جموں و کشمیر میں نئے جوڑ توڑ سے سرکار بنانے کے داؤ پیچ

ایسے اشارہ مل رہے ہیں کہ جموں و کشمیر میں نئی سرکار کی تشکیل کی قواعد شروع ہوگئی ہے۔ جموں و کشمیر میں نیشنل کانفرنس اور کانگریس کے درمیان سرکار بنانے کی قیاس آرائیوں کے درمیان بھاجپا کے سینئر لیڈر اور سابق وزیر اعلی رویندر گپتا نے کہا کہ مختلف پارٹیوں کے ناراض ممبران اسمبلی سے ریاستوں میں جلد ایک نئی سرکار تشکیل دی جاسکتی ہے۔ دراصل سب سے زیادہ بے چینی پی ڈی پی نیتا اور سابق وزیر اعلی محبوبہ مفتی کو ہے۔ پی ڈی پی پر ٹوٹنے کا خطرہ منڈرا رہا ہے اس لئے نئی سرکار بنانے کے لئے محبوبہ کانگریس صدر راہل گاندھی اور سونیا گاندھی سے ملنے کے لئے بے چین ہے۔ پی ڈی پی لیڈر دہلی میں ہیں اور ان کی پارٹی کے کم سے کم 11 ممبران اسمبلی ان سے ناراض بتائے جاتے ہیں۔ پی ڈی پی کے سینئر لیڈر اور سابق وزیر عمران رضا انصاری نے پی ڈی پی ۔بھاجپا اتحاد ٹوٹنے کے لئے پارٹی صدر اور سابق وزیرا علی محبوبہ مفتی کو ذمہ دار ٹھہرایا ہے۔ ان کا کہنا ہے کہ وہ ایک لاچار وزیر اعلی ثابت ہوئی ہیں۔ جنہوں نے نہ صرف سیاست کے لوگوں کو مایوس کیا ہے بلکہ اپنے والد کے خوابوں کو بھی مٹی میں ملا دیا ہے۔ ادھر کانگریس نے جموں و کشمیر کے لئے بنے کور گروپ کی میٹنگ پیر کوسابق وزیراعظم منموہن سنگھ کے یہاں ہوئی۔ کور گروپ کی میٹنگ کے بعد کانگریس کی جموں و کشمیر انچارج امبیکا سونی اور پردیش صدر غلام محمد میرنے یہ ہی بتایا پارٹی سرکار بنانے کے بجائے جلد چناؤ چاہتی ہے۔ کانگریس نے پی ڈی پی کے ساتھ مل کر سرکار بنانے کی قیاس آرائیوں کو سرے سے مسترد کردیا ہے۔ سابق وزیر اعلی عمر عبداللہ نے ریاست میں پی ڈی پی کے ساتھ کانگریس سرکار بنانے سے متعلق افواہوں پر منگلوار کو کہا کہ تعجب ہے کانگریس کے سینئر لیڈروں کے انکار کے باوجود کانگریس ۔ پی ڈی پی اتحادی سرکار بنانے کی قیاس آرائیوں پر روک نہیں لگ رہی ہے۔ فی الحال ریاست میں گورنر راج لاگو ہے۔ عبداللہ نے بھاجپا پر اقتدار حاصل کرنے کے لئے ممبران اسمبلی کی خریدو فروخت کرنے کا الزام لگاتے ہوئے اسمبلی کو فوراً بھنگ کر نئے چناؤ کرانے کی مانگ کی ہے۔ ہماری رائے میں بھی جموں و کشمیر میں کسی بھی جوڑ توڑ سے بنی سرکار نہ تو زیادہ دن تک چل سکتی ہے اور نہ ہی یہ وہاں کی جنتا کا بھلا کرسکتی ہے۔ ذاتی اغراض پر مبنی گٹھ جوڑ والی نئی سرکار نہ تو ریاست میں امن بحال کر پائے گی اور نہ ہی استحکام دے پائے گی۔ نئے چناؤ ہی آخری متبادل ہیں۔ 2019 کے لوک سبھا چناؤ کے ساتھ جموں وکشمیر اسمبلی چناؤ کرائے جاسکتے ہیں۔ تب تک گورنر راج ہی ٹھیک رہے گا کیونکہ جموں و کشمیر کے جو حالات بن چکے ہیں انہیں ٹھیک کرنے میں بھی ابھی وقت لگے گا۔ جموں و کشمیر ایسی ریاست ہے جہاں کسی طرح کا عدم استحکام ملک کے مفاد میں نہیں ہوگا۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا
مزید پڑھیں

آخر کتنے دن کی جنگ لڑ سکتی ہے ہماری فوج؟

تصویر
 Daily Pratap, India's Oldest Urdu Daily Published On 10 March 2012 انل نریندر فوج کی دوٹکڑیوں کے ذریعے 16-17 جنوری میں دہلی کی طرف بڑھنے کو لیکر خبریں پہلے سے ہی پک رہی تھیں اور اس کی بھنک فوجی سربراہ جنرل وی کے سنگھ کو بھی تھی۔ یہ مارچ میں ہی ایک انگریزی رسالے کو دئے ان کے انٹرویو سے پتہ چلتا ہے۔ انہوں نے کہا تھا مان لیجئے ہماری ایک کور یا ڈویژن یا برگیڈ پریکٹس کررہی ہے تو کوئی کہے گا کہ اوہ۔۔۔ انہوں نے پریکٹس کی۔ یہ پریکٹس نہیں تھی وہ کچھ اور کرنا چاہتے تھے۔ انہوں نے کہا اب آپ اس میں ایک خبر بنائیں گے ان دنوں کئی لوگ غلط مطلب سے خبریں بنانا چاہتے ہیں۔ ادھر انگریزی اخبار دی گارڈین نے دعوی کیا ہے کہ فوج کے دہلی کوچ کی خبر کے پیچھے ایک مرکزی وزیر کا ہاتھ ہے۔ وزیر کا نام نہیں بتایا لیکن یہ کہا گیا ہے کہ وزیر کے قریبی رشتے دار کا تعلق دفاع خرید سے جڑی لابی کا ہے اوریہ لابی دونوں وزیر دفاع اے کے انٹونی اور فوجی سربراہ جنرل سنگھ سے پریشان تھی۔ آرمز لابی انٹونی کے اس لئے خلاف تھی کیونکہ انٹونی ایک ایماندار وزیر ہیں جو خرید میں کوئی گڑ بڑی نہیں ہونے دینا چاہتے۔ انٹونی کی بھرشٹاچا
مزید پڑھیں