ٹرین کی زد میں آئے بچوں کی موت کا ذمہ دار کون

اترپردیش کے بھدوئی میں کٹکا۔مادھوسنگھ اسٹیشنوں کے مابین الہ آباد پیسنجر ٹرین حادثہ کی انتہائی تکلیف دہ خبر آئی ہے۔ یہاں ایک ریلوے کراسنگ پر اسکول بس اور ٹرین آپس میں ٹکرا جانے سے 8 بچوں کی موت اور کئی زخمی ہوگئے۔ خبر دل دہلانے والی ہے۔ زیادہ افسوس تو یہ ہے کہ یہ حادثہ آسانی سے ٹل سکتا تھا۔ یہ ڈرائیور کی سراسر لاپرواہی و غیر ذمہ داری کی وجہ کا نتیجہ ہے۔ ریل کراسنگ ویسے بھی غیر محفوظ مانی جاتی ہے۔ حال اور ماضی میں کئی اسکول بسوں کے غیر محفوظ ریلوے کراسنگ پر حادثات ہونے کے واقعات اکثر سننے کو ملتے رہتے ہیں۔ ریل حادثات میں ہونے والی اموات میں سے60فیصد اموات کھلی ریلوے کراسنگ کی وجہ سے ہوتی ہے۔ تازہ معاملے میں پیر کی صبح سوا سات بجے وارانسی۔ الہ آباد ریل روٹ پر واقع مادھو سنگھ اور کٹکا اسٹیشنوں کے درمیان کیئر مؤ ریلوے کراسنگ پر اسکول بس کو حادثہ ڈرائیور کی لاپرواہی سے ہوا ہے۔ چشم دید گواہوں کے مطابق کراسنگ کے گیٹ کے ملازم رمیش رائے نے بس ڈرائیور کو رکنے کے لئے آواز لگائی تھی لیکن ایئر فون لگانے کی وجہ سے وہ نہ تو اس کی آواز سن سکا اور نہ ہی ٹرین کی آواز۔ حادثہ میں ڈرائیور رشید بھی زخمی ہوگیا۔ دھونیا میں واقع ٹنڈر ہارٹ پبلک اسکول کی ٹاٹا میجک گاڑی مرزا پور سرحد سے لگے کیئر مؤ اور بھتیاری گاؤں کے بچوں کو اسکول کے لئے لینے گئی تھی۔ ریلوے کراسنگ پار کرتے ہوئے یہ حادثہ ہوا۔ حادثہ میں بچے ارپت مشرا(10 سال)، شویتا مشرا (8 سال)، انکت مشرا (7 سال) اور نویدک (9 سال) پر دومن (17 سال)، ابھیشیک (10 سال)، ساکشی (9 سال) کی موقعہ پر ہی موت واقع ہوگئی۔ 12 بچے زخمی ہوئے۔ ہندوستان میں تقریباً30 ہزار کے قریب ریلوے لیول کراسنگ ہیں جس میں سے قریب11 ہزار کراسنگ پوری طرح سے غیر محفوظ ہیں۔ جہاں نہ کوئی گیٹ لگا ہے نہ کوئی ریلوے ملازم تعینات ہے۔ان غیر محفوظ ریلوے کراسنگ پر ہی زیادہ حادثات ہوتے ہیں اس کے علاوہ لوگ جگہ جگہ ریلوے پٹری پار کرنے کی جگہ بنا لیتے ہیں وہاں بھی کافی حادثات ہوتے ہیں، خاص کر ایسے شہری علاقوں میں ممبئی میں ہر سال ہزاروں لوگ پٹری پارکرتے ہوئے مر جاتے ہیں۔بنیادی اشو یہ ہے کہ ریلوے پٹریوں پر شہریوں کی موت کا اشو اتنا سنجیدہ اشو نہیں مانا جاتا اور یہی وجہ ہے کہ اربوں کے بجٹ میں ان بے انسان ریلوے کراسنگ پر سکیورٹی کے پختہ انتظام نہیں ہوتے۔ آئینی ثبوتوں کے مطابق اگر کوئی ٹرین 80 یا 100 کلو میٹر فی گھنٹہ کی رفتار سے آر ہی ہو تو اس کی دوری کا اندازہ غلط ہونے کے پورے پورے خدشات ہوتے ہیں۔ انسانی اندازہ 50 سے60 کلو میٹر فی گھنٹہ کی رفتار والی گاڑیوں کے لئے ہی پورا اترتا ہے۔ وزیر ریل اور وزارت کے سینئر افسروں کو کم سے کم اتنا تو کرنا ہی چاہئے کہ ایسی ریلوے کراسنگ پر جن سے80سے100 کلو میٹر کی رفتار سے ٹرینیں گزرتی ہیں ان پر تو پٹری پار کرنے کے محفوظ انتظام کرے۔ گاڑی ڈرائیوروں اور پٹری پار کرنے والوں کو بھی کراسنگ پر خاص توجہ دینی چاہئے۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں