امتحان کے پروسس پر لگا داغ!

آخر کار سپریم کورٹ نے اے آئی پی ایم ٹی (آل انڈیا پریمیڈیکل ٹیسٹ) منسوخ کردیا ہے۔ ساتھ ہی سی بی ایس ای کو چار ہفتے میں دوبارہ امتحان لینے کو کہا ہے۔یعنی15 جولائی سے پہلے امتحان منعقد کرانا ہوگا۔ اس سے پہلے 3 مئی کو امتحان ہوا تھا اس میں دیش بھر سے 6.3 لاکھ طالبعلم بیٹھے تھے۔ امتحان میں گڑ بڑی کی پہلی شکایت ہریانہ کے روہتک سے آئی تھی۔ معاملہ کورٹ پہنچا تو 10 ریاستوں سے بھی اسی طرح کی شکایتیں آگئیں لیکن سی بی ایس سی انکار کرتی رہی ہے۔ روہتک پولیس نے جب کورٹ میں ثبوت پیش کرکے کہا کہ کم سے کم 44 طلبہ نے نقل کا فائدہ اٹھایا۔ اس پر سی بی ایس ای نے دلیل دی تھی کہ 44 طلبا کے سبب6.3 لاکھ طلبا کو دوبارہ ٹیسٹ دلوانا صحیح نہیں ہوگا لیکن سپریم کورٹ نے پیر کو فیصلہ سناتے ہوئے کہا کہ اشو ٹیسٹ کی سنسیرٹی کا ہے جس پر شبہ اٹھ رہا ہے۔ اب دوبارہ ٹیسٹ منعقدکرانے کے علاوہ کوئی چارہ نہیں بچا ہے۔ جسٹس آر کے اگروال اور جسٹس امیتابھ رائے کی لیو سیشن بنچ نے اے آئی پی ایم ٹی کو منسوخ کرنے کا حکم دیتے ہوئے کہا کہ اس ٹیسٹ سے غلط طریقے سے کچھ طلبا کو فائدہ پہنچا ہے لہٰذا ٹیسٹ مشتبہ ہوگیا ہے۔ بنچ نے کہا کہ اگر اس ٹیسٹ کو بچانے کی کوشش کی جاتی ہے تو میریٹ کے ساتھ ناانصافی ہوگی۔ بنچ نے اپنے فیصلے میں یہ بھی کہا کہ اگر اس امتحان کے پروسس کو جاری رکھنے کی اجازت دی جاتی ہے تو عرضی گزاروں میں غصہ بڑھ جائے گا۔ اس سے ایماندار طلبا کا کیریئر متاثر ہوگا۔ اندیشہ ہے کہ اہل طلبا کی جگہ ان طلبا کو مل جائے گی جنہیں بے قاعدگی سے فائدہ پہنچا لیکن ان کی پہچان نہیں ہوپائی۔ نقل کے لئے انڈرگارمینٹ میں لگا رکھی چپ، جسے موبائل میں لگا کر نقل کی گئی اس کا انکشاف 7 مئی کو روہتک نے کیا۔ ملزمان کے پاس سے موبائل، مائیکرو چپ لگے انڈر گارمینٹ ضبط کئے گئے۔ موبائل میں پیپر کے جواب بھی ملے ، وہ واٹس اپ سے بھیجے گئے تھے۔ اس کے بعد راجستھان، ہریانہ، دہلی سمیت 6 ریاستوں میں چھاپے مارے گئے۔ اب ان ریاستوں میں داخلے میں تاخیر ہوگی جو اپنا میڈیکل اینٹرنس ٹیسٹ نہیں کرواتے۔ اے آئی پی ایم ٹی کے ذریعے سیٹیں بھرتے ہیں۔ ہریانہ ، ہماچل، مدھیہ پردیش، راجستھان اور ہماچل پردیش، منی پور، میگھالیہ، اڑیسہ، چنڈی گڑھ اور دہلی یونیورسٹی، اے ایف ایم ٹی ، بی ایچ یو اور جامیہ ملیہ اس زمرے میں آتے ہیں۔ طلبا کو پھر سے امتحان کی تیاری کرنی پڑے گی۔ کوچنگ انسٹی ٹیوٹ میں نئے بیچ شروع ہوچکے ہوں گے۔ ٹیچروں کے لئے پرانے بیچ کے طلبا کو پھر سے وقت دینا مشکل ہوسکتا ہے۔ جانچ سے پتہ چلا ہے کہ پورا سسٹم ہائی جیک ہوچکا ہے۔ سی بی ایس ای نے تعاون نہیں کیا۔ اس سے ٹیسٹ کا پورا پیٹن بدلنا ہوگا تاکہ پھر سے ایسی گڑ بڑی نہ ہو۔ نقل اور پیپر آؤٹ ہونے سے روکنے کے لئے سی بی ایس ای سبھی امتحان مراکز پر جیمر لگانے پر غور کررہی ہے۔ امتحان سینٹر طلبا کی پسند نہ ہوکر رینڈم طریقے پر طے کرنا چاہئے۔ امید کرتے ہیں مستقبل میں نقل اور پیپر آؤٹ ہونے پر کنٹرول ہوگا۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں