چاول بابا پر36 ہزار کروڑ کے گھوٹالے کا الزام

آج کل الزامات کا دور جاری ہے اور نشانے پر ہیں بھاجپا حکمراں ،وزرائے اعلی۔ لیکن مدھیہ پردیش کے وزیر اعلی شیو راج سنگھ چوہان راجستھان کی وزیر اعلی وسندھرا راجے کے بعد اب کانگریس کے نشانے پر چاول بابا یعنی ڈاکٹر رمن سنگھ چھتیس گڑھ کے وزیر اعلی ہیں۔ چھتیس گڑھ کے وزیر اعلی رمن سنگھ بطور چاول بابا کے طور پر مشہور ہیں۔ ریاست میں اے پی ایل ، بی پی ایل کنبوں کو ایک روپے اور دو روپے فی کلو کی شرح سے ہر مہینے35 کلو چاول دیا جاتا ہے۔ اس لئے چاول آدی واسی لوگ وزیر اعلی کو چاول والا بابا بھی کہتے ہیں۔ رمن سنگھ کے دوبارہ ریاست میں برسر اقتدار آنے میں ان کے چاول بانٹنے کا اہم رول رہا ہے لیکن اب یہی چاول ان کے اوپر آنچ بن کر ابھرا ہے۔ اب کانگریس نیتا ان کو چاول چرانے والے بابا کہہ کر ان پر نکتہ چینی کررہے ہیں۔ وزیر اعلی رمن سنگھ پر کانگریس پارٹی نے 36 ہزار کروڑ روپے کے چاول گھوٹالے کا الزام لگایا ہے۔ کانگریس کا الزام کچھ اس طرح ہے: پی ڈی ایس اسکیم میں1 روپے فی کلو قیمت سے چاول فراہم کرانے کے بہانے رمن سنگھ نے چاول مل مالکوں کے ساتھ مل کر کرپشن کا ایک ایسی مکینزم تیارکی ہے جس سے پی ڈی ایس دکان مالکوں اور افسروں کو ہزاروں کروڑ روپے کا کمیشن مل رہا ہے۔ کانگریس نے کہا کہ فروری2015 میں اے سی بی نے 12 فروری 2015 کو اسٹیٹ سول سپلائز کارپوریشن کے 36 دفاتر پر چھاپہ مار کر سول سپلائی کارپوریشن کے دفتر سے 36463320 روپے اور کئی مشتبہ دستاویزات ضبط کئے۔ کانگریس نے وزیر اعلی رمن سنگھ سے سیدھے استعفے کا مطالبہ کرتے ہوئے ان کی بیوی اور سالی پر بھی پیسے لین دین کا الزام لگایا ہے۔ پارٹی کا کہنا ہے چھتیس گڑھ میں دیش کا سب سے بڑا گھوٹالہ سامنے آیا ہے۔ کا دعوی ہے کہ جانچ ایجنسی کو چھاپے کے دوران ایک ڈائری ملی ہے جس میں وزیر اعلی، ان کی بیوی، سالی سمیت کئی بڑے وزرا کے نام شامل ہیں۔ کانگریس کی چھتیس گڑھ یونٹ نے مارچ کے مہینے میں اس معاملے کو زور شور سے اٹھایا تھا۔ پردیش کانگریس کمیٹی کے صدر بھوپیش بھگیل نے الزام لگایا تھا کہ ریاست میں لاکھوں فرضی راشن کارڈ بنائے گئے ہیں جس کے سہارے ایک بڑے گھوٹالے کو انجام دیا گیا ہے۔ کانگریس کے ترجمان اجے ماکن نے کہا کہ وزیر اعلی رمن سنگھ کا خاندان اس گھورکھ دھندے میں سیدھے ملوث ہے اس لئے انہیں استعفیٰ دے دینا چاہئے اگر وہ نہیں ہٹتے تو مودی سرکار کو انہیں فوراً برخاست کرنا چاہئے۔ اے سی پی کے ذریعے ضبط کی گئی ڈائریاں اور دستاویز میں جنوری سے دسمبر2014 کے درمیان گھوٹالے سے کمائے گئے پیسوں کی تفصیلات درج ہیں۔ اس میں وزیر اعلی ڈاکٹر رمن سنگھ ان کی بیوی اور سالی رینو کا کے ساتھ کئی وزراکے نام ہیں، کانگریس نے کہا کہ گھوٹالے میں خود وزیر اعلی رمن سنگھ اور ان کے خاندان کے لوگ شامل ہیں، اس لئے اس معاملے کی جانچ سپریم کورٹ کی نگرانی میں اسپیشل جانچ ٹیم یعنی ایس آئی ٹی سے کرائی جانی چاہئے۔ کانگریس کے ترجمان نے کہا کہ گھوٹالے میں بیورو نے گذشتہ 6 جون کو چالان پیش کیا ہے۔ بنیادی ملزم سے بیورو نے 113 صفحات کا دستاویز حاصل کیا ہے لیکن ان میں سے صرف 6 صفحات کی چالان میں لگائے گئے ہیں۔ کانگریس کے ترجمان کا کہنا ہے گھوٹالے میں جو بھی ملزم ہے اس کے نام گواہ کی شکل میں دئے گئے ہیں اس لئے چالان میں کسی کا نام نہیں ہے۔ ایک دوسری ڈائری کے دستاویز کا ذکر کرتے ہوئے الزام لگایا ہے کہ رمن سنگھ 16-16 کروڑ روپے بھاجپا ہیڈ کوارٹر اور ناگپور میں آر ایس ایس دفتر کو دئے۔ ڈاکٹر رمن سنگھ کی ساکھ ایک ایماندار لیڈر کی ہے۔ الزامات کے اس دور میں ہر الزام کو تب تک صحیح نہیں مانا جاسکتا جب تک کوئی آزاد اور بھروسے مند جانچ نہیں ہوتی اور یہ ثابت نہیں ہوتا کہ چھتیس گڑھ میں اتنا بڑا گھوٹالہ ہوا ہے تب تک یہ محض الزام ہے۔ ڈاکٹر سنگھ کے خود کے لئے یہ ضروری ہے کہ وہ ایک آزادانہ اور غیر جانبدار طریقے پر بھروسے مند جانچ کراوئیں۔

(انل نریندر)

دنیا کے 100 کھلاڑیوں میں سب سے امیردھونی

دنیا کی مشہور میگزین ’فوربیس‘ نے حال میں سالانہ کمائی کے معاملے میں دنیا کے 100 سب سے امیر کھلاڑیوں کی جاری فہرست سے پتہ چلتا ہے کہ کھیلوں میں پیسہ کتنا بڑھ چکا ہے۔ اس فہرست میں جگہ بنانے والے ٹیم انڈیا کے ونڈے کپتان مہندر سنگھ دھونی واحد ایسے کھلاڑی ہیں ۔ دھونی 198 کروڑ روپے کی کمائی کے ساتھ 23 ویں مقام پر ہیں جبکہ امریکی مکے باز پلائیڈمویدر ریکارڈ1915 کروڑ روپے کے ساتھ سب سے اونچے مقام پر بنے ہوئے ہیں۔ اس کے علاوہ روجرفیڈر، ٹائیگروڈز ، کرشچنو رونالڈو بھی فہرست میں شامل ہیں۔ دھونی پچھلے سال اس فہرست میں 22 ویں مقام پر تھے۔ ونڈے کرکٹ ٹیم کے کپتان دھونی کو198 کروڑ روپے کی کمائی میں سے قریب173 کروڑ روپے اشتہارات سے ملے ہیں جبکہ25 کروڑ روپے انہیں تنخواہ یا جیت حاصل کرنے پر ملے ہیں۔اس فہرست میں کھلاڑیوں کی جون 2014 ء سے جون 2015ء کے درمیان تنخواہ ، ایوارڈ رقم ، بونس اور اسپانسروں، اشتہارات سے ہونے والی آمدنی کو شامل کیا گیا ہے۔ خواتین میں روسی ٹینس بیوٹی ماریا شراپووا 190 کروڑ روپے کی کمائی کے ساتھ 26 ویں مقام پر ہیں جبکہ امریکی ٹینس سینئر سیرینا ویلمس 47 ویں مقام پر153 کروڑ روپے کی کمائی کے ساتھ ہیں۔ کھیلوں میں اتنے پیسوں سے متاثر ہوکر ہندوستانی مکے باز اسٹار وجندر سنگھ نے بھی اب پروفیشنل بننے کا فیصلہ کیا ہے۔ مکے بازی تو ہوگی لیکن ساتھ ساتھ ہوگی کروڑوں ڈالر کی چمک دمک اور شہرت۔ اسی چمک دمک کے سبب باکسروجندر سنگھ نے امیچیور باکسنگ کو الوداع کہا۔ پروباکسنگ کا رخ کرلیا۔ یہ آسان نہیں ہوگا کیونکہ پروفیشنل باکسنگ میں باکسر کے پنچ ہی اس کی شہرت طے کرتے آئے ہیں۔ پیسوں کی بات کریں تو آئی او ایس اور ناہی کوئنس بیری نے ڈیل کی رقم کا خلاصہ کیا ہے۔ لیکن اطلاع کے مطابق وجندر اگر اچھا کھیلتے ہیں تو وہ ہر سال 4 سے6 کروڑ روپے کما لیں گے۔ وہ پرو باکسنگ کا اگر کوئی مقابلہ جیت جاتے ہیں تو رقم 20 سے25 کروڑ تک جا سکتی ہے۔ حالانکہ اس میں کوئنس بیری اور آئی او سی کا بھی حصہ ہوگا جو ونر کی پرموٹر کمپنیاں ہیں۔ اس دوسران ان کی ٹریننگ کا خرچہ ان کی پرموٹر کمپنیاں آئی او سی اٹھائے گی۔ ابھی وجندر کی سالانہ کمائی قریب20 سے40 لاکھ تک ہے۔ اس لحاظ سے یہ ایگریمنٹ وجندر کے لئے کافی فائدمند ثابت ہوسکتا ہے۔ اگر وہ ٹھیک سے کھیلتے ہیں۔ اس سے دوسرے باکسروں اور کھلاڑیوں کو بھی حوصلہ ملے گا۔ بھارت کے پہلے پروباکسر راجکمار سانگوان کہتے ہیں کہ اگر مکے باز میں دم خم ہے تو پیسوں کو برسنے سے کوئی روک نہیں سکتا۔

(انل نریندر)

بن بیاہی ماں کے حق میں تاریخی فیصلہ

ایک وقت اداکارہ نینا گپتا نے اپنی بیٹی مسابا کی بن بیاہی ماں بن کر شادی کے ضروری ہونے کے خلاف آواز اٹھائی تھی ۔ تب شاید ہی کسی نے سوچا ہوگا کہ ایک دن ایسا بھی آئے گا جب سپریم کورٹ ایسی سبھی ماؤں کو بچے کی کفالت کا قانونی حق دے دے گا۔ خاتون امپاور منٹ کے دور میں خواتین کے حق میں ایک سے بڑھ کر ایک فیصلہ بتاتے ہیں کہ مستقبل میں ان کی سماجی اصلیت اور ساکھ اور عزت میں دن بدن اضافہ ہوتا جارہا ہے۔ دیش کی سب سے بڑی عدالت سپریم کورٹ نے اپنے ایک تاریخی فیصلے میں کہا ہے کہ بن بیاہی ماں کو اپنے بچے کی گارجین شپ پانے کے لئے بچے کے والد کی رضامندی ضروری نہیں ہے۔ ساتھ ہی عدالت نے کہا کہ اکیلے سرپرست یا بن بیاہی ماں اگر بچے کے برتھ سرٹیفکیٹ کے لئے درخواست دیتی ہے تو متعلقہ اتھارٹی کو برتھ سرٹیفکیٹ دینا ضروری ہے۔ عدالت عظمیٰ کا فیصلہ عورت کی پرائیویسی کے احترام کے ساتھ ہی جنسی امتیازدور کرنے کی سمت میں واقعی میل کا پتھر ہے۔ایک غیر شادی شدہ ماں کے اپنے بچے کی سرپرستی کا حق حاصل کرنے سے متعلق معاملے میں دئے گئے اس فیصلے کا سب سے اہم پہلو یہ ہے کہ متعلقہ ماں بچے کو بچے کے والد کا نام عام کئے بنا ہی یہ حق حاصل کرسکتی ہے۔ اگر وہ حلف نامہ داخل کر تنہا سرپرستی لینے کی بات کہتی ہے تو برتھ سرٹیفکیٹ دینا ہوگا۔ موجودہ قانون کے مطابق گارجین اینڈ وارڈس ایکٹ اور ہندو ، مائینریٹری اینڈ گارجن شپ ایکٹ کے تحت والد سے رضامندی کے لئے اسے نوٹس بھیجنا ضروری ہوتا تھا۔ جسٹس وکرم جیت سین کی سربراہی والی بنچ نے اپنے فیصلے میں کہا کہ گارجین شپ سے وابستہ چنندہ عرضیوں میں ماں کیلئے بچے کے والد کی پہچان عام کرنے کی ضرورت نہیں ہے۔

عرضی میں والد کو پارٹی بنانے کی ضرورت نہیں ہے۔ عدالت عظمیٰ نے اپنے حکم میں کہا ہے کہ آج کا سماج بدل گیا ہے، ایسی خواتین کی تعداد بڑھ رہی ہے جو خود بچوں کی کفالت کرنا چاہتی ہیں۔ ایسے میں اس طرح کی شرط رکھنا کہ ماں کو گارجین شپ دینے کے لئے والد کی اجازت ضروری ہے ،وہ بھی جب والد نہ تو بچے کو اپنے پاس رکھنے کا خواہشمند ہے اور نہ ہی اسے بچے سے کوئی مطلب ہے۔ مناسب نہیں ہے۔ ڈویژن بنچ کا کہنا ہے کہ ایک غیر ذمہ دار والد کے حق سے کہیں زیادہ ضروری ہے کہ کسی معصوم بچے کی بہبودی جو اسے ماں کی آغوش اور سرپرستی میں ہی مل سکتی ہے۔ اس فیصلے کا سب سے غور طلب پہلو یہ ہے کہ اب سرکار کو یہ یقینی کرنا ہوگا کہ برتھ رجسٹریشن نہ ہونے کی کسی وجہ سے کسی شہری کو پریشان نہ ہونا پڑے۔ ماں کی ممتا کو اس فیصلے کے ذریعے ایک بڑا مطلب ملا ہے کیونکہ غیر ذمہ دار باپ کو عام طور سے نوٹیفائی کئے جانے کی ضرورت نے الگ کردیا ہے۔ بن بیاہی ماں کے حق میں آیا فیصلہ قانونی جیت کی نشاندہی کرتا ہے۔ ضرورت اس کے مطابق سماج کو بدلنے کی بھی ہے۔

(انل نریندر)

’اب تک83‘ دیانائک کی دلچسپ کہانی

کچھ برس پہلے بالی ووڈ کی ایک فلم ’ اب تک 56 ‘ آئی تھی۔ اس میں ہیرو کا رول نانا پاٹیکرنے نبھایا تھا۔ لوگوں کا کہنا تھا کہ یہ فلم ممبئی کے انکاؤنٹر اسپیشلسٹ دیانائک پر مبنی ہے۔ خبر آئی ہے کہ انکاؤنٹر اسپیشلسٹ دیانائک کو معطل کردیا گیا ہے۔ ناگپور میں تعیناتی کے بعد دیانائک نے خاندان کی حفاظت کا حوالہ دیتے ہوئے جوائن کرنے سے انکار کردیا تھا۔نائک کا کہنا ہے کہ ان کے خاندان سے پولیس سکیورٹی ہٹا لی گئی ہے ایسے میں وہ اپنے خاندان کو اکیلا نہیں چھوڑ کر جاسکتے۔ ممبئی انڈرورلڈ کے 80 سے زیادہ جرائم پیشہ کا انکاؤنٹر کرنے والے دیانائک پچھلے کچھ برسوں میں خاصے تنازعات میں گھرے رہے ہیں۔ اب اثاثے سے زیادہ املاک کو لیکر ان کے خلاف جانچ شروع کی گئی تھی۔ دیانائک کی سوانح حیات بھی کم دلچسپ نہیں ہے۔ کرناٹک کے ایک چھوٹے سے گاؤں سے ممبئی پولیس تک کی دیانائک کی زندگی بھی کم دلچسپ نہیں ہے۔ ساتویں کلاس کی پڑھائی ختم کرنے کے بعد بڈڈا اور رادھا نائک کا یہ سب سے چھوٹا بیٹا قریب تین دہائی میں ممبئی پولیس کا سب سے بڑا دبنگ اور مشہور و متنازعہ افسر بن گیا۔

دیانائک کا خاندان جب گاؤں چھوڑ کر ممبئی آیا تھا تب ان کا ٹھکانہ ایک ہوٹل پورٹیکو ہوا کرتا تھا، جہاں دیا کے پڑھنے کیلئے اسٹریٹ لائٹ کی بھرپور روشنی ہوا کرتی تھی۔ دیا نے گورے گاؤں سے 12 ویں کلاں اور اندھیری میں ایک کالج سے گریجویشن کی تعلیم حاصل کی۔پڑھائی ختم کرنے کے بعد دیا نے پلمبر اپرینٹکس کا کام کرنا شروع کردیا۔ بس یہی وہ موڑ تھا جہاں سے دیا نائک کی زندگی بدلنے والی تھی۔ پلمبرنگ کے کام کے دوران ہی دیا نائک کی ملاقات نارکوٹکس محکمے کے کچھ افسران سے ہوئی۔ بس اسی ملاقات نے دیا کو یونیفارم پہننے کا شوق پیدا ہوگیا اور آخر کار1995 میں دیا جوہو میں سب انسپکٹر کے طور پر مقرر ہوئے۔ یہ وہ دور تھا جب ممبئی میں انڈر ورلڈ سرگرم تھا اور سڑکوں پر گینگ وار عام بات ہوا کرتی تھی۔ بس اس کے بعد سے ہی نائک کی رفتار اتنی تیز ہوگئی کہ اس نے پھر پیچھے مڑ کر نہیں دیکھا۔1996 میں نائک نے پہلا انکاؤنٹر کیا تھا جو اب تک87 تک پہنچ چکا تھا۔ نائک کے رسوخ کا اندازہ اسی بات سے لگایا جاسکتا ہے کہ 2002 میں غلط طریقے سے پراپرٹی بنانے کے الزام لگنے کے دوران ہی نائک نے اپنے گاؤں میں اپنی ماں کے نام پر ایک اسکول کھولا تھا جس کے افتتاح پر کرناٹک کے وزیر تعلیم سمیت دیش کی کئی ہستیاں موجود تھیں۔ اس کے بعد سال2004 میں مکوکا کورٹ نے اینٹی کرپشن برانچ کو دیا نائک کی پراپرٹی کی جانچ کے احکامات دئے تھے۔

(انل نریندر)

للت مودی پر کستا قانونی شکنجہ

ٹوئٹ ماسٹرللت مودی پچھلے کچھ دنوں سے موضوع بحث سے غائب ہیں، وجہ ہے کہ دیش میں کئی دیگر اہم واقعات رونما ہوئے ہیں۔ پھر ہر روز ٹوئٹ کرکے نئے نئے نام لیکر للت مودی نے اپنی ساکھ کوگھٹا لیا ہے۔ اب ان کے الزامات کو زیادہ توجہ نہیں دی جارہی ہے۔ دوسری طرف حکومت نے بھی ان کے خلاف جوابی حملے کرنے شروع کردئے ہیں۔ للت مودی کے کچھ ٹوئٹ ان کے لئے مصیبت کا سبب بن سکتے ہیں کیونکہ ایسے ہی ایک ٹوئٹ کو لیکر اس بار ان کے خلاف سیدھے راشٹرپتی بھون نے دہلی پولیس میں شکایت درج کرائی ہے۔ راشٹر پتی بھون نے جو شکایت غیر رسمی طور پر درج کرائی ہے اس کے مطابق مودی کو 30 جون کے اس ٹوئٹ کی کاپی بھی نتھی کی ہے جس میں انہوں نے راشٹرپتی کی سکریٹری امیتا پال کے بارے میں اعتراض آمیز رائے زنی کی تھی۔ راشٹرپتی بھون نے اس مسئلے پر کوئی رائے زنی کرنے سے انکار کردیا ہے لیکن بتا دیں راشٹرپتی بھون نے اس معاملے میں پہلے ہی ایک بیان جاری کر للت مودی کے 30 جون کے ٹوئٹ کو بے بنیاد اور بدنیتی پر مبنی قراردیا تھا۔دہلی پولیس کے کمشنر بی ۔ایس۔ بسی نے راشٹرپتی بھون سے شکایت ملنے کی تصدیق کی ہے۔ دوسری طرف انفورسمنٹ ڈائریکٹوریٹ نے للت مودی کوپیسہ کی خوردبرد ازالہ ایکٹ (پی ایم ایل ایل) کے معاملے میں نوٹس جاری کیا ہے۔ اس محض ایک مجرمانہ معاملے میں جاری نوٹس میں تین ہفتے کے اندر پیش ہونے کو کہا ہے۔ پیش نہ ہونے پر ان کے خلاف غیر ضمانتی وارنٹ جاری کیا جاسکتا ہے۔ وزیر خارجہ سشما سوراج اور راجستھان کی وزیر اعلی وسندھرا راجے پر اٹھے سوال کے بعد انفورسٹمنٹ ڈائریکٹوریٹ نے آئی پی ایل ٹورنامنٹ میں مبینہ طور پر اقتصادی بے قاعدگیوں اور سابق کمشنر للت مودی کے خلاف جانچ کو آگے بڑھانے کیلئے سنگا پور اور مارشس سے قانونی مدد مانگی ہے۔ ساتھ ہی ایجنسی نے عدالت سے دو درخواستیں حاصل کرنے کے لئے قانونی کارروائی شروع کردی ہے۔ ممبئی زون آفس نے اپنی ایک پارٹی کو سنگا پور بھیجا ہے۔ انفورسمنٹ ڈائریکٹوریٹ کے ایک افسر کے مطابق ممبئی دفتر سے ہی مودی کو پیشی کا نوٹس بھیجا گیا ہے۔ للت مودی کے خلاف انفورسمنٹ ڈائریکٹوریٹ نے فیما کے تحت کئی معاملے یوپی اے سرکار میں درج کرائے تھے۔ یہ صرف مالی بے ضابطگیوں کے خلاف جرمانے وصولنے کی سہولیات تک محدود تھے۔ حالانکہ سال کے آغاز میں پی ایم ایل ایل کے تحت درج معاملے میں سخت سزا کی سہولت ہے۔ پی ایم ایل ایل میں قصوروار قرار ملزم کو قید مشقت 3 سے7 سال تک کی جیل کے ساتھ بھاری جرمانہ وصولے جانے کی بھی سہولت ہے۔ انفورسمنٹ ڈائریکٹوریٹ کے ذرائع کے مطابق للت مودی کو پچھلے ہفتے ہی سمن سونپا گیا ہے۔ مودی کا وکیل فیصلہ کن سماعت کے لئے ممبئی آیا تھا۔ مودی کو تین ہفتے میں پیش ہونے کیلئے کہا گیا ہے۔ دراصل 2008 میں آئی پی ایل کے ٹیلیویژن ٹیلی کاسٹ کے حقوق کے لئے 425 کروڑ روپے کے ٹھیکے دئے گئے تھے۔انفورسمنٹ ڈائریکٹوریٹ نے اس معاملے میں2009 میں فیما کے خلاف ورزی کی جانچ شروع کی۔ للت مودی پر سرکاری شکنجہ تیزی سے کس رہا ہے۔ ذرائع کے مطابق ان معاملوں کی جانچ میں تیزی لاکر انفورسمنٹ کے افسر مودی کے خلاف انٹر پول کا ریڈ کارنر نوٹس جاری کروانے کی سمت میں بڑھ رہا ہے۔

(انل نریندر)

ٹوٹا لیکن جھکا نہیں یونان، پیکیج مسترد

یونان یوروزون کا حصہ بنا رہے گا یا اس سے باہر نکلے گا اور اپنی روایتی کرنسی کی طرف لوٹ جائے گا۔ پچھلے دو برسوں سے جاری اس دلچسپ قیاس آرائی کا قصہ پچھلے ایتوار کو ختم ہوگیا۔ اقتصادی بحران سے لڑ رہے یونان میں ایتوار کو عوامی ریفرنڈم میں ووٹروں نے یوروپی فیڈریشن کے بیل آؤٹ پیکیج کے ریزولیوشن کو نامنظور کردیا۔ اب یونان کا یوروزون سے باہر نکل جانا تقریباً طے ہوگیا ہے۔ یوروپی یونین اور بین الاقوامی کرنسی فنڈ نے یونان سے قرض کے بدلے خرچوں میں کٹوتی کی سخت شرط رکھی تھی۔ اسے مانیں یا نہیں اسی پر ریفرنڈم کرایا گیا۔قرضے کے لئے سخت شرطوں کو مسترد کریونان کی عوام نے پی ایم سپرس پر بھروسہ جتایا ہے۔وزیر اعظم نے عوام سے No پر ووٹ ڈالنے کی اپیل کی تھی۔ یونان کو2018 تک 50 ارب یورو یعنی 5.5 ارب ڈالر کے نئے اقتصادی پیکیج کی ضرورت ہے۔ یوروپی یونین اور آئی ایم ایف نے اس کے لئے خرچوں میں کٹوتی کی سخت شرط رکھی تھی۔ اس سے پہلے بھی یونان کو2008 میں اور2010 میں بیل آؤٹ پیکیج دئے گئے تھے۔ 2010ء میں ای سی بی، آئی ایم ایف ، یوروپی یونین کمیشن نے قاہرہ کی مدد کے لئے اپنے خرچوں میں کٹوتی لانے کی شرط رکھی تھی۔معیشت کو خود کفیل بنانے کیلئے ٹیکس بڑھانے کی تجاویز رکھی گئی تھیں مگر یونان کے لوگوں کو یہ منظور نہیں تھا۔ اقتصادی بحران سے نکلنے کے لئے ملے بیل آؤٹ پیکیج کے باوجود یونان کی معیشت میں بہتری نہیں آئی۔ یونان کی بدحالی کے پیچھے اس کی تاریخ اور سیاست مانی جارہی ہے۔ دوسری جنگ عظیم کے بعد یہ دیش لیفٹ اور ساؤتھ لیفٹ لوگوں کے درمیان تقریباً 30 سال تک چلی لمبی خانہ جنگی میں پھنس گیا تھا جس کا اثر معیشت کے ساتھ ساتھ سیاست پر بھی پڑا۔حالات تب اور بگڑ گئے جب1949 میں دیش میں معیشت اور سیاسی طور پر دیش کو کمزور کردیا گیا۔ تازہ بیل آؤٹ پیکیج میں جو شرطیں رکھی گئی ہیں وہ یونان کیلئے جان لیوا ثابت ہورہی ہیں۔ جہاں50 فیصدی سے زیادہ لوگ بے روزگار ہوں ،جن کے پاس نوکری ہے انہیں بھی تنخواہ کٹ کر مل رہی ہو، بوڑھے لوگوں کی پنشن مسلسل گھٹ رہی ہے اور جو بھی ملے وہ خیرات کی طرح۔ اتنے مایوس کن ماحول میں کوئی سماج کب تک جی سکتا ہے؟ جرمنی اور فرانس جیسے یوروزون کی بڑی طاقتوں کا کہنا ہے کہ قرض لیکر ہضم کرجانا کوئی راستہ نہیں ہے لہٰذا یونان تو ٹیکسوں کی وصولی بڑھا کر اور اپنے سرکاری خرچوں میں کٹوتی کرکے انٹرنیشنل مانیٹری فنڈ اور یورو پی یونین کمرشل بینک سے لئے قرضوں کی ادائیگی کرے یا پھر خود کو دیوالیہ اعلان کرکے اپنے حال پر جینا سیکھے۔ اس دھمکی کو جھیلتے رہنا یونان کی جنتا کے لئے ایک میعاد کے بعد ناممکن ہوگیا۔ انہوں نے طے کیا کہ آگے جو بھی ہوگا سو ہوگا ابھی اقتصادی مشکلات کا سامنا کرتے ہوئے اگر انہوں نے اپنی خود اعتمادی کو بچا کر رکھا تو ان کے بچے امیروں میں سے نہ صحیح غریبوں میں سر اٹھا کر جی سکیں گے۔ دیش میں خدشات اور غیر یقینی ماحول ہے۔کھانے پینے کی چیزوں کی قلت بھی شروع ہوگئی ہے۔ سرکار کی طرف سے بینکوں کو بند کرنے کے اعلان کی وجہ سے دیش میں اے ٹی ایم پر لوگ قطاروں میں کھڑے دکھائی دے رہے ہیں۔ یہی نہیں لوگ یونان کے مستقبل کو لیکر اس قدر اندیشات کا شکار ہیں کہ وہ کھانے پینے کی چیزیں جم کر خریداری کر انہیں جمع کررہے ہیں۔ یونان کے اس واضح مینڈیڈ کے بعد ایک راستہ یونان کو چپ چاپ یورو زون سے باہر کردینے کا ہے۔ ایسا ہوا تو اس دیش کے زیادہ تر بینک بیٹھ جائیں گے اور یہاں کی معیشت اور بگڑے گی۔ یورو زون کو اس کا نقصان یہ ہوگا کہ اس کی ساکھ مزید خراب ہوجائے گی۔ اگلا نمبر کس کا ہو سکتا ہے؟ بلغاریہ، رومانیہ، مخدونیہ کا یا پھر اسپین، پرتگال، اٹلی کا؟ دوسرا راستہ یونان کے لوگوں کے دل کی بات سننے ، ان کی مشکلیں کم کرنے اور یونان کو یورو زون میں بنائے رکھنے کی شرطیں نرم بنانے کا ہے۔ امید کی جاتی ہے یوروزون کے مہارتھی اس دوسرے راستے پر بڑھیں گے تاکہ عالمی معیشت میں اندیشات کی موجودگی کا دور ختم ہو۔

(انل نریندر)

آخر سی بی آئی جانچ میں حرج ہی کیا ہے؟

مدھیہ پردیش کا ویاپم گھوٹالہ سنگین شکل اختیار کرتا جارہا ہے۔ ویاپم کے ذریعے سب انسپکٹر عہدے میں بھرتی ہوئی انامیکا خوشواہا نے خودکشی کرلی ہے۔ متوفی ساگر واقع جواہر لال نہرو پولیس ٹریننگ اکیڈمی میں ٹریننگ لے رہی تھیں۔ اس کی بھرتی فروری میں ہوئی تھی۔یہ ویاپم معاملے سے منسلک 46 میں موت ہے۔ سنیچر کو انڈیا ٹوڈے گروپ کے رپورٹر اکشے سنگھ کی مشتبہ حالت میں موت ہوگئی تھی ۔ اس کے بعد ایتوار کو دہلی کے ایک ہوٹل میں میڈیکل کالج کے ڈین کی لاش ملی جوویاپم گھوٹالے کی جانچ کررہے تھے۔ اترپردیش اور ہریانہ میں بھی ناجائز بھرتیوں کے معاملے ہوئے ہیں لیکن ایسی موتیں نہیں ہوئیں۔ اس لحاذ سے یہ اپنے آپ میں انتہائی سنگین گھوٹالہ ہے جس میں مسلسل اموات ہوتی جارہی ہیں۔ یہ موتیں کئی سنجیدہ سوال کھڑے کرتی ہیں۔ یہ سوال اس لئے اور بھی زیادہ سنجیدہ ہوجاتے ہیں کیونکہ اس گھوٹالے میں شامل یا ملزم اور گواہ رہے کئی لوگوں کی مشتبہ حالات میں موت ہوئی ہے۔ ایسے لوگوں کی تعداد 25 سے 46 تک بتائی جاتی ہے۔ مشکل یہ ہے کہ اس بارے میں کوئی ٹھیک ٹھاک معلومات دینے کو تیار نہیں ہے لیکن گھوٹالے سے کسی بھی طرح وابستہ رہے کتنے ہی لوگ حقیقت میں مشتبہ حالات میں مرے ہیں اور کتنی موتیں فطری نوعیت کی ہوئی ہیں؟ تکلیف دہ پہلو یہ بھی ہے کہ ابھی بھی اس گھوٹالے کی جانچ کررہی ایس ٹی ایف کے افسر کوئی تشفی بخش وضاحت دینے کی ضرورت نہیں سمجھ رہے ہیں۔ مدھیہ پردیش کے وزیر اعلی شیو راج سنگھ چوہان نے حالانکہ خود کو وہسل بلوور بتایا ہے اور سی بی آئی جانچ کرانے سے منع کردیا ہے۔ تازہ ترین اطلاع ہے کہ وزیر اعلی سی بی آئی جانچ کی سفارش کیلئے ہائیکورٹ سے اجازت لے سکتے ہیں۔کانگریس اور دیگر اپوزیشن پارٹیاں سپریم کورٹ کی نگرانی میں معاملے کی سی بی آئی جانچ کی مانگ کررہی ہیں۔ شیو راج چوہان کی مشکلیں بڑھتی دکھائی دے رہی ہیں۔ دہلی میں اعلی کمان کے کئی سرکردہ لیڈروں کو فون پر شیو راج کو صفائی دینی پڑ رہی ہے۔ وہیں دہلی اور مدھیہ پردیش دونوں جگہوں پر اپوزیشن پارٹیوں کے ذریعے مسلسل ان کے استعفے کی مانگ ہورہی ہے۔ دہلی میں عام آدمی پارٹی کے نیتا سنجے سنگھ نے ٹوئٹ کرکے شیو راج کو یمراج سے تشبیہ دے ڈالی۔ انہوں نے لکھا ہے شیوراج یا یمراج ویاپم گھوٹالے میں وزیر اعلی سے لیکر گورنر تک شبہ کی دائرے میں ہیں۔40 لوگ اپنی جانچ گنوا چکے ہیں یہ کیا ہورہا ہے؟ ویاپم گھوٹالے میں اب تک دو درجن سے زائد لوگوں کی پراسرار حالت میں موت ہوچکی ہے۔ وزیر اعلی نے سی بی آئی جانچ سے انکار کیا ہے۔ ان کا کہنا ہے یہ فیصلہ ہائی کورٹ کرے گی۔ کانگریس اور باقی پارٹیوں نے معاملے کی جانچ سی بی آئی سے کرانے کی جانچ کی ہے۔ اسمبلی میں اپوزیشن کے لیڈر ستیہ دیو کٹارا کا الزام ہے کہ ان سبھی لوگوں کو راستے سے ہٹایا جارہا ہے جن کے پاس اہم معلومات ہیں یا پھر وہ کئی چہرے بے نقاب کرسکتے ہیں۔ جانچ ایجنسی پر بھی سوال اٹھ رہے ہیں۔ پچھلے ہفتے اندور جیل میں بند ویٹنری ڈاکٹر نریندر سنگھ تومر کی اچانک موت سے یہ معاملہ اور گرماگایا ہے۔ جس دن نریندر سنگھ کی موت اندور میں ہوئی اسی دن ویاپم سے وابستہ ڈاکٹر راجندر شرما آریہ کی گوالیار میں موت ہوگئی۔ تب ریاستی حکومت نے یہ دعوی کیا تھا کہ اب تک ویاپم گھوٹالے سے وابستہ 25لوگوں کی موت ہوئی ہے۔ سرکار کے مطابق ان میں 11 لوگ مقدمہ درج ہونے سے پہلے ہی مر چکے تھے ۔ اب تک 6 سڑک حادثات میں تو 6 بیماری سے مر چکے ہیں جبکہ 2 نے خودکشی کی ہے۔ مرنے والوں کی جو فہرست میڈیا میں دکھائی جارہی ہے اس کے مطابق اب تک44 سے زائد لوگ اپنی جانچ گنوا چکے ہیں۔ سارا معاملہ کیا ہے؟ الزام ہے کمپیوٹر لسٹ میں گڑ بڑی کر کے سفارشی لوگوں کو بھرتی کرایا گیا۔ گھوٹالے میں اب تک 2000 لوگ گرفتار ہوچکے ہیں۔600 سے زیادہ کی تلاش جاری ہے۔ اس میں کئی لیڈر، افسر اور ان کے رشتے داروں کے نام ملزمان کی فہرست میں شامل ہیں۔ اچھی بات ہے کہ دیر سے ہی صحیح مرکزی سرکار نے اس معاملے کی سنجیدگی کو سمجھا اور مرکزی وزیر خزانہ کی طرف سے کہا گیا ہے کہ اس گھوٹالے سے وابستہ لوگوں کی مشتبہ حالت میں اموات کی غیر جانبدارانہ جانچ کرائیں گے۔ اچھا ہو کہ جلد ہی یہ بھی طے ہوجائے کہ یہ غیر جانبدارانہ جانچ کیسے ہوگی؟ یہ ممکن ہے کہ اس معاملے کی جانچ سی بی آئی کو سونپی جائے لیکن پھر سے یہ سوال اٹھے گا کیا وہ سپریم کورٹ کی نگرانی میں ہو؟ اس کو بھی نظرانداز نہیں کیا جاسکتا۔ موجودہ حالات میں ایس ٹی ایف کی طرف سے جو جانچ جاری ہے وہ وہاں کے ہائی کورٹ کی نگرانی میں ہورہی ہے۔ ضروری محض یہ نہیں کہ جانچ منصفانہ ہو بلکہ یہ بھی ہے کہ وہ منصفانہ دکھائی بھی دے۔ اس لئے جو بھی ضروری قدم اٹھانے ضروری ہیں ان میں دیر نہیں کی جانی چاہئے۔ وزیر اعلی شیو راج سنگھ چوہان کو معاملے کی سنجیدگی کو سمجھنا چاہئے اور اپنی خاطر اگر جانچ سی بی آئی کرے تو اس میں حرج ہی کیا ہے؟ بار بار انکار کرنے سے عوام میں غلط پیغام جا رہا ہے۔ وہ کہنے لگی ہے کہ پتہ نہیں کیوں وزیر اعلی سی بی آئی جانچ کے خلاف اڑے ہوئے ہیں۔ ضرور کچھ چھپانے اور دبانے کیلئے سی بی آئی جانچ کے لئے تیار نہیں ہو رہے ہیں۔ کچھ حد تک شیو راج سنگھ کا سیاسی مستقبل اسی معاملے پر ٹکا ہوا ہے۔جتنی دیر ہوگی اتنا ہی شبہ بڑھے گا اور عوام میں اس کا غلط پیغام جائے گا۔

(انل نریندر)