سونے کا سنہرہ خواب دھندلا ہونے لگا!

آخر کار یوپی کے ڈونڈیا کھیڑا گاؤں میں پچھلے15 دنوں سے ایک ہزار ٹنسونے کی تلاش کے لئے چل رہی کھدائی کا کام ٹائیں ٹائیں فش ہوگیا۔کروڑوں لوگوں کی امیدیں خاک میں ملتی دکھائی دے رہی ہیں۔ ہندوستانی آثار قدیمہ کے محکمے نے وہاں پر جاری کھدائی بند کرنے کا ارادہ کرلیا ہے۔ ظاہر ہے اس سے اناؤ ضلع کے تمام شہریوں کا سونے کا خواب ٹوٹ گیا ،جو سنت شوبھن سرکار کے سپنے پر آنکھیں بند کرکے بھروسہ کیا گیا تھا۔ اب اس پر سرکار کی سمجھداری پر بھی سوالیہ نشان لگ گیا ہے۔ جس دن سے یہ کھدائی شروع ہوئی اسی دن سے میڈیا اور دیش کے سمجھدار طبقے نے اس کھدائی پر سوال اٹھایا تھا۔ سچ کہا جائے تو اس سارے معاملے سے ہمارا سسٹم بے نقاب ہوگیا ہے۔ ایک سنت شوبھن سرکار نے خزانے کا خواب دیکھا اورمرکزی وزیر مملکت زراعت چرن داس میہنت اور پی ایم او سے کھدائی کئے جانے کی درخواست کی جو منظور کرلی گئی اور اے ایس آئی کھدائی میں لگ گیا۔ عام طور پر اتنی جلد بازی عام آدمی کے اشو پر منتری یا دوسرے عوامی نمائندے نہیں دکھاتے۔ جب کھدائی ہونے لگی تو مرکزی وزیر ثقافت چندریشوری کٹوچ نے بیان دیا کے کھدائی سونے کے خزانے کے لئے نہیں ہورہی ہے۔ وہاں تاریخی چیزیں تلاش کی جارہی ہیں۔ اگر ایسا ہے تو اب اے ایس آئی نے سونا نہ ملنے کی بات کیوں نہیں کہی۔ ضرور سرکاری سطح پر پریشان کن حالت ہے۔ لگتا ہے ایک طبقے کو واقعی شوبھن سرکار کے دعوے پر بھروسہ تھا یا پھر اس کے ذریعے اس چناوی موسم میں سیاسی فائدہ اٹھانے کا ارادہ تھا۔ اے ایس آئی کا کام خزانہ تلاشنا نہیں ہے۔ تاریخی اہمیت کی حامل چیزیں اور اطلاعات اکٹھا کرنا ہے تاکہ ہم اپنی وراثت کو بنائے رکھ سکیں۔ ڈونڈیا کھیڑا میں ای ایس آئی کے ذریعے کی جارہی ایک گڈھے کی کھدائی پوری ہوچکی ہے۔ کھدائی میں خزانہ ملنے کے امکانات مدھم ہوتے نظر آرہے ہیں۔ حالانکہ اب اے ایس آئی دوسرے گڈھے کی کھدائی کا کام شروع کرے گی۔ جغرافیائی سروے آف انڈیا نے جو رپورٹ دی تھی اس میں زمین کے نیچے 520 میٹر کی کھدائی پر میٹل ہونے کی بات کہی گئی ہے۔ کھدائی پانچ میٹر تک پہنچ چکی ہے لیکن وہاں میٹل کے بجائے قدرتی و دیگر چیزیں ملنا شروع ہوگئی ہیں۔ لکھنؤ یونیورسٹی کے قدیم تاریخی محکمے کے پروفیسر ڈی پی تیواری بتاتے ہیں ندیاں اپنے ساتھ ہی مٹی لیکر آتی ہیں۔ گنگا کا میدان پیلے رنگ کی مٹی سے بنا ہوا ہے۔ اس مٹی پر بساست کے چلتے وہاں کاربنک چیزیں جیسے نائٹروجن فاسفورڈ ،کیلشیم ملنے سے مٹی کا رنگ بدل کر بھورا ہوجاتا ہے اس لئے زمین کے نیچے جیسی مٹی ملتی ہے اس کے بارے میں مانا جاتا ہے کہ وہ آخری قدرتی سطح ہے جس کے بعد انسانی سرگرمیاں ممکن نہیں۔ ای ایس آئی کے ڈائریکٹر جنرل پروین شریواستو نے کہا ڈونڈیا کھیڑا گاؤں میں سابق راجا راؤ رام بخش سنگھ کے قلعہ کے 4.5 میٹر کھدائی میں اب تک پہلی صدی قبل عیسیٰ مسیح کے وقت کی چیزیں مانی جارہی ہیں ، جو برتن اور کشیدہ کاری پتھر بتائے جاتے ہیں۔اے ایس آئی نے ایک نیا نقشہ تیار کیا ہے۔ فوٹو گرافی کی ہے۔ اس دوران کام روک کر دوسرے بلاک کی نشاندہی کرکے صفائی کرائی گئی ہے۔ کھدائی جاری رہے گی۔ امید جاری رہے گی۔ آخریہ ڈرامہ کب تک جاری رہے گا؟ ابھی تو پہلا سین ختم ہوا ہے۔ دیکھیں سونے کے خزانے کا خواب پورا ہوگا بھی یا نہیں؟
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں