یہ کہنا ہے ہندوستانی نژاد پائلٹ اسمت مچھارکا۔ جب وہ اپنے آپ کو اور 170 جہازی مسافروں کو بچانے کےلئےجدوجہد کررہے تھے۔پی ایم مودی نے جمعہ کو ہندوستانی پائلٹ اسمت مچھار سے نو منٹ تک ویڈیو کالنگ کی۔ پی ایم مودی نے کہا پورا دیش آپ پر فخر کرسکتا ہے کہ ہم ہندوستانی دوسروں کی جان بچانے کےلئے خود کوبھی خطرہ میں ڈالنے والے لوگ ہیں۔ اسمت نے اس پل کااحساس شیئر کرتے ہوئے کہا کہ میں اپنی لائف کےلئے ءڈر رہا تھا۔ میں نیچے گر گیا تھا۔چوٹ لگ گئی تھی اور میں پھنس گیا تھا۔ انہوں نے کہا کہ جب بھی میں درد محسوس کرتا تو میں ہنومان چالیسہ ہی بولتا ہوں اور اس وقت بھی میں ہنومان چالیسا کاہی جاپ کررہاتھا اور مجھے پتہ ہے کہ بھگوان ہنومان نے ہی مجھے بچایا۔دوبئی سے تل ابیب (اسرائیل) جارہی دوبئی فلائٹ میں کیپٹن اسمت مچھار نے جس ہمت کا ثبوت دیا، وہ واقعی ہی بے مثال ہے، اسمت نے بتایا کہ میں 17 سال سے جہاز اڑار ہا ہوں۔ میں پچھلے11 سال سے کیپٹن ہوں اور مجھے پتہ چلتا ہے، آنکھ بند کرکے بھی جہاز میں کہا ہورہا ہے۔جب میں نیچے گرا ہوا تھا تب مجھے احساس ہورہا تھا کہ ایئرکرافٹ نیچے جارہا ہے۔ میں نے اپنے آپ سے کہا کہ اسمت بس اب ایک لاسٹ پش اور دروازہ کھول دیں، تب میں نے کسی طرح دروازہ کھولا اور باقی سب آگئے اور سب نے اپنا رول نبھایا۔مجھے پتہ تھا کہ میں ان سب کو مرنے نہیں دے سکتا۔ یو اے ای کی سرکاری نیوز ایجنسی ڈبلیو اے ایم کے مطابق متحدہ عر ب امارات کے پروسیکیوٹر جنرل نے ایتوار کو کہا کہ فلائٹ دوبئی کی اڑان ایف زیڈ 1073 کے معاون پائلٹ نے اڑان کے دوران آتنک وادی حملہ محسوس کیا اور جہاز کو تباہ کرنے کی کوشش کی۔ انہوں نے کہا پائلٹ نے کوکپٹ کے اندر کریش ایکس سے پائلٹ پر حملہ کیا اور جہاز کا کنٹرول اپنے ہاتھ میں لینے کی کوشش کی تھی۔ کریش ایکس عام طورپر کاکپٹ میں رکھا جاتا ہے اور حادثہ جیسے ناگزیر حالات میں استعمال کیا جاتا ہے۔ انہوں نے کہا واردات کے حالات اور حملہ کے مقصد اور اس سے وابستہ کسی بھی تعلق کا پتہ لگانے کےلئے جانچ جاری ہے۔ ادھر اسرائیلی وزیر اعظم بنجامن نتن یاہو نے کہا کہ کو۔ پائلٹ اومانی شہری ہے ۔ حالانکہ فلائی دوبئی نے ابھی سرکاری طور سے کو۔ پائلٹ کی شہریت کے بارے میں کچھ نہیں بتایا لیکن بین الاقوامی میڈیا میںبھی کو۔ پائلٹ کو لیکر کئی طرح کی باتیں سامنے آرہی ہیں۔ اےوی بی پی نیوز نے لکھا ہے کہ کو۔ پائلٹ اومان کا شہری ہے۔ حکام نے بتایا کہ 2024 میں اومان ایئر میں کو۔ پائلٹ ٹرینی کے طور پر کام کرنے کے دوران کو۔ پائلٹ حمام الحمی کے پاس کٹر پسندی سے جڑا میٹر پایا گیا تھا۔ اس کے باوجود اسے ایئر لائنس میں انتظامیہ میں کام جاری رکھنے کی اجازت دی گئی۔اس واقعہ نے ایک بار پھر جہاز رانی سیکٹر کی اپنی سلامتی و انتظامات پر سنجیدگی سےنظرثانی کرنے پر مجبور کردیا ہے۔جہازی حفاظت کے سامنے ایک نیا مسئلہ کھڑا ہوتا ہے۔اب تک سکیورٹی کا بڑا حصہ باہری خطرے کولیکر و روکنے پر مرکوز رہا ہے۔ 9/11 کے بعد کوکپٹ کے دروازے مضبوط کئے گئے، مسافروں کی بڑی اسکرینگ ہوئی، سامان کی جانچ کے طریقے بہتر کئے گئے اور مشتبہ سرگرمیوں پر نگرانی بڑھی لیکن فلائی دوبئی کا واقعہ بتاتا ہے سکیورٹی کے لئے چیلنج جہاز کے اندر موجود جیسے امکانی خطروں کی پہچان کی شکل میں سامنے آیا۔ ہوسکتا ہے پائلٹ کی بھی ذہنی صحت کی مسلسل جانچ کرنے کےلئے بہتر سسٹم کی ضرورت ہے لیکن یہ ہوکیسے ؟ یہ ایک بڑا چیلنج ہے۔بھارت میں آئے دن پائلٹوں کے نشے میں ہونے کی شکایتیں آتی رہتی ہیں۔ سی ایم ایم نے لکھا کہ فلائی دوبئی کی اڑان میں کیپٹن پر حملہ کرنے والے مشتبہ پائلٹ کو اومان کی قومی ایئر لائنس کی نوکری سے ہٹا دیا گیا تھا۔ ایسااس کے شدت پسند نظریات کو لیکر کیا گیا تھا۔ پھر ا س کو فلائی دوبئی میں جہاز اڑانے کی اجازت کیوں دی گئی؟معاملہ کی جانچ ہورہی ہے۔ یو اے ای میں کئی لوگوں کو حراست میں لیکر پوچھ تاچھ جاری ہے۔ سوشل میڈیا میں ایک غلط کہانی چل رہی ہے تو یہ باریک جانچ سے ہی پتہ چلے؟ پتہ چلے بھی یا نہیں۔ ویسے کسی نے ٹھیک ہی کہا ہے : سوری بولو: فلاپ اسے بینڈ ایکٹیویٹ ۔
(انل نریندر)
