پیٹرول ڈیژل کی بڑھتی قیمتیں اورعام آدمی

دیش میں پیر کو تقریباً9دن پیٹرول کی قیمتیں بڑھائی گئی تھیں۔ پیر کو پیٹرول کا دام 48پیسے اور ڈیژل کا دام 23پیسے فی لیٹر بڑھادیا گیا۔ آخر کیاوجہ ہے کہ کچاتیل سستا ہونے کے باوجود دیش میں 9دنوں میں پیٹرول کا دام 75.87 روپے سے بڑھ کر 76.26روپے فی لیٹر اور ڈیژل کے دام 74.03روپے سے بڑھ کر 74.26روپے فی لیٹر مہنگا ہوچکا ہے۔ توانائی کے ماہرین کا کہنا ہے کہ اس کے پیچھے حالیہ دنوں میں کچے تیل پر مرکز کی جانب سے بڑھایا گیا ایکسائز ٹیکس اور ریاستوں کے ذریعے ویٹ میں اضافہ ہوا ہے۔ اگر تیل پر لگنے والے ٹیکس اور ویٹ کو دیکھ لیں تو بھارت میں قریب 69فیصدی لگتا ہے۔ وہیں امریکہ میں 19فیصدی، جاپان میں 47فیصد، برطانیہ میں 62فیصدی، جرمنی میں 65فیصدی ٹیکس اور ویٹ لگتا ہے۔ اس لحاظ سے بھارت دنیا میں سب سے زیادہ اس مد میں ٹیکس لگانے والا دیش بن گیا ہے۔ مرکزی سرکار کے ذریعے ایکسائز ٹیکس بڑھانے کے بعد کئی ریاستوں نے ویٹ کی شرح میں اضافہ کرکے اپنا خزانہ بھرنا شروع کردیا ہے۔ اس کے بعد ان لاک۔1میں مانگ بڑھنے پر تیل کمپنیوں نے دام بڑھانے شروع کردیئے۔ یہ سب کچھ عام آدمی کی جیب کی قیمت پر ہورہا ہے۔ ایک طرف بے روزگاری، بھکمری اور دوسری طرف بڑھتے ایندھن کی قیمتیں چوطرفہ مہنگائی ہوتی ہے لیکن کس کو فکر ہے؟ سرکاریں تو بس اپنا خزانہ بڑھاتی ہیں۔ بے شک پچھلے کچھ دنوں سے کچے تیل کی قیمتیں بڑھی ہوں لیکن اس سے پہلے تو کچے تیل کی قیمت سب سے نچلی سطح پر آگئی تھی۔ تب بھی سرکاروں نے قیمتیں نہیں گھٹائیں۔ غریب اور درمیانے طبقے کو پہلے سے ہی پس رہے ہیں رہی سہی کسر پیٹرول ڈیژل کی اضافی قیمتوں نے نکال دی ہے۔ (انل نریندر)

وبا کی حالت بے حد خراب ہونے لگی ہے

کورونا مریضوں کی تعداد میں اضافے کے معاملے میں بھارت دنیا میں تیسرے نمبراور روزانہ ہورہی اموات کے لحاظ سے چوتھے مقام پر ہے۔ ایک اندازے کے مطابق اگر تعداد دوگنی ہونے کی شرح موجودہ 17.4جن کی بنیاد پر مانے تو 21ستمبر تک دیش میں ایک کروڑمریض ہوجائیں گے۔ سرکاری ادارے آئی سی ایم آر کی اسٹڈی کے مطابق جانچ کا طریقہ بدل جاتا ہے تو مئی کی شروعات میں ہی مریضوں کی اصلی تعداد 20گنا سے زائد ہوگی۔ اس لئے ماہرین کے مطابق مریضوں کی پہچان کمونٹی کا پھیلاو¿ کا تنازعہ، رابطہ جاننے کے مرحلے کافی پہلے ہی ختم ہوگئے۔ سپریم کورٹ نے منگلوار کو کہا کہ دیش میں کووڈ۔19سے پیدا حالت میں سدھار نہیں ہورہا ہے بلکہ دن بہ دن حالات خراب ہوتے جارہے ہیں۔ بڑی عدالت نے نشیلی ادویہ کا کاروبار کرنے کے ملزم پنجاب کے ایک کاروباری جگجیت سنگھ چہل کی پیرول کی میعاد بڑھاتے ہوئے یہ تبصرہ کیا۔ جسٹس آر ایف نریمن، جسٹس نوین سنہا اور جسٹس وی آر گوی کی بینچ نے جگجیت سنگھ چہل کی درخواست کی مخالفت کررہے پنجاب سرکار کے وکیل کی دلیل کے دوران کہا کہ آپ دیکھئے آپ کووڈ۔19کی حالت ہر گزرتے دن کے ساتھ اچھی نہیں ہورہی ہے۔ دیش میں یہ دن بدن بگڑرہی ہے۔ اس ملزم نے اپنی پیرول کی میعاد ایک مہینے بڑھانے کی درخواست کی تھی۔ اس کی درخواست پر ویڈیو کانفرنسنگ کے ذریعے سماعت کے دوران کہاکہ جب کچھ ملزم ضمانت پر تو کچھ پیرول ہوں تو ایسے حالات میں جیل میں زیادہ بھیڑ جمع کرنے کا کوئی مطلب نہیں ہے۔ بینچ نے پنجاب سرکار کے حلف نامے کے بعد کہاکہ ملزم 19فروری کو اس معاملے میں ضمانت دی گئی تھی اور اس کی اپیل 16جولائی کو سماعت کے لئے داخل ہے۔ آج ضرورت ہے کہ سنگین مریضوں کو دوا سمیت آکسیجن ملے، وینٹی لیٹر ملے، حالت بہت خطرناک ہیں اگر جلد ہیلتھ سے متعلق ضروریات پوری نہیں کی گئی تو یہ بہت خطرناک شکل اختیار کرسکتی ہے۔ (انل نریندر)

ڈریگن نے منظم سازش کے تحت حملہ کیا!

لداخ کی گلوان وادی میں بھارت۔ چین کی فوج کے درمیان تشدد آمیز جھڑپ چین کی منظم سازش تھی۔ 15جون کو چینی فوجی جب ہندوستانی فوجیوں کو دھوکے سے گھیر کر تمام ظلم کی حدیں پار کررہے تھے تبھی چین کے صدر شی جن پنگ کی یوم پیدائش کا جشن چل رہا تھا۔ ہندوستانی فوج کے ذرائع پی ایل اے کی اس کرتوت کو جن پنگ کی یوم پیدائش کا تحفہ دینا جیسا بتا رہے ہیں۔ شہیدوں کے جسم پر زخم اس کے ثبوت ہیں۔ 20شہیدوں میں سے 16کے جسم پر ڈنڈے، پتھروں سے کئے گئے حملے پر گہرے زخم ہیں۔ چار فوجیوں کی موت چوٹی سے گرنے سے ہوئی۔ یہ صاف نہیں ہے کہ انہیں دھکا دیا گیا یا دھکا مکّی کے دوران پگڈنڈی سے گرے۔ قریب 15ہزار فٹ کی اونچائی پر تشدد ایسے مقام پر ہوا جہاں بہت کم لوگ جمع ہوسکتے ہیں۔ جس سرحدی چوکی پر اعتراض جتانے کی کمانڈنگ افسر کرنل وی سنتوش گئے تھے وہاں سے بے حد تنگ راستہ نیچے کی طرف جاتا ہے۔ پہلے چینی پولیس چوکی سے تمبو واپس لے جاتے نظر آئے لیکن کرنل کی ٹکڑی پہنچنے پر چینی فوجیوں نے پینترا بدل دیا اور انہیں گھیر کر مارنا شروع کردیا۔ ذرائع کے مطابق منگلوار کو ہیلی کاپٹروں سے چینیوں نے زخمی فوجیوں کو نکال کر یہاں سے 46اسٹریچر لے جاتے دیکھاگیا۔ یہ صاف نہیں ہے کہ کتنے زخمی فوجی تھے اور کتنی لاشیں تھیں۔ اس خونی جھڑپ میں نقصان پر چین بھی خاموش ہے۔ چین کے محکمہ خارجہ نے بتایا کہ وہاں ایل اے سی پر مستقبل میں ایسی جھڑپ نہیں چاہتا اس جھڑپ کے بعد چینی اخبار نے منگلوار کو چینی فوجیوں کو نقصان ہونے کی بات قبولی تھی۔ اس اخبارسے وابستہ ایک رپورٹ نے 27فوجیوں کے مرنے کے متعلق ٹوئیٹ کیا تھا۔ بدھ کے ایڈیشن میں گلوبل ٹائمز نے اس کا تذکرہ نہیں کیا۔ حالانکہ ذرائع بتاتے ہیں کہ اس جھڑپ میں چین کو بھی بھاری نقصان پہنچا۔ چینی فوج کا کمانڈنگ افسر سمیت چالیس جوان مارے گئے۔ ایل اے سی کی دوسری طرف بڑی تعداد ایمبولینس پہنچنے کی بات سامنے آئی ہے۔ چینی وزیر خارجہ وانگ چی نے بھی 15جون کی خونی حرکت پر کہاکہ دونوں فوجوں جہاں جھڑپ ہوئی وہ علاقہ شروع سے ہی چین کے کنٹرول میں ہے۔ ہندوستانی فوج ایل اے سی پار کر وہاں پہنچی لیکن فوج کا یہ جھوٹ 16جون کو سیٹلائٹ تصاویر سے سامنے آگیا ہے۔ 16جون کی شام اس تصویر میں چینی فوجیوں کے بیرک ہندوستانی علاقے میں دکھائی دے رہے ہیںیہ واقعہ اگلے دن بھی چینی فوج پیچھے نہیں ہٹی ہے۔ پیر کوتشدد آمیز جھڑپ میں دونوں ملکوں کے بیچ 1962میں ہوئی جنگ کے خونی ٹکراو¿ کی یاد دلاتی ہے۔ تب بھی اسی طرح دونوں ملکوں کی فوج میں بھی خونی جھڑپ ہوئی تھی اور اس وقت بھارت کے 80اور چین کے تین سوسے زیادہ فوجی مارے گئے تھے۔ پیر کوجس گلوان وادی کے پاس دونوں ملکوں کے فوجیوں کے درمیان جھڑپ ہوئی وہ دنیا کے سب سے مشکل جنگی علاقوں میں سے ایک ہے۔ جھڑپ کی جگہ زمین کی سطح سے 14ہزار فٹ اوپر ہے۔ یہاں درجہ حرارت -0(مائنس) ہوتا ہے۔ (انل نریندر)

بیمہ رقم کے لئے خود کے قتل کی سپاری دی

دہلی میں ایک سنسنی خیز معاملہ سامنے آیا ہے۔ جب ایک شخص نے خود کے قتل کی سپاری دے کر بیمہ کا پیسہ لینے کی اسکیم بنائی یہ چونکانے والی داستان ایک شخص گوروو بنسل کی ہے۔ کرکرڈوما کے کاروباری گوروو بنسل نے پریوار کے بیمے کی رقم دلانے کے لئے خود ہی اپنا قتل کرواڈالا۔ اس نے فیس بک کے ذریعے بھاڑے کے قاتلوں سے رابطہ قائم کر انہیں 90ہزار روپے بھی دیئے۔ رن ہولا پولیس نے اتوار کو ایک نابالغ سمیت چارلوگوں کو پکڑا۔ تو قتل کے پیچھے کی کہانی سامنے آگئی۔ ڈی سی پی آو¿ٹر ایکان نے بتایا کہ 10جون رنہولا علاقے میں پیڑ سے لٹکی ایک لڑکے کی لاش ملی تھی، اس کے ہاتھ پیر بندھے تھے جس کی وجہ سے قتل کا معاملہ لگ رہا تھا جانچ سے معلوم ہوا کہ 37سالہ شخص گوروو بنسل کی لاش ہے۔ گوروو اپنے گھروالوں سمیت آئی پی ایکسٹینشن میں رہتا تھا۔ پریوار نے 9جون کو آنندوہار تھانے میں اس کی گمشدگی کی رپورٹ درج کرائی تھی جس میں کہاگیا تھا کہ وہ اپنی دکان پر گیاتھا لیکن گھر نہیں لوٹا۔ قتل کی جانچ کے لئے اے سی پی ناگر نے آنندساگر کی نگرانی میں انسپکٹرہسرام مینا پر ٹیم بنائی جس نے خاندان کے لوگوں، دوستوں اور دکان کے ملازمین سے معلومات اکٹھی کی لیکن کوئی سراغ نہیں ملا۔ پھر اے ایس آئی امت راٹھی نے متوفی کے فیس بک، وہاٹس ایپ اور موبائل کی جانچ کی تو پہلے سورج پھرامت ، منوج اور آخر میں ایک لڑکے بالن کو پولیس نے دبوچ لیا۔ پوچھ تاچھ میں ملزمان نے بتایا کہ گوروو نے اپنے قتل کے لئے انہیں 90ہزار روپے دیئے تھے تاکہ مرنے کے بعد اس کے بیمے کی رقم گھروالوں کو مل سکے۔ اس قتل کی کڑیاں جوڑنے میں پولیس کو کافی مشقت کرنی پڑی لیکن جانچ میں سچ سامنے آگیا۔ گوروو ایک ماہ سے اپنے قتل کی سازش رچ رہا تھا۔ اسے فیس بک پر ممبئی کا ایک شخص ملا جس نے قتل کرانے کے لئے نابالغ لڑکے کا موبائل نمبر دیا پھر اس نے سپاری لے کر تین لڑکوں کو اپنے ساتھ شامل کرلیا اور 9جون کو گوروو خود ہی رنہولا پہنچا جہاں پلان کے مطابق ملزمان اس کے ہاتھ اور پیر باندھ کر اسے پیڑ سے لٹکادیا۔ ایسا اس لئے کیاگیا تاکہ یہ لگے قتل ہوا ہے۔ پولیس کو نابالغ اور گوروو بنسل کے بیچ وہ چیٹ بھی مل گیا اس کو دیکھاجارہا ہے۔ اس میں کئی باتیں سامنے آئی ہیں، جس نے اس واردات سے تعلق رکھنے والے کی تلاش شروع کردی۔ فی الحال پولیس بیمے کی رقم کی جانکاری نہیں مل پائی ہے۔ پولیس رشتے داروں سے پوچھ تاچھ میں تفصیلات لے رہی ہے۔ گوروو کے موبائل کی بھی جانچ ہورہی ہے۔ (انل نریندر)

چین کی دھوکے بازی ایک بار پھر اجاگر ہوئی

لائن آف ایکچول کنٹرول (ایل اے سی) کے قریب مشرقی لداخ کی گلوان وادی میں کرنل سمیت 20جوانوں کو چینی فوجیوں کے ساتھ جھڑپ میں شہید ہوجانے کا واقعہ نے چین کی دھوکہ بازی کو ایک بار پھر سے اجاگرکردیا ہے۔ 1975میں اروناچل پردیش کے تلنگلا علاقے چینی فوجیوں کے گھات لگاکر کچھ ہندوستانی فوجیوں کو نشانہ بنانے کے 45سال بعد دونوں ملکوں کے بیچ ایسی جھڑپ ہوئی جس میں فوجیوں کی موت ہوئی اور اس سے بھارت۔ چین کے درمیان کشیدگی انتہا پر پہنچ گئی ہے۔ جب دونوں دیش گلوان وادی میں پیچھے ہٹنے پر متفق تھے تب ایسا کیوں ہوا؟ اس کی ایمانداری سے فوج اور وزارت خارجہ کے حکام کو تجزیہ کرنا چاہئے۔ اعلیٰ سطح پر اگر پہلے پہل ہوتی تو ممکن ہے تنازعہ اس تاریخی ٹکراو¿ کے موڑ نہ پہنچتا۔ چین کی طرف سے پیر کی رات یہ بھڑکانے والے کارروائی اس وقت کی گئی جب دونوں ملکوں کے درمیان بنی اتفاق رائے کی بنیاد ایل اے سی کے پاس فوجیوں کی واپسی ہونی تھی۔ دونوں فریقین میں کرنل میجر لیفٹیننٹ جرنل سطح کی کئی دور کی بات چیت کے بعد فوجیوں کی واپسی پر اتفاق رائے ہوا تھا، لیکن اس تازہ کارروائی میں چین کے قول اور فعل کے فرق کو ایک بار پھر اجاگر کردیا۔ چین کے قول اور فعل میں فرق کی لمبی تاریخ رہی ہے، چاہے وہ سال 1962کی جنگ کا ہو یا پھر اس کے بعد چھ دہائی بعد کا لمبا یہ وقت اس دوران ایل اے سی کو لے کر چین ہمیشہ اپنا رول بدلتا رہا ہے۔ حالیہ ڈوکلام تنازعہ یاد ہوگا؟ چین نے ایک بار پھر جس ہماری پیٹھ پر خنجر گھونپنے کا کام کیا اس کے بعد اس نتیجہ پر پہنچنے کے علاوہ اور کوئی قدم نہیں کہ وہ ہمارا سب سے بڑا اور ساتھی شاطر دشمن کی شکل میں سمجھ میں آگیا ہے۔ یہ ایک جانے انجانے کی تصویر ہے کہ وہ ہندوستانی علاقے میں قبضہ بھی کرتا ہے اور پھر بھارت کو امن قائم رکھنے کی نصیحت بھی دیتا ہے اور پیچھے ہٹنے سے انکار کرتا ہے۔ گلوان وادی کا یہ واقعہ بتارہا ہے کہ پانی سرکے اوپرچڑھنے لگا ہے دوستی کی آڑ میں دشمنانہ رویے کا ثبوت دینا اور بھارت کو نیچا دکھانا چین کی عادت سی بن گئی ہے۔ حد تو یہ ہے کہ چینی محکمہ خارجہ نے ہندوستانی فوجیوں پر اس کی سرحد میں نام نہاد شکل میں گھسنے اور پہلے حملہ کرنے کا الزام لگاتے ہوئے خود کو متاثربتانے کی کوشش کی ہے جبکہ حقیقت یہ ہے کہ چینی فوجیوں نے پتھر بازی کر ہندوستانی جوانوں کو نشانہ بنایا۔ چین کو یہ پتاہونا چاہئے کہ وہ داداگیری کے بل پر بھارت سے اپنے رشتے قائم نہیں کرسکتا۔ 1962کو بھارت بھولا نہیں ہے، ہم اس کی اینٹ کا پتھر سے جواب دینے کے اہل ہیں۔ لیکن یہ صرف ضروری ہے کہ خود انحصار بھارت مہم کے تحت چینی مصنوعات درآمدات کو محدود کریں اور یہ بھی ہے کہ بھارت اپنی تبت، تائیوان اور ہانگ کانگ پالیسی پر نئے سرے سے نظرثانی کرے۔ اس واقعہ سے سرحد پر پچھلے 45برسوں سے چلی آرہی جوں کی توں حالت اب بدل چکی ہے ایسے میں دوررس ٹارگیٹ کو ایک طرف رکھنا ہماری مجبوری ہے۔ چین کو صاف اشارہ جلد بھارت کو دینا ہوگا اور چین کو سبق سکھانا ہی ہوگا۔ (انل نریندر)

سشانت کی پھانسی پر اٹھتے سوال

اگر آپ میری فلم دیکھنے نہیں آئیں گے تو یہ مجھے بالی ووڈ سے باہر نکال سکتے ہیں۔ میرا کوئی گاڈ فادر نہیں ہے.... میں نے آپ لوگوں کو ہی اپنا گاڈ فادر اور فادر مانا ہوا ہے۔ براہ کرم دیکھیں اگر آپ چاہتے ہیں کہ میں بالی ووڈ میں کام کرتارہوں ، یہ بات مرنے سے کچھ دن پہلے سشانت نے اپنے کسی فین سے مذاق میں کہی ہوگی۔ لیکن کہیں نہ کہیں اس پوسٹ سے سشانت سنگھ راجپوت کا درد چھلکتا ہے وہ اس چمک دمک بھری فلم انڈسٹری میں خود کو اکیلا محسوس کیا کرتے تھے۔ بالی ووڈ کے تمام فلمی ہستیاں سشانت کی اچانک موت پر اپنے اپنے انداز میں دکھ کا اظہار کررہے ہیں اور مینٹل ہیلتھ پر کھل کر سامنے آنے کی صلاح ومشورہ کررہے ہیں۔ حالانکہ فلمی ہستیوں کے ان پوسٹ پر کئی پرستاروں اور جدوجہد میں لگے اداکاروں نے اپنے اپنے روےے کے لئے سوال اٹھائے ہیں۔ دھرمیندر،گنگنارناوت، شیکھرکپور اور رنبیرشوری، سکما بھوانی، نکھل دویدی جیسی کئی نامی ہستیوں نے فلم انڈسٹری میں امتیاز برتے جانے پر سوال اٹھائے ہیں۔ سشانت کے اس دنیا سے چلے جانے کے بعد عام لوگوں سے لے کر جونیئرسلیبریٹیزنے تنقید کی ہے۔ فلم اڑان سے اپنے فلمی کیریئر کا آغاز کرنے والے رجت برمیا نے ایک پوسٹ میں انڈسٹری والوں کے مینٹل ہیلتھ کی بات کرنے کو فینسی ٹرینڈ بتایا ہے۔ ادھر ایکٹر وپروڈیوسر نکھل دویدی نے لکھا ہے کہ کوئی اعتراض نہیں ہے آپ صرف چڑھتے سورج کو سلام کریں شاید سبھی کرتے ہیں، اعتراض اس میں ہے کہ ڈھلتے وقت جس سورج سے آپ نے روشنی لی ہے آپ اسی سورج سے آنکھیں چراتے ہیں اور تو اور اس کی کھلی بھی اڑاتے ہیں۔ شروعات سشانت کی اچانک موت پر دکھ ظاہر کرتے ہوئے اداکارہ کنگنارناوت نے ایک ویڈیو پر بھید بھاو¿ کئے جانے کی بات کرتے ہوئے کہاکہ گلی بوائے جیسی واہیات جیسی فلم کو ایوارڈ ملے لیکن چھچھوڑے کو کیوں نہیں۔ سشانت کی موت نے ہم سب کو جھنجھوڑ کر رکھ دیا ہے۔ جن لوگوں کا دماغ کمزور ہوجاتا ہے وہ ڈپریشن میں آجاتے ہیں اور خودکشی کرتے ہیں۔ سشانت سنگھ راجپوت کے لئے آپ لکھتے ہیں کہ وہ سائکریٹک، نیوریٹک تھے، نشے کے عادی تھے بڑے اسٹار کی نشے کی عادت تو بہت کیوٹ لگتی ہے۔ تو یہ سوسائڈ نہیں یہ پلان مرڈر تھا۔ انہوں نے کہاکہ تم کسی کام کے نہیں ہو اور وہ مان گیا اور انہوں نے کہاکہ تمہارا کچھ نہیں ہوگا وہ یہ مان گیا۔ دراصل وہ یہی چاہتے ہیں کہ وہ تاریخ لکھیں کہ سشانت سنگھ راجپوت کمزور دماغ کا انسان تھا لیکن وہ یہ بتائیں گے کہ سچائی کیا ہے۔ ایسے رنبیر طنز کرتے ہوئے لکھتے ہیں کہ سشانت نے جوقدم اٹھایا وہ ان کا فیصلہ تھا اس کے لئے کسی کو ذمہ دار نہیں ٹھہرایاجاسکتا۔ لیکن اس بات میں ان لوگوں کو تو ضرورغور کرنا چاہئے جنہوں نے خود کو اپنے آپ کو موقع پرست بنالیا ہے۔ جو یہ کھیل کھیل رہے ہیں انہیں اپنے ڈبل اسٹنڈرڈ روےے کے بارے میں بھی بتانا چاہئے۔ (انل نریندر)

دوہزار سے زیادہ کورونایودھا انفیکشن کی زد میں!

دہلی میں کورونا سے لڑنے والے فرنٹ لائن واریئرس (یودھا) کوبہت بھاری قیمت چکانی پڑرہی ہے اور دہلی میں اب تک 2ہزار سے زیادہ کورونا یودھا انفیکشن کی زد میں آچکے ہیں۔ ان میں سے ایک ہزار سے زیادہ ہیلتھ ملازمین شامل ہیں۔ دہلی میں ابھی تک ایک ہزار سے زیادہ ہیلتھ ملازمین اس وائرس کی زد میں آچکے ہیں۔ ان میں ایمس کے سب سے زیادہ 624ملازم اور ان کے رشتے دار شامل ہیں۔ ایمس میں ابھی تک چھ سینئر پروفیسر اور 26ریزیڈنٹ ڈاکٹر کے علاوہ 105نرسنگ ملازمائیں اس انفیکشن کی زد میں آچکی ہیں۔ ایمس میں 126ملازمین اور ان کے رشتہ داروں کا علاج ابھی بھی ایمس کے دوسرے کمپلیکس میں چل رہا ہے۔ دہلی میں کورونا انفیکشن سے 6ہیلتھ ملازمین کی موت ہوئی ہے۔ ایسے ہی ایمس میں 3دیگر ملازمین جاں بحق ہوئے ہیں۔ اس کے علاوہ کالرا ہسپتال میں کام کرنے والی کیرل کی ایک نرس کی بھی صفدرجنگ میں علاج کے دوران موت ہوگئی۔ وہ کورونا متاثر تھیں ایک آیورویدک ہسپتال میں سیمپل لینے والے ملازم کی بھی انفیکشن سے بعد جان چلی گئی۔ ایسے ہی لوک نائک ہسپتال سے سوشرت کورونا سینٹر میں کام کرنے والے ایک ٹیکنشین کی بھی کورونا سے موت ہوچکی ہے۔ ایسے ہی ہیلتھ ملازمین کا علاج چل رہا ہے۔ دہلی میں ایمس کے علاوہ 33 دیگر ہسپتالوں میں 600سے زیادہ ہیلتھ ملازم کورونا سے متاثرہوچکے ہیں۔ ان میں سب سے زیادہ روہنی میںواقع امبیڈکر ہسپتال کے 114، بابوجگجیون رام ہسپتال کے 103 ہیلتھ ملازم بھی شامل ہیں۔ اس کے علاوہ صفدر جنگ کے 45، لوک نائک کے 96ہیلتھ ملازم ابھی تک کورونا کے زد میں ہیں۔ لوک نائک ہسپتال میں 31 ڈاکٹر انفیکشن سے متاثر ہیں۔ کورونا سے لڑنے کے لئے مریضوں کو ٹھیک کرنے کے لئے ڈاکٹروں نرسوں اور ہیلتھ ملازمین وپولیس ملازمین نے اپنی جان کی بازی لگارکھی ہے۔ انہیں ہمارا سلام۔ (انل نریندر)