یوپی اسمبلی میں دھماکو شے: سکیورٹی میں بڑی چوک

اترپردیش اسمبلی کو دہلانے کی بڑی دہشت گردانہ سازش بیشک ناکام ہوگئی ہو لیکن اسمبلی میں حکمراں لیڈر کی سیٹ کے نیچے 150 گرام پی ای ٹی این نامی دھماکو پاؤڈر کا ملنا چوکانے والا ہے۔ اس سے پورے سکیورٹی سسٹم پر سوال کھڑا ہونا فطری ہی ہے۔ سفید رنگ کے اسی طرح کے پاؤڈر سے 6 سال پہلے دہلی ہائی کورٹ کی کینٹین میں دھماکہ ہوا تھا۔ وزیراعلی یوگی آدتیہ ناتھ نے جمعہ کو اسمبلی میں اس کا انکشاف کرتے ہوئے اسے بڑی دہشت گردانہ سازش قراردیا ہے۔ انہوں نے ایوان میں کہا کہ ممبر اسمبلی، مارشل، اسمبلی کے ملازم کو چھوڑ کر کوئی بھی اور ہاوس میں نہیں آسکتا اس کے باوجود دھماکو پاؤڈر ملا ،سوال یہ ہے کہ وہ کون لوگ ہیں جو اس کو لیکر اسمبلی میں آئے، اس کا پردہ فاش ہونا چاہئے۔ کیا عوام کے نمائندوں کو خاص رعایت کے نام پر سکیورٹی کی چھوٹ دے دیں گے؟ کیا کسی کو چھوٹ دی جاسکتی ہے کہ وہ اسمبلی و ودھان پریشد کے 503 ممبران کی حفاظت کیلئے چنوتی کھڑی کریں؟ اترپردیش اسمبلی میں جو ہوا وہ کوئی سکیورٹی ریہرسل نہیں تھی وہ حقیقت میں دھماکو پاؤڈر تھا اور ماہرین کا کہنا ہے کہ اس کی اتنی مقدار تھی کہ اسمبلی کمپلیکس کا ایک تہائی حصہ تو اڑایا جاسکتا تھا۔ اس سے ہم یہ آسانی سے سمجھ سکتے ہیں کہ اسمبلی کے سبھی سکیورٹی گھیروں کو پار کرتے ہوئے اتنا بڑا خطرہ ایوان تک پہنچ گیا جہاں یہ دھماکو پاؤڈر صفائی کے دوران حکمراں فریق کی کرسی کے قریب پڑا ملا۔ حقیقت میں اس سے سنجیدہ ہوکر ٹھوس قدم اٹھانے کا وقت ہے۔ اسے محض سکیورٹی کی لاپروائی کہہ کر نظر انداز نہیں کیا جاسکتا۔ اس دھماکو پاؤڈر کا استعمال دہشت گرد تنظیمیں کرتی ہیں اور اگر اس کی مقدار 500 گرام تک ہوتی تو یہ ایوان کو تباہ کرنے کے لئے کافی ہوتی۔ اس لئے اگر اس کی جانچ این آئی اے کرے تو اس کے مقصد اور سازش کرنے والوں کے بارے میں جانکاری مل سکتی ہے لیکن رپورٹ آنے سے پہلے اسے سیاسی رنگ دینے سے انہی کا مقصد پورا ہوگا، جواترپردیش کو کمزور کرنا چاہتے ہیں۔ سکیورٹی کسی بھی ریاستی سسٹم کا پہلا فرض ہے اور اگر وہ قانون والوں اور سرکار چلانے والوں کی سکیورٹی نہیں کر پائیں گے تو ان شہریوں کی حفاظت کیسے کریں گے جنہوں نے انہیں یہ ذمہ داری سونپی ہے۔ ظاہر ہے کہ عدیم المثال سکیورٹی کی ضرورت ہمیں ایک دو جگہ یا کچھ عمارتوں پر ہی نہیں بلکہ سبھی جگہ ہے۔ کسی بھی ایک جگہ کی چوک کسی بھی دوسری جگہ یا سبھی جگہوں کے لئے بڑا خطرہ ثابت ہوسکتی ہے اس لئے وزیر اعلی آدتیہ ناتھ کو طویل المدت تجاویز کو ماننے کے ساتھ وسیع اقدامات پر بھی غور کرنا چاہئے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں