21 ممبران اسمبلی کی ممبر شپ کو خطرہ،سنکٹ میں آپ

دہلی ہائی کورٹ نے پچھلے مہینے جب اہم فیصلے میں یہ واضح کیا تھا کہ لیفٹیننٹ گورنر نجیب جنگ ہی دہلی کے ایڈمنسٹریٹو چیف ہیں، تبھی صاف ہوگیا تھا کہ عام آدمی پارٹی کی اروند کیجریوال سرکار کے ایسے ہر فیصلے پر بجلی گر سکتی ہے جو اس نے لیفٹیننٹ گورنر کی اجازت کے بغیر لیا ہے۔ اس لئے ہائی کورٹ کے ذریعے 21 پارلیمانی سکریٹریوں کی تقرری منسوخ کرنے کے تازہ فیصلے پر کوئی تعجب نہیں ہوا۔ اس فیصلے نے بہرحال عام آدمی پارٹی کو مشکل میں ضرور ڈال دیا ہے۔ دہلی سرکار کے 21 پارلیمانی سکریٹریوں (ممبران اسمبلی) کے سامنے اب ممبر شپ کا خطرہ لگاتار منڈراتا جارہا ہے۔ ان کی ممبر شپ کو لیکر سینٹرل چناؤ کمیشن نے فیصلہ ریزرو رکھا ہوا ہے۔ اب کمیشن کو ہائی کورٹ کے فیصلے کا جائزہ لینا ہے۔ دہلی سرکار کے ان21 ممبران اسمبلی (پارلیمانی سکریٹریوں) کا معاملہ پچھلے 56 سال سے تنازعوں میں پھنسا ہوا ہے۔ فائدے کے عہدے میں پھنسے ان ممبران اسمبلی کو بچانے کے لئے دہلی سرکار ہر ممکن قدم اٹھا رہی ہے۔ معاملہ دوہرے فائدے کا ہے۔ آئین کی دفعہ 102(1)(a) کے تحت پارلیمنٹ یا ممبر اسمبلی ایسے کسی عہدے پر نہیں رہ سکتا جس پر رہتے ہوئے اسے تنخواہ بھتے ملتے ہوں۔ آئین کے سیکشن 191(1)(a) اور عوامی نمائندگان ایکٹ کی دفعہ 9(a) کے تحت ایم پی اور ممبر اسمبلی رہتے ہوئے کوئی بھی فائدے کے کسی دوسرے عہدے پر نہیں رہ سکتا ہے۔ آئینی ماہر سبھاش کشیپ کہتے ہیں کہ پارلیمانی سکریٹریوں کی تقرری میں دہلی سرکار نے نجیب جنگ سے منظوری نہیں لی تھی اس لئے ہائی کورٹ نے تقرری منسوخ کردی۔ حالانکہ ابھی ہائی کورٹ اور چناؤ کمیشن کو یہ فیصلہ کرنا ہے کہ پارلیمانی سکریٹری عہدہ فائدے کے دائرے میں آتا ہے یا نہیں؟ کشیپ نے کہا آئین کوجتنا میں نے سمجھا ہے اس حساب سے یہ عہدہ فائدے کے دائرے میں آتا ہے لیکن اس طرح کے معاملوں میں فوری طور پر ترمیم کو قانونی منظوری نہیں ہے۔ میری رائے میں ان 21 ممبران اسمبلی کی ممبر شپ کو پورا خطرہ ہے۔ اصل میں پچھلے7 مارچ کو دہلی سرکار نے اپنے محکموں کا کام آسان کرنے کیلئے اپنے 21 ممبران اسمبلی کو ان محکموں سے جوڑ کر انہیں پارلیمانی سکریٹری بنایا تھا۔ سرکار کو لگا کہ معاملہ گڑ بڑ نہ ہوجائے اس کے لئے وہ اسمبلی میں بل لائی تھی اور پارلیمانی سکریٹریوں کو فائدے کے عہدے سے ہٹا دیا تھا۔ پچھلے سال حکومت نے اپنے اس بل کو پاس کرانے کے لئے راشٹرپتی کے پاس بھیجا تھا۔ اس بارے میں راشٹرپتی نے چناؤ کمیشن سے صلاح مانگی ، لیکن اس سال جون ماہ میں سرکار کو بل بیرنگ لوٹا دیاگیا۔ اس معاملہ کو لیکر کمیشن مسلسل سماعت کررہا ہے اور پچھلے ماہ اس نے اپنا فیصلہ ریزرو کرلیا ہے۔ کمیشن اب مفصل رپورٹ بنا کر راشٹرپتی کو بھیجے گا۔ سکریٹریوں کی ممبر شپ کے بارے میں کوئی فیصلہ نہیں لے گا۔ ان کی ممبر شپ رہے گی یا جائے گی اس پر فیصلہ راشٹرپتی ہی لیں گے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں