امریکہ اسرائیل نے مل کر ایران کے خلاف جنگ شروع کی تھی لیکن اب اس جنگ کو روکنے کے لئے دونوں دیش آپس میں متفق نہیں ہوپارہے ہیں ۔میڈیا رپورٹ کے مطابق امریکی صدر ڈونلڈ ٹرمپ اور اسرائیلی وزیراعظم بنجامن نیتن یاہو میں بھاری اختلافات سامنے آرہے ہیں ۔نیتن یاہو ایک بار پھر سے ایران پر ہوائی حملے شروع کرنا چاہتے ہیں ۔وہیں ٹرمپ ہتھیار سے پہلے ڈپلومیسی کے ذریعے معاملے کو ٹھنڈا کررہے ہیں اور امریکہ کو اس جنگ سے باہر نکلنے کے لئے ایران سے کوئی ڈیل کرنے کے چکر میں ہے ۔بتایاجارہا ہے کہ اس جنگ پر دونوں لیڈروں کے درمیان تقریباً ایک گھنٹے تک بات چیت ہوئی لیکن دونوں میں ایک رائے نہیں بن پائی ۔نیتن یاہو کا کہنا تھا کہ ایران کی فوجی صلاحیت جب تک پوری طرح برباد نہ ہو جائے ان کے یورینیم پر قبضہ نہ ہو جائے حملے جاری رہنے چاہیے ۔امریکی صدر ٹرمپ نے نیتن یاہو سے کہا کہ ثالث قطر اور پاکستان ایک لیٹر آف انٹینٹ پر کام کررہے ہیں تاکہ جنگ کو باقاعدہ طور سے ختم کیاجاسکے ۔اس پر دستخط ہونے کے بعد 30 دنوں کی بات چیت کا دور شروع ہوگا ۔نیتن یاہو ٹرمپ کی اس پالیسی سے متفق نہیں تھے ۔اب دیکھنا یہ ہوگا کہ کیا ایران جنگ روکے گا اور کیا نیتن یاہو اکیلے ہی ایران جنگ کو اپنے آپ بڑھائیں گے یا پھر جنگ چلتی رہے گی ۔
(انل نریندر)
