اتراکھنڈ میں نریندر مودی لہراور ہریش راوت سرکار میں کانٹے کی ٹکر!

اتراکھنڈ کے سرحدی علاقے کی بیداری کہیں یا پھر فوجی اکثریتی خطے کی فطری یا قدرتی ، سیاسی طور سے یہ ریاست کے عوام الناس نے تقریباً ہر چناؤ میں خود کو قومی دھارا سے جوڑے رکھا۔ سال1957ء سے پہلے چناؤ سے لیکر 2009ء میں 15 ویں لوک سبھا میں یہاں کے ووٹروں نے انہی پارٹیوں پر بھروسہ جتایا جو اکثریت یا اقلیت کے قریب رہی ہیں۔حال میں اتراکھنڈ میں لوک سبھا کی پانچ سیٹیں ہیں۔ ٹہری ،پوڑی گڑوال، الموڑا، نینی تال اور ہری دوارشامل ہیں۔ان سیٹوں پر دیش کی سیاست میں کانگریس کی ہی بالادستی رہی اور اس کو ایکطرفہ کامیابی ملی۔ ایمرجنسی کے بعد 1977 ء میں چھٹی لوک سبھا چناؤ میں مرکز میں اقتدار میں تبدیلی ہوئی تو اتراکھنڈ کی سبھی سیٹوں پر جنتا پارٹی کا قبضہ ہوگیا ۔ تب سے لیکر اب تک اتراکھنڈ میں کانگریس کا ہی دبدبہ رہا ہے۔1998ء میں بھاجپا نے کانگریس کا پوری طرح صفایا کیا۔ اگلے سال1999ء میں این ڈی اے کی سرکار بنی تو بھاجپا کو چار اور کانگریس کو ایک سیٹ ملی۔ ہری دوار کی اہم سیٹ پر تصویر اب صاف ہوگئی ہے۔ اس بار یہاں مودی لہر اور ہریش راوت سرکار کے درمیان جنگ ہے۔اس سیٹ پر وزیر اعلی ہریش راوت کی بیوی رینوکا راوت چناؤ لڑ رہی ہیں۔ جبکہ ٹہری سیٹ سے سابق وزیر اعلی وجے بہوگنا کے صاحبزادے ساکیت بہوگنا، پوڑی گڑوال سے اور ریاست کے وزیر ذراعت ہرک سنگھ راوت میدان میں ہیں۔ رینوکا ہری دوار سیٹ سے لڑ رہی ہیں جس کی نمائندگی ان کے شوہر ہریش راوت کرچکے ہیں۔2009ء میں وہ یہاں سے کامیاب ہوئے تھے۔ بھاجپا کی جانب سے ہری دوار سے سابق وزیر اعلی رمیش پوکھریال نشنک امیدوار ہیں۔ویسے تو اور بھی امیدوار ہیں لیکن اہم مقابلہ وزیر اعلی کی اہلیہ اور بھاجپا نیتا نشنک کے درمیان مانا جارہا ہے۔پچھلے برس آئے سیلاب و تباہی اور پھر کیدارناتھ وادی اور ریاست کے دیگر حصوں میں متاثرہ افراد کے لئے ریلیف کام حکمراں پارٹی کو بھاری پڑ سکتا ہے۔ اس چناؤ میں جہاں ایک ٹہری گھرانے کی ساکھ تو دوسری طرف ہیموتی نندن بہوگنا خاندان کی تیسری پیڑھی کا مستقبل داؤ پر لگا ہے وہیں یہاں راج گھرانے کی مالا راجے لکشمی شاہ بھاجپا کی ٹکر سابق وزیراعلی کے بیٹے ساکیت بہوگناکے درمیان ہے۔2012ء کے ضمنی چناؤ میں ساکیت کو مات دے چکی مالا راجے لکشمی شاہ کیلئے اپنی جیت کو دوہرانا آسان نہیں ہوگا۔بھاجپا ۔کانگریس کے علاوہ ٹہری سے عام آدمی پارٹی ، بسپا اور دیگر امیدوار بھی اپنی قسمت آزما رہے ہیں۔ سیاسی وراثت کے معاملے میں دونوں کنبے ایک دوسرے سے کم نہیں ہیں۔ ٹہری میں شاہی پریوار کے دبدبہ کا اندازہ اسی سے لگایا جاسکتا ہے کہ اب تک16 لوک سبھا چناؤ میں 10 مرتبہ جنتا نے شاہی پریوار پر بھروسہ جتایا ہے۔ ادھر بہوگنا خاندان کا یوپی سے دہلی تک دبدبہ ہے۔وہیں ہیموتی نندن بہوگنا کی مضبوط سیاسی بنیاد سب کو معلوم ہے۔ دونوں کنبوں میں سیاسی جنگ پرانی ہے۔ ٹہری سیٹ پر ہار جیت طے کرتا ہے میدانی علاقہ۔ ٹہری لوک سبھا میں اتر کاشی ضلع کے تین اسمبلی حلقوں میں محض پونے دو لاکھ ووٹ ہیں۔ ٹہری ضلع کے چار اسمبلیوں حلقوں میں تقریباً تین لاکھ ووٹ ہیں۔ باقی سات لاکھ ووٹر دہرہ دون ضلع کی سات اسمبلی سیٹوں میں ہیں۔ 2009ء میں ہوئے ضمنی چناؤ میں بھاجپا کو دہرہ دون کے میدانی حلقوں کی پانچ اسمبلی سیٹوں پر بھاری اکثریت سے کامیابی ملی تھی۔ اب دیکھنا ہے کہ بھاجپا اس ریاست میں اپنا دبدبہ پھر سے قائم رکھ سکے گی؟
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی...
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا...
مزید پڑھیں

ہریانہ میں غیر جاٹوں کے بھروسے بھاجپا!

ہریانہ میں اس بار بھاجپا کی دس لوک سبھا سیٹیں مشکل میں ہیں۔وزیراعلیٰ بدلنے کے بعد بھی جاٹ اور کسانوں کا قصہ ٹھنڈا نہیں پڑا ہے ۔جاٹ دیہات میں بھاجپا امیدواروں کے لئے کمپین کرنا خطرے سے خالی نہیں ہے ۔کئی دیہات میں تو اتنا احتجاج ہو رہا ہے کہ بھاجپا امیدوار گاو¿ں میں بھی داخل نہیں ہو پار ہے ہیں ۔جاٹ لڑکوں نے وزیراعلیٰ نائب سینی کی ریلی کے لئے لگایا گیا ٹرینڈ تک اکھاڑ ڈالا۔اب بھاجپا کی امیدیں غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہی غیر جاٹ ووٹوں پر ٹکی ہیں ۔صحافیوں نے گروگرام ،جھجر اور روہتک کے کچھ دیہاتی علاقوں کا دورہ کر لوگوں سے ان کی رائے جاننے کی کوشش کی ۔جاٹ اکثریتی گاو¿ں میں بھاجپا اور جے جے پی سے لوگ ناراض ہیں ۔لیکن غیر جاٹ اکثریتی گاو¿ں والے بھاجپا کے تئیں تھوڑا سا متوازن دکھائی پڑتے ہیں ان کا کہنا ہے کہ جاٹ فرقہ کی آبادی اتنی زیادہ نہیں ہے کہ وہ چناو¿ ہرا سکیں ۔2019 کے چناو¿ میں بھی جاٹ اکثریتی روہتک سے غیر جاٹ بھاجپا کے اروند شرما چناو¿ جیت گئے تھے ۔بھاجپا نے قریب دس سال پہلے غیر جاٹ لیڈر منوہر لال کھٹر کو وزیراعلیٰ بنا کر جاٹوں کے سمان کو ...
مزید پڑھیں