سے بڑے لیڈر لال کرشن اڈوانی کو 1990 کو گرفتار کیا گیا تھا ۔تب بہار کے وزیراعلیٰ لالو پرساد یادو تھے ۔لالو پرساد یادو اب بھی اڈوانی کی گرفتاری کا کریڈٹ لیتے ہیں اور کہتے ہیں کہ انہوں نے بہار کو فرقہ وارانہ کشیدگی سے بچا لیا تھا ۔اتوار کو ایودھیا میں جب رام مندر کی پران پرتیشٹھا ہو رہی تھی تب بہار کی سڑکوں پر بھی اس کا اثر نظر آرہا تھا ۔حالانکہ بہار ان ریاستوں میں شامل رہا جس نے ایودھیا میں رام للا کی پران پرتیشٹھا پر کسی طرح کی چٹھی کا اعلان نہیں کیا تھا ۔ادھر پورا بہار ایودھیا میں 500 برس رام للا کے لوٹنے کی خوشی منا رہا تھا ۔ادھر بہار کو ڈبل خوشی کا موقع ملا گیا ۔بہار کے بڑے نیتا کرپوری ٹھاکر کی جینتی کے 100 سال پورے ہونے کے ٹھیک ایک دن پہلے وزیراعظم نریندر مودی کی قیادت والی حکومت نے بعد از مرگ بھارت رتن دے کر چونکا دیا ۔اس ایک فیصلے سے عام چناو¿ سے پہلے دہلی سے لیکر پٹنہ تک سیاسی ماحول گرم ہو گیا ۔بھارت رتن کے اعلان کے بعد وزیراعظم نریندرمودی نے x پر کہا کہ مجھے اس بات کی خوشی ہو رہی ہے کہ بھارت سرکار نے سماجی انصاف کے حمایتی مہان جن نائک کرپوری ٹھاکر جی کو بھارت رتن سے اعزاز کرنے کا فیصلہ لیا ہے ۔دراصل پچھلے کچھ دنوں سے بہار میں پچھڑے کی سیاست زوروں پر ہے ۔بی جے پی کے ہندوتو اور رام مندر فیکٹر سے مقابلہ کرنے کیلئے نتیش کمار نے ذات پات پر مبنی مردم شماری کا کارڈ کھیلا ۔مہا گٹھبندھن سرکار نے نہ صرف ذات پات پر مبنی مردم شماری کے اعداد وشمار جاری کئے بلکہ اس کے بعد پسماندہ طبقات کیلئے ریزرویشن کی حد بڑھا دی ۔وہیں بھدوار کو جے ڈی یو کی ریلی میں کرپوری ٹھاکر کو بھارت رتن دئیے جانے کی مانگ بھی ایجنڈے میں تھی۔بھاجپا کو پتہ تھا کہ آر جے ڈی کے مسلم اور یادو ووٹ تجزیہ اور ساتھ میں نتیش کمار کے پچھڑے ووٹ کے حساب کتاب سے نمٹنا اتنا آسان نہیں ہے ایسے میں کرپوری ٹھاکر کو بھارت رتن دینے کے بی جے پی نے پچھڑوں کی سیاست اور نتیش کے ووٹ بینک میں سیندھ لگانے کی کوشش کی ہے ۔کرپوری ٹھاکر کوبھارت رتن دے کر سماجی انصاف کو بڑی منظوری دی ہے ۔کرپوری ٹھاکر کے بہانے بہار کے علاوہ اتر پردیش اور اس سے لگی ریاستوں میں بڑی کمپین شروع کر سکتی ہے ۔پہلے بھی نریندرمودی کی قیادت میں بھاجپا نے اپوزیشن کے نشانوں کو اپنے پالے میں کرنے کی کامیاب سیاست کی ہے ۔ایسے میں بی جے پی نے ایک فیصلہ سے دو شکار کئے ہیں اور منڈل کمنڈل دونوں کارڈ کو اپنے پالے میں کرنے کی کوشش کی ہے ۔2024 کا لوک سبھا چناو¿ قریب ہے ۔دیکھنا یہ ہے کہ بی جے پی کی یہ چال دونوں منڈل اور کمنڈل ساتھ لینے کی حکمت عملی کتنی کامیاب رہتی ہے ۔ (انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں