اوراب کرکٹ کی آڑ میں فدائی حملہ

تین سال بعد ایک بار پھر کشمیر آتنک وادیوں کے نشانے پر آگیا۔ بدھوار کو گھٹتے ڈر اور سکیورٹی فورس بڑھتے دباؤ سے مایوس سری نگر کے باہری علاقے میں بیمینہ میں واقع پولیس پبلک اسکول میدان میں کرکٹ کھیلنے کے بہانے داخل ہوئے آتنکیوں نے حملہ کردیا۔ کرکٹ کٹ میں چھپا کر لائے ہتھیاروں سے کئے گئے حملے میں سی آر پی ایف کے پانچ جوان مارے گئے جبکہ اتنے ہی جوان اور مقامی شہری زخمی ہوگئے۔ زخمی 10 جوانوں کی حالت نازک بنی ہوئی ہے۔ سکیورٹی فورس نے جوابی کارروائی میں دونوں حملہ آوروں کو مار گرایا۔ واقعہ کی ذمہ داری حزب المجاہدین نے لی ہے۔ جس علاقے میں حملہ ہوا وزیر اعلی عمر عبداللہ وہاں سے مسلح فورسز ،اسپیشل پاور ایکٹ ہٹانے کی سفارش کرچکے ہیں۔ واقعے کے بعد بھی عمر عبداللہ کے والد ڈاکٹرفاروق عبداللہ نے کہا کہ قانون ہٹانا ہی ہوگا۔ اس کی ضرورت صرف سرحدی علاقوں میں ہے جس جگہ حملہ ہوا وہاں سرکاری دفتر اور اسکول ہیں۔ حریت کے بند کی اپیل کے سبب لوگوں کی موجودگی کم تھی۔ کھلاڑیوں کے بھیس میں چار آتنکی کرکٹ کٹ میں اے ۔کے 47 اور دستی بم لیکر گراؤنڈ میں داخل ہوئے۔ لوگوں نے کوئی چیکنگ بھی نہیں کی۔اگر ان کی جانچ ہوتی تو حملہ ٹالا جاسکتا تھا۔ ساتھ ہی سی آر پی ایف کے جوان ہتھیاروں کے بجائے ڈنڈوں کے ساتھ تعینات تھے۔ کچھ دن پہلے عمر عبداللہ حکومت نے حکم جاری کر پولیس اور سی آر پی ایف کو خطرناک ہتھیار استعمال نہ کرنے کو کہا تھا۔ سی آر پی ایف پر حملہ اس کی علامت ہے کے ریاست میں آتنک واد کا خطرہ پہلے کی طرح برقرار ہے۔ کم سے کم وردات کے بعد تو کشمیر میں موثر مسلح فورس مخصوص اختیار قانون کو واپس لینے کی مہم پر روک لگ جانی چاہئے۔ ویسے بھی یہ صاف ہے کہ یہ مہم آپسی سیاسی اسباب سے چھیڑی گئی ہے۔موجودہ حالات میں نہ تو قانون واپس لیا جاسکتا اور نہ ہی کشمیر میں تعینات سکیورٹی فورس میں کٹوتی ہوسکتی ہے۔ غور طلب ہے کہ پارلیمنٹ میں حملے کے معاملے میں مجرم افضل گورو کو 9 فروری کو پھانسی پر لٹکا دیا گیا تھا۔اس کے بعد21 فروری کو حیدر آباد میں بم دھماکہ ہوا،اب سرینگر میں فدائین حملہ ہوا۔ اس درمیان پھانسی کی مخالفت میں اسلام آباد میں علیحدگی پسند لیڈر یٰسین ملک کا انشن اور اس موقعے پر آتنکی سرغنہ حافظ سعید کا وہاں آنا اس پورے معاملے کی پیچیدگی کو خطرناک انجام کی طرف لے گئے۔ اس حملے سے یہ بھی ظاہر ہوتا ہے کہ آتنک وادی تنظیم کشمیر میں موجودہ حالات کا فائدہ اٹھانا چاہ رہی ہے۔ یہ بدقسمتی اور تشویشناک پہلو ہے جیسے جیسے اسمبلی انتخابات قریب آتے جارہے ہیں ویسے ویسے کشمیر میں حکمراں فریق اور اپوزیشن کشمیر کے مفادات کو نظرانداز کرتے جارہے ہیں۔ ہتھیاروں سے مسلح آتنک وادیوں کا مقابلہ کرنے کے لئے وزیراعلی عمر عبداللہ کا یہ حکم کے پولیس اور سکیورٹی فورس پبلک مقامات پر ہتھیار نہ لے جائیں ہماری سمجھ سے تو باہر ہے۔ آپ ایک پراکسی وارکا ڈنڈو ں سے کیسے جواب دے سکتے ہیں۔ ہمارے بہادر جوان یوں بلی کا بکرا بنائے جاسکتے ہیں۔

اگر ہمیں کشمیر میں یہ دیش کے دیگر حصوں میںآتنک واد کا مقابلہ کرنا ہے تو یہ ضروری ہے کہ ہمارے جوانوں کے پاس آتنکیوں سے لوہا لینے کے لئے صحیح اوزار ہوں۔ سوال یہ بھی اٹھتا ہے آخر کشمیر کے لیڈر اور یوپی اے سرکار یہ کیوں نہیں دیکھ پا رہی ہے کہ کشمیر میں آگ کون لگا رہا ہے کیونکہ کشمیری سیاستداں جانے انجانے میں اس کھیل میں شامل ہیں اس لئے وہ علیحدگی پسندوں اور نامعلوم پاک آتنکیوں کے ساتھ ساتھ ایک پتھر بازوں کی بھی جماعت کھڑی ہوگئی ہے۔ کشمیر صرف اس لئے پریشانی سے دوچار نہیں ہے کیونکہ پاکستان اور اس کے حمایتی آتنکی تنظیمیں سرگرم ہیں بلکہ اس لئے بھی ہے کشمیر کے سیاستداں اپنی صحیح ذمہ داری نبھانے سے انکا کررہے ہیں۔ ان حالات میں بھارت پاک رشتے کیسے بہتر ہوسکتے ہیں؟ یہ ایسے ہی چلے گا ہمارے بہادر جوان مرتے رہیں گے۔ ہمارے حکمرانوں میں نہ تو اتنا دم ہے اور نہ ہی قوت ارادی ہے کہ پاکستان کو منہ توڑ جواب دے سکیں۔

(انل نریندر)

اٹلی سے آر پار کرنا ہوگا داؤ پر ہے بھارت کی عالمی ساکھ

قتل کے ملزم اپنے دونوں فوجیوں کو بھارت واپس بھیجنے سے انکار کرکے اٹلی حکومت نے صاف طور پر حکومت ہند اور سپریم کورٹ کی توہین کی ہے۔ اٹلی نے حکومت سے دھوکہ کیا ہے۔ ہندوستانی سپریم کورٹ کے حکم کے مطابق یا تو وہ 22 مارچ کو طے شدہ تاریخ تک دونوں مرین کو بھارت کے سپرد کردے یا پھر ڈپلومیسی سے لیکر تجارت اور سرمایہ کاری تک بھارت اپنے راستے الگ اپنائے۔اٹلی کے فیصلے سے بھارت کی عزت داؤ پر لگی ہے، اس بار آر یا پار۔ بیچ کا راستہ تلاش کرنا ہے تو اٹلی والے تلاش کریں۔ بھارت میں اس کا کوئی رول نہیں ہے۔اٹلی حکومت نے پہلے تو یہ دلیل دی کہ اس واردات کو لیکر کسی ہندوستانی عدالت میں مقدمہ چلایا نہیں جاسکتا کیونکہ موقعہ واردات بھارت کی سمندری سرحد میں نہیں ہوئی تھی۔پچھلے سال ایک اطالوی جہاز پر تعینات دو اطالوی مرین گارڈوں نے آبی سرحد کے اندر مچھلی پکڑ رہے کیرل کے دو مچھیروں کو گولی مار کر ہلاک کردیا تھا۔ وقت پر اطلاع دئے جانے سے ہندوستانی بحریہ نے اطالوی جہاز کی گھیرا بندی کرلی ونہ قاتل صاف نکل جاتے۔ مغربی ملک اپنے مشترکہ دباؤ سے کسی کو ان کے کندھوں پر ہاتھ نہیں رکھنے دیتے۔ عدالت نے انہیں پہلے کرسمس کے موقعے پر گھر جانے کا موقعہ دیا پھر پچھلی22 فروری کو وہ اپنے دیش ووٹ ڈالنے کے بہانے ایک مہینے کے لئے چلے گئے لیکن اب اطالوی حکومت کہہ رہی ہے کہ ان کے خلاف جو بھی مقدمہ چلایا جائے ہندوستانی عدالتوں میں نہیں بلکہ بین الاقوامی عدالت میں چلایا جائے۔ان ملزمان کی واپسی کی گارنٹی ہندوستان میں قائم اطالوی سفارتخانے نے لی تھی۔ ہندوستانی قانون کے مطابق قصورواروں کو وقت پر عدالت میں حاضر نہ ہونے پر جیل کی ہوا کھانی پڑتی ہے۔ عالمی پروٹو کول کے مطابق سفارکار کو تو گرفتار نہیں کیا جاسکتا لیکن متعلقہ دیش کے ساتھ سفارتی رشتے توڑنے کا متبادل بنا رہتا ہے۔ اگر ہمیں ہیلی کاپٹر خرید گھوٹالے میں اطالوی پولیس کے ذریعے ریکارڈ کی گئی فلم مکینیکا کے حکام کی بات چیت یاد کریں تو یہ بالکل صاف ہوجاتا ہے کہ ہندوستانی قانون سسٹم اور سیاسی ڈھانچے میں اٹلی کے عام لوگوں کو کتنی سمجھ ہوگی۔ اب اگر اس معاملے میں ہم نے ذرا سی بھی بھول کی تو اس سے ہمارے دیش کے بارے میں وہی نظریہ مضبوط ہوگا۔ ہمارے تجربے تو یہ ہی بتاتے ہیں ترقی یافتہ ممالک میں اپنے شہریوں کو ترقی پذیر ممالک کسی نہ کسی بہانے سے لے جاتے ہیں یا اپنے ملزم شہریوں کو دوسرے ملکوں کو نہیں سونپتے مثلاً پولیس ہتھیار معاملے میں کم ڈیویڈ حوالگی سے ڈینمارک نے انکارکردیا تھا۔ اسی طرح بوفورس معاملے میں اٹلی کے کواتروچی اور بھوپال گیس کانڈ کے کھلنائک وائرن اینڈرسن کو امریکہ نے بھارت کو نہیں سونپا۔ بدقسمتی یہ ہے یہ مغربی ممالک ہی سب سے زیادہ بین الاقوامی اصولوں اور قاعدوں کی بات کرتے ہیں۔ ہندوستانی عدلیہ کی غیر جانبداری کی دنیا بھر میں اچھی ساکھ رہی ہے۔ ملزم فوجیوں کی بابت سپریم کورٹ نے یہ کہہ کر اٹلی حکومت چاہے تو بھارت کے عدلیہ اختیار کو چیلنج کرسکتی ہے، یہ ظاہرکردیا تھا کہ اس پر کسی طرح کا امتیاز برتنے کا شبہ نہیں کیا جاسکتا۔ اس فیصلے کو اٹلی کے عین مطابق مانا گیا کیونکہ ہندوستانی سپریم کورٹ نے اس سوال کو کھلا چھوڑدیا کہ جرائم ہندوستانی آبی سرحد میں ہوا تھا یا نہیں۔ کچھ وقت پہلے بھارت اور اٹلی کے درمیان ایک سمجھوتہ ہوا جس کے تحت دوسرے دیش میں سزا یافتہ مجرم کو اپنے دیش میں قید بھگتوائیں گے۔ ان سب کے باوجود اٹلی اگر دادا گری پر اترا ہے تو اسے اسی کے انداز میں جواب دینے کے علاوہ بھارت کے پاس کوئی چارہ باقی نہیں رہ جاتا۔ اب جو بھی ہوگا اس کی پوری ذمہ داری اٹلی سرکار پر ہوگی۔ آخر سوال ہندوستان کی عالمی ساکھ کا ہے۔

(انل نریندر)

یوپی اے سرکار اور کانگریس کو دوہرا جھٹکا

کرپشن کے اشو پر یوپی اے سرکار کی مشکلیں کم ہونے کا نام نہیں لے رہی ہیں۔ سپریم کورٹ اور پارلیمنٹ میں کانگریس قیادت والی سرکار کو دوہرے جھٹکے لگے ہیں۔ ایک طرف تو سی بی آئی نے سپریم کورٹ میں رپورٹ پیش کر بتایا کوئلہ کھدائی الاٹمنٹ میں گڑبڑیاں ہوئی ہیں۔ وہیں کانگریس صدر سونیا گاندھی کے دامادرابرٹ واڈرا کے ذریعے زمین سودے پر بھاجپا نے پارلیمنٹ میں سیدھا نشانہ بنایا۔ سی بی آئی نے یوپی اے سرکار کے ذریعے کوئلہ کان الاٹمنٹ میں قاعدوں کی خلاف ورزی کا الزام لگایا ہے۔ اس اشو کو لیکر سی بی آئی اور مرکزی سرکار آپس میں ہی الجھ گئی ہیں۔ سی بی آئی نے اپنی رپورٹ میں کہا کہ 2006 ء سے9 کے دوران کمپنیوں کے بیک گراؤنڈ کی جانچ پڑتال کے بغیر کوئلہ الاٹمنٹ کئے گئے جبکہ ان کمپنیوں کی جانب سے اپنے بارے میں مبینہ طور سے غلط حقائق پیش کئے گئے۔ عدالت تو پہلے ہی کوئلہ الاٹمنٹ کے اختیار پر سوال اٹھا چکی ہے۔ 24 جنوری کو کورٹ نے سرکار سے کہا تھا کہ اس الاٹمنٹ میں مفصل قانونی صفائی پیش کرنی ہوگی کیونکہ موجودہ قانون محض ریاستوں کو اس الاٹمنٹ کا اختیار دیتا ہے۔ جسٹس آر ایم لودھا کی سربراہی والی تین نفری ڈویژن بنچ نے کہا کہ اگر مرکزی سرکر نے کوئلہ الاٹمنٹ کے عرضی گذاروں کے ساتھ طے عمل کی تعمیل نہیں کی تو پوری الاٹمنٹ منسوخ ہوگی۔ سرکار کی فضیحت بڑھاتے ہوئے عدالت نے سی بی آئی کو یہ سخت ہدایت بھی دے دی کہ وہ اپنی جانچ سے وابستہ معلومات سیاسی لیڈر شپ یعنی سرکار سے شیئر نہ کرے۔ ٹوجی کے بعد یہ دوسرا موقعہ ہے جب سپریم کورٹ میں مرکزی سرکار کی ساکھ پر سوال اٹھا ہے۔ سپریم کورٹ کی سفارشوں کے بعد مرکزی سرکار کی مشکل اس لئے اور بڑھ گئی ہے کیونکہ جس وقت کوئلہ الاٹمنٹ ہوا تھا تو کوئلہ وزارت کے انچارج خود وزیر اعظم منموہن سنگھ ہوا کرتے تھے۔ کمپٹرولر آڈیٹر جنرل (کیگ) نے اپنی رپورٹ میں کوئلہ الاٹمنٹ میں منمانی کا الزام لگانے کے ساتھ 1 لاکھ86 ہزارکروڑ روپے کے محصول کا نقصان کی بات کہی تھی اب تو سی بی آئی بھی یہ کہہ رہی ہے۔ دوسری طرف کانگریس صدر سونیاگاندھی کے داماد رابرٹ واڈرا سے مبینہ طور سے جڑے زمین سودے کو لیکر پارلیمنٹ کے دونوں ایوانوں میں ہنگامہ ہوا۔ لوک سبھا میں بھاجپا لیڈرکے ہاتھوں کے تختیوں کے ساتھ ویل میں پہنچ گئے جس پر لکھا تھا ’’وزیر خزانہ ، داماد کا فارمولہ اپنائیے گھر بیٹھے کمائیے اور گھٹا گھٹائیے‘‘ بھاجپا نے دونوں ایوانوں میں واڈرا کے ذریعے زمین سودے میں گھپلے پر بحث کرانے کا مطالبہ کیا تھا اور وقفہ سوالات منسوخ کرنے کے لئے نوٹس دیا۔ یہ نوٹس ان رپورٹوں کی بنیادپر تھے جن میں کہا گیا تھا کہ راجستھان کے بکا نیر میں رابرٹ واڈرا نے اجازت سے زیادہ زمین خرید کر قانون کی خلاف ورزی کی ہے۔ دوسرے یہ کہ جب واڈرا زمین کی کاروبار کے معاملے میں الزامات میں گھرے ہوئے ہیں اس سے پہلے واڈرا کوہریانہ میں زمین خرید کے معاملے میں کٹہرے میں کھڑا کیاگیا۔ اس بار راجستھان کے بیکار ضلع کی46 ایکڑ زمین کو لیکر ہنگامہ ہورہا تھا۔ کانگریس کی جانب سے صفائی پیش کرتے ہوئے ترجمان رینوکا چودھری نے کہا یہ اگر زمین سودا ریاستی سرکاروں کا معاملہ ہے جن کے بارے میں اور ریاستوں کی جانچ ایجنسیاں دیکھیں گی۔ وہ رابرٹ واڈرا نیتا نہیں ایک سماجی شخصیت ہیں اس لئے پارلیمنٹ ان پر بحث کیوں کرے؟ نجی شخص پر بحث کراکر نئے رواج کی بنیاد نہیں ڈالنا چاہتے۔ پارلیمنٹ کا بجٹ اجلاس چل رہا ہے اپوزیشن دونوں معاملوں کو اچھالے گا اور سرکار کی مشکلیں اور بڑھیں گی۔

(انل نریندر)

سرکاری افسروں کا ڈرگس اسمگلنگ معاملے میں شامل ہونا خطرناک ہے

اولمپئن مکے باز ویجندر سنگھ کے ڈرگس دھندے میں شامل ہونے کے مبینہ الزامات نے ایک بار پھر دیش کی توجہ اس بڑھتے جرائم کی طرف مرکوز کرادی ہے۔ اس پھلتے پھولتے دھندے میں ایک تکلیف دہ پہلو یہ ہے کہ اس میں سرکاری افسر چاہے وہ منشیات کنٹرول بیورو کا ہو یا پھر فوج کا سینئر افسر ہو،شامل ہے۔ حال ہی میں ہمارے سامنے دو ایسے معاملے آئے ہیں جن سے یہ بات ثابت ہوتی ہے۔ پہلا معاملہ منی پور کا ہے۔ منی پور کے چندیل ضلع میں پولیس نے فوج کے کرنل سطح کے پی آر او اور دیگر پانچ لوگوں کو مبینہ طور سے 15 کروڑ روپے کی ممنوع نشیلی اشیاء لے جاتے ہوئے گرفتار کیا ہے۔ اس کی اسمگلنگ میانمار کو کی جانی تھی۔ پولیس نے بتایا فوج کے پی آر او کرنل اجے چودھری اورا ن کے معاون آر کے ببلو اور دیگر افراد کے حراست میں لیا ہے۔ فوج کے ترجمان جگدیپ دہایا نے دہلی میں اس کی تصدیق کرتے ہوئے کہا کرنل اجے چودھری کو منی پورپولیس نے پانچ دیگر لوگوں کے ساتھ گرفتار کیا ہے۔ انہیں یہ یقین دلایا گیا ہے کہ کچھ منشیات برآمد کی گئی ہیں۔ فوج نے وعدہ کیا کہ اگر کوئی بھی ملازم معاملے میں ملوث پایا جاتا ہے ا س کے خلاف سخت کارروائی ہوگی۔ اجے چودھری نے حالانکہ دعوی کیا ہے کہ انہیں اس بات کی خبر نہیں تھی کہ بھیجے جارہے مال میں ممنوع منشیات شامل ہے۔ انہوں نے کہا بہت سینئر افسر کے بھتیجے نے ان کے ساتھ دھوکہ کیا ہے۔ دوسرا معاملہ اور بھی زیادہ خطرناک ہے۔ مال خانے سے ہیروئن ان چراکر بیچنے کا معاملہ سامنے آیا ہے۔ چندی گڑھ میں این سی بی کے سابق زونل ڈائریکٹر شاہ جی موہن اور سپرنٹنڈنٹ بلوندر سنگھ کو مال خانے سے ہیروئن چراکر بیچنے کے معاملے میں عدالت نے13-13 سال کی سزا سنائی ہے اور تین تین لاکھ روپے کا جرمانہ بھی کیا ہے۔ شاہ جی موہن جموں کشمیر کے کانسٹیبل نوین کمار کو سرکاری عہدے کے بیجا استعمال کے معاملے میں ایڈیشنل ڈسٹرکٹ اور سیشن جج مالنی سنگھ ناگپال نے یہ سزا سنائی ہے۔ ممبئی اے ٹی ایس نے ہیروئن اسمگلنگ اور اس کی بکری کرنے کے الزام میں این سی بی بیورو کے اس وقت کے زونل ڈائریکٹر شاہ جی موہن کو پکڑا تھا اور چنڈی گڑھ میں اپنے مال خانے ریکارڈ چیکنگ میں 15 مئی 2008ء کو جموں و کشمیر بارڈر سے ضبط کرکے لائی گئی 60 کلو ہیروئن کے بجائے30 کلو ہیروئن دکھائی گئی تھی۔ جانچ میں پتہ چلا کہ شاہ جی موہن نے 30 کلو ہیروئن اس وقت کے سپرنٹنڈنٹ بلوندر سنگھ اور بندوقچی دویندر سنگھ اور نوین کے ساتھ مل کر بیچ دی تھی۔ اس میں10 کلو ہیروئن شاہ جی موہن نے اسمگلر نصیب چند کو دے دی۔ این سی بی نے شاہ جی موہن ،بلوندر سنگھ اسمگلر نصیب سنگھ سمیت شاہ جی کے بندوقچی اور نوین کے خلاف معاملہ درج کیا تھا۔ اکتوبر2010ء میں سبھی پر الزامات طے کئے گئے تھے یہ ایک نہایت خطرناک موڑ ہے جب افسر صاحبان ہی خود اسمگلنگ کے دھندے میں لگ جائیں۔

 (انل نریندر)

وزیر داخلہ شندے اور شیلا دیکشت کے مابین محض سیاسی نورہ کشتی ہے

مرکزی وزارت داخلہ اور دہلی حکومت کے درمیان جاری سرد جنگ اور کھینچ تان پیر کے روز کھل کر سامنے آگئی ہے۔ حالانکہ میری نظروں میں تو یہ ایک سیاسی نورہ کشتی ہے اس کا مقصد عوام کو بیوقوف بنانا ہے ،وہ کیسے آگے چل کر بتاؤں گا۔ پہلے خبر پر آتے ہیں۔ مرکزی وزیر داخلہ شیل کمار شندے نے اعلان کیا ہے کہ مرکزی حکومت دہلی پولیس کو دہلی سرکارکے ماتحت کرنے کے لئے تیار ہے ، شرط صرف اتنی ہے اس کے لئے وزیر اعلی شیلا دیکشت تحریری طور پر مانگ کریں۔ مرکزی وزیر داخلہ سشیل کمار شندے کے مطابق وہ تحریری طور پر مانگ ہونے کی صورت میں انہیں ایسا کرنے میں کوئی اعتراض نہیں ہوگا۔ شندے کے اس بیان سے یہ تو صاف ہوتا ہے کہ وہ آئے دن شیلا دیکشت کی جانب سے دہلی پولیس اور اس کے طریقہ کارپر اٹھائے جانے والے سوالیہ نشانات سے خوش نہیں ہے اور آخر کار تنگ آکر انہوں نے شیلا جی کے بلف کو چنوتی دے ڈالی۔ اصل میں دہلی گینگ ریپ یا بابا رام دیو کے حماتیوں پر لاٹھی چارج کا معاملہ رہا ہو یا پھر ان کے بعد راج پتھ پر پرامن مظاہرہ کررہے طلبا پر لاٹھی چارج ہو، دہلی کی وزیراعلی مسلسل گھوم پھر کر مرکزی وزارت داخلہ، لیفٹیننٹ گورنر پر دہلی پولیس کے طریقہ کار کو لے کر حملے کرتی رہی ہیں۔ اب میں آپ کو بتاتا ہوں کے میری نظروں میں یہ محض ایک ڈرامہ ہے، سیاسی نورہ کشتی ہے۔ اس کی کئی وجوہات ہیں سب سے پہلے سشیل کمار شندے کو یہ معلوم ہونا چاہئے کہ دہلی اسمبلی میں ایک بار نہیں دو بار ریزولوشن پاس کرکے ان کی وزارت کو بھیجا ہے۔ دہلی کو پوری ریاست کا درجہ دیا جائے، دہلی پولیس زمین سے متعلق سبھی محکمے دئے جائیں۔ دہلی پولیس کی تحریری مانگ پہلے ہی سے لٹکی ہوئی ہے ان حالات میں شندے صاحب کونئے تحریری پرستاؤ کی کیا ضرورت پڑ گئی۔ وہ اگر کرنا چاہیں تو زیر التوا پرستاؤ پر ہی منظوری دے سکتے ہیں۔ دراصل مرکزی سرکار کبھی بھی دہلی پولیس، ڈی ڈی اے، این ڈی ایم سی وغیرہ دہلی حکومت کو نہیں دے گی۔ اسے ہمیشہ یہ ڈر لگتا رہتا ہے کہ کل کو بھاجپا دہلی میں سرکار بنا لیتی ہے تو مرکز کمزور ہوجائے گا اور اس کے ہاتھ ایک بہت بڑا ہتھیار لگ جائے گا۔ اب بات کرتے ہیں شیلا جی کی۔ کیا واقعی وزیر اعلی شیلا دیکشت مارچ کے مہینے میں دہلی پولیس اپنی سرکار کے ماتحت چاہتی ہیں جبکہ چھ سات مہینوں میں اسمبلی انتخابات ہونے ہیں۔ سوچ لیں کیونکہ پھر قانون و انتظام میں کبھی وزارت داخلہ پر منتقل کرنے کا بہانا نہیں بچے گا۔ دراصل دہلی گینگ ریپ کے ملزم رام سنگھ کے قتل کی ذمہ داری سیدھے تہاڑ جیل حکام پر آتی ہے اور کیونکہ تہاڑ جیل دہلی حکومت کے ماتحت ہے اس لئے شیلا جی کو سمجھ میں نہیں آرہا ہے کہ وہ جنتا کو کیا جواب دیں۔ عام آدمی کو اس سے کوئی فرق نہیں پڑتاکہ دہلی پولیس کس کے ماتحت آتی ہے،وزارت داخلہ کے یا دہلی سرکار کے وہ تو اپنے آپ کو ہر لحاظ سے دہلی میں محفوظ چاہتی ہے۔اصل کمی تو پولیس کے طریقہ کار میں ہے جس طرف کوئی توجہ نہیں دیتا۔ سابق ڈائریکٹر جنرل پرکاش سنگھ نے سپریم کورٹ میں ایک عرضی دائر کی تھی جس میں انہوں نے عدالت سے کہا تھا کہ پولیس اصلاحات کو سختی سے لاگو کیا جائے۔ سپریم کورٹ نے اس کے لئے ایک کمیٹی بھی بنائی لیکن آج تک پولیس محکمے میں سدھار نہیں ہوسکا۔ وجہ کوئی بھی ہو لیکن کوئی کرنا نہیں چاہتا۔ اس بات کی کمی ہے کہ دہلی پولیس میں ردوبدل ہونی چاہئے۔ اہم شخصیات کی سکیورٹی کے لئے الگ فورس ہو۔ دہلی پولیس کے ہزاروں جوانوں کو اس ڈیوٹی سے ہٹا کر جنتا کی سوا میں لگایا جائے۔ پولیس ملازمین کے کام میں بھی بہتری ہو، سہولیات بڑھائی جائیں اور کمیٹی کے ذریعے تجویز سفارشوں پر غور کیا جائے۔ یہ بھی ہوسکتا ہے ایک مرحلہ وار طریقے سے دہلی پولیس دہلی سرکار کو دی جائے۔ ابتدا ٹریفک پولیس سے ہوسکتی ہے۔ اس کے دہلی سرکار کے ماتحت رہنے سے کسی کو اعتراض نہیں ہوسکتا۔ بہتر ہو کے سشیل کمار شندے اور شیلا دیکشت کے درمیان اس سیاسی کشتی کو چھوڑ کر دہلی کی جنتا کی بھلائی کے لئے اور ان کی سلامتی کے لئے ٹھوس قدم اور پلان تیار ہیں۔نورہ کشتی کو جنتا اچھی طرح سمجھتی ہے۔

(انل نریندر)

دہلی میں فرضی ووٹروں کی بڑھتی تعداد کا کیا کریں گے؟

جیسے جیسے اسمبلی انتخابات قریب آتے جارہے ہیں فرضی ووٹروں کا کھیل شروع ہوچکا ہے۔ دہلی میں15 لاکھ سے زیادہ فرضی ووٹر ہونے کا اندازہ ہے جن کی چھٹنی کا کام شروع کردیا گیا ہے۔ اگلے ماہ 15 اپریل تک چناؤ کمیشن کے سامنے پوزیشن آجائے گی۔ اس کے لئے پچھلے 15 برسوں کا ریکارڈ دیکھا جارہا ہے۔ خاص بات یہ ہے کہ جن علاقوں میں فرضی ووٹر یا شناختی کارڈ ملیں گے انہیں بنانے والے حکام کے خلاف چناؤ کمیشن کے ذریعے طے ڈسپلن کے تحت کارروائی ہوگی۔ دہلی کے چیف الیکشن افسر وجے کمار دیو نے بتایا کہ فرضی ووٹروں کی پہچان کی مہم میں ایک شخص کے کئی ووٹ ہونے کے معاملے سامنے آئے ہیں۔ دیو کا کہنا ہے محکمے کی جانب سے بھی غلطی یہ ہوئی ہے کہ ایک ہی شخص کو ایک ہی ووٹر شناختی کارڈ جاری کرنا چاہئے تھا لیکن اس شخص نے جتنی بار بھی درخواست دی اسے ہر بار نیا شناختی کارڈ دے دیا گیا۔ چاہے اس نے اپنے شناختی کارڈ میں گھر کا پتہ ہی کیوں نہ بدلوایا ہو۔ فرضی شناختی کارڈ یا ووٹ بنوانے میں سب سے بڑا ہاتھ ہمارے نیتاؤں کا ہے۔ نیتا افسروں پر دباؤ ڈال کر اپنے علاقوں میں ووٹروں کی بھاری فوج کھڑی کرا لیتے ہیں تاکہ چناؤ کے وقت یہ ان کے کام آسکے۔ جانچ میں پایا گیا ہے تقریباً ایک درجن ممبران اسمبلی کا پتہ لگا ہے جہاں ملی بھگت سے فرضی ووٹر بنائے گئے ہیں۔ چیف الیکشن آفس کی رپورٹ میں یہ جانکاری آچکی ہے کہ راجدھانی کی 70 اسمبلی سیٹوں میں قریب14 لاکھ فرضی ووٹر یعنی (11 فیصدی) ووٹر ہیں۔ جانچ میں ان لاکھوں ووٹروں کو منتقل، یا مردہ،یا ڈپلکیٹ بتایا گیا ہے۔ ان کا خاتمہ کرنے کے لئے چناؤ دفتر عزم کئے ہوئے ہے۔اس کا نشانہ ہے 15 اپریل تک زیادہ تر فرضی ووٹروں کو چیک کر ان کا نام ووٹر لسٹ سے ہٹا دیا جائے۔ راجدھانی میں موٹے طور پر ایک اسمبلی حلقے میں ایک سے سوا لاکھ ووٹر ہیں۔حیرانی تو اس بات کی ہے کہ جانچ کے دوران کچھ اسمبلی حلقوں میں15 ہزار سے59 ہزار ووٹر فرضی ہیں۔ ایسے اسمبلی حلقوں میں دہلی سرکار کے وزیر اور کچھ سینئر ممبر اسمبلی چناؤ جیت کر آئے ہیں۔ ذرائع بتاتے ہیں ان علاقوں میں باہری دہلی میں 4 ، جمنا پار میں3، مغربی دہلی میں3 ، ساؤتھ دہلی میں2 جن اسمبلیوں میں بھاری تعداد میں فرضی ووٹر پائے گئے ان میں کراول نگر، مٹیامحل، اتم نگر، آر کے پورم، مالویہ نگر، بلیماران، منگولپوری، گاندھی نگر، لکشمی نگر، مہرولی وغیرہ اسمبلی قابل ذکر ہیں۔ پچھلے اسمبلی چناؤ میں کئی سیٹوں پر جیت کا مارجن پانچ ہزار ووٹ سے بھی کم رہا ایسے میں اسمبلی چناؤ میں ووٹروں کی تعداد بھاری الٹ پھیر کرسکتی ہے۔چناؤ کمیشن کی ہم تعریف کرتے ہیں کہ یہ کام اتنا آسان شاید نہ ہو۔ کچھ لیڈروں کا تو سیاسی مستقبل ہی ان فرضی ووٹروں پر ٹکا ہے۔

(انل نریندر)

جمنا صرف ایک ندی نہیںلاکھوں لوگوں کی عقیدت کا مرکز ہے

دیش میں عوام سے وابستہ مسئلوں پر مہم اور مظاہرے اکثر ہوتے ہی رہتے ہیں لیکن بدقسمتی سے انہیں جب تک نظر انداز کردیا جاتا ہے جب تک ان کی آواز دہلی میں سنائی نہ پڑے۔ جمنا مکتی پدیاترا پر شروع میں توجہ نہ دینے کی ہی وجہ ہے کہ آج لاکھوں لوگ جمنا کی صفائی کے اشو کو لے کر دہلی آئے ہوئے ہیں ان میں سے کچھ ساؤھو سنت ہے کچھ کسان اور کچھ سمجھ دار و سماجی کارکن بھی ہے جنہیں ایک ندی کی عقیدت یا کھینچ لائی ہے ان مظاہرین کو بے شک کچھ مخالف سیاست دانوں کی بھی حمایت ملی ہو لیکن اس سے تحریک کی اہمیت ذرا بھی کم نہیں ہوتی۔ دہلی میں جمنا کی صفائی کے لئے 1995 سے 1912تک 2072 کروڑ روپے سرکار کی طرف سے خرچ کئے جاچکے ہیں۔ اب تک تقریباً 12ہزار کروڑ روپے خرچ کرنے کے باوجود جمنا ندی ایک نالہ بنی ہوئی ہے۔ 4 دسمبر 2012کو سپریم کورٹ نے کہا یہ مایوس کن ہے جسٹس سوتنتر کمار اور جسٹس مدن وی لوکور کی بنچ نے ریمارکس دیئے کہ دہلی میں جمناندی میں پانی نہیں گندگی بہتی ہے برسوں سے کہاجارہا ہے کہ ہریانہ ہتھنی کند بہراچ سے نجات دلانے اور دہلی کی گندگی جمنا میں نہ ڈالنے سے تصویر بدل سکتی ہے۔ اس کے علاوہ چونکہ جمنا پردلی کی پیاس مٹانے کا بھی کم وبیش کی ذمہ داری ہے اس لئے اس کی بھلائی کے لئے دہلی سرکار کی ذمہ داری بڑھی ہے لیکن سچائی یہ ہے کہ دہلی اور ہریانہ کی حکومتیں پچھلے کئی برسوں سے ایک دوسرے پر جمنا کو آلودہ کرنے کا الزام لگا رہے ہیں جب کہ نہ صرف دونوں مقامات پر کانگریس کی حکومتیں ہے بلکہ مرکز میں بھی کانگریس کی قیادت والی یوپی اے سرکار اقتدار میں ہے۔ جمنا نہ صرف ایک ندی نہیں ہے بلکہ یہ لاکھوں لوگوں کی عقیدت کامرکز بھی ہے گنگوتری سے لے کر الہ آباد میں سنگم تک اپنے 1376کلو میٹر کے سفر میں جمنا کی معاون ندیوں کی وجہ سے اس ندی میں تھوڑا پانی دیکھنے مل جاتا ہے۔ اس سے پہلے دہلی سے چمبل کے درمیان قریب 700کلو میٹر علاقہ میں جمنا محض ایک نالہ بن کر رہ گئی ہے جمنا کو سب سے زیادہ آلودہ دیش کی راجدھانی دہلی نے کیاہے۔ دہلی میں ہردن ہزاروں لیڈر سیویج کا پانی جمنامیں گرتا ہے انڈسٹریل کچرا اوربغیر ٹریٹ کے کارخانوں سے نکلا گندا پانی اور دیگر گندگی سیدھی نی میں بہا دی جاتی ہے۔ گنگا کے کنارے متھرا برندا ون جیسے دھارمک مقامات پڑتے ہیں یہاں آکر آستھا کی علامت مانی جانیوالی گندگی سے بھری جمنا کے پانی میں لوگ اشنان کرتے ہیں حالات اتنے خراب ہے کہ آکسیجن کی ندی میں کمی ہونے سے اس میں رہنے والے جانوروں کی موت ہورہی ہے اس کے لئے سرکار کو باقاعدہ ایک اسکیم بنانی ہوگی یمنا کی بھلائی کے لئے متعلقہ حکومتوں کو ٹھوس راستہ نکالناپڑے گا لیکن جمنا اس کے پرانے چہرے میں لوٹانے کے لئے جنتا کو بھی حرکت میں اور بیدار ہوناپڑے گا۔ جو ہر چیز کو ندیوں میں ڈال کر اسے گندا کرنے سے باز نہیں آتے ہیں۔ گنگا کی مثال بھی ہمارے سامنے ہے اس کو لے کر وزیراعظم کی سربراہی میں ایک اتھارٹی ہونے کے بعد بھی حالات جوں کہ توں ہے بہتر ہوگا بروقت حکومت جاگیں اور خاص کر ندیوں کی پاکیزگی کے سوال پر لوگوں میں بیداری لائے اور استعمال کرنے والے پانی کی بچت اور ماحولیات کے تمام مسئلوں کو طویل عرصوں تک ٹالا نہیں جاسکتا کیونکہ اس کے اور خطرے صاف دکھائی دینے لگے ہیں۔ 

(انل نریندر)