ملائم سنگھ کی تلخی، نشانے پر یوپی اے اور کانگریس

پچھلے کچھ دنوں سے سپا چیف ملائم سنگھ یادو اور کانگریس پارٹی میں تلخی بڑھ گئی ہے۔ یہ تکرار کہاں جاکر بند ہوگی کہا نہیں جاسکتا لیکن جس طرح سے دونوں فریق ایک دوسرے کو دھمکا رہے ہیں اس سے نہیں لگتا کہ ان کا ساتھ اب زیادہ دن چلنے والا ہے۔ ملائم سنگھ یادو نے کانگریس کو دھوکے باز اور چالاک لوگوں کی پارٹی قراردیا ہے۔ بدھوار کو سیفئی میں ملائم پورے جوش میں نظر آئے۔ انہوں نے کہا کہ جنتا مرکز کی یوپی اے سرکار کے کرپشن سے اب تنگ آچکی ہے۔ کانگریس سے لوگوں کی رقبت ختم ہوچکی ہے۔ لوگوں کے پاس اب تیسرا مورچہ ہی متبادل ہے۔ ادھر اعظم خاں نے بھی کانگریس پر حملہ کرتے ہوئے کہا کہ راہل اور پرینکا گاندھی سکے کے دو پہلوں ہیں۔ جس میں سے راہل کھوٹے سکے ہیں۔ یوپی اے سرکار کی سب سے بڑی ساتھی رہی ڈی ایم کے کے حمایت واپسی کے بعد ملائم سنگھ نے سیاسی داؤ پیچ تیز کردئے ہیں۔ حال ہی میں انہوں نے بھاجپا کے سینئر لیڈر ایل کے اڈوانی کی جم کر تعریف کردی۔ تنگ آکر ڈاکٹر منموہن سنگھ نے اس کو مسترد کرتے ہوئے ساؤتھ افریقہ سے لوٹتے ہوئے کہا کہ لوک سبھا چناؤ اپنے وقت پر2014 میں ہیں ہوں گے۔ وزیر اعظم نے یہ بھی کہا کہ سماجوادی پارٹی حمایت واپس لے سکتی ہے تو لے لے۔ لیکن ملائم نے کہا کہ یوپی اے سے حمایت واپسی کے بارے میں ا بھی کوئی ارادہ نہیں ہے۔ ملائم نے کہا کہ کانگریس اپنی سرکار سی بی آئی اور ا نکم ٹیکس محکمے کے ذریعے بچا رہی ہے۔ کانگریس ہمیشہ سے اپنی سرکار بچانے کے لئے دونوں محکموں کو ہتھیار بناتی ہے۔ کانگریس بھروسے مند پارٹی کبھی نہیں رہے۔ کانگریس کے پاس بہت سے پتتے ہیں۔ پتہ نہیں کہاں کہاں سے وہ لاتی ہے۔ میڈیا کی طاقت بھی کانگریس کے ساتھ ہے۔ دہلی میں روز آبروریزی ہوتی ہے لیکن میڈیا یوپی کے معاملے زیادہ اچھالتا ہے۔ ملائم سنگھ ایک نہیں درجن بار کہہ چکے ہیں یہ یوپی اے سرکار اپنی میعاد پوری نہیں کرسکے گی۔ اب انہوں نے کہا کہ نومبر میں عام چناؤ ہوسکتے ہیں۔ حالانکہ کانگریس نے2014ء کے لوک سبھا چناؤ کی تیاری نومبر 2012ء سے ہی شروع کردی ہے لیکن ڈی ایم کے کی حمایت واپسی کے بعد پارٹی اور سرکار میں بے چینی ضرور بڑھی ہے۔ کانگریس کے ذرائع کا کہنا ہے کہ پارٹی ملائم سنگھ پر جیسے ہی بجٹ ختم ہوتا ہے ہلہ بول دے گی۔ قانون و نظام کے ساتھ ساتھ بھاجپا کے تئیں ملائم کی نرمی سے درجن بھر اشوز پر سپا سرکار کو گھیرا جائے گا۔ اترپردیش چناؤ کے برعکس یہ تحریک ان سے نہ شروع ہوکر بلاک اور تحصیل و ضلع اور پردیش سطح پر چھیڑی جائے گی۔ کانگریس مان رہی ہے کہ لیفٹ پارٹیاں بسپا جیسی پارٹی ابھی چناؤ نہیں چاہتیں۔ لیفٹ مورچہ مغربی بنگال میں جہاں ممتا بنرجی سرکار کے خلاف لوگوں کا غصہ بڑھنے کا انتظار کررہا ہے وہیں مایاوتی بھی مان رہی ہیں کہ اترپردیش میں ہر دن سپا سرکار کے خلاف اقتدار مخالف لہر زور پکڑ رہی ہے۔ ادھر ڈی ایم کے بھی سرکار سے باہر جانے کے باوجود مرکز کے خلاف تلخ نہیں دکھائی پڑ رہی ہے۔ ان حالات میں ملائم کی حمایت واپس لینے سے بھی سرکار شاید ہی مشکل میں پڑے۔ ابھی فی الحال یوپی اے سرکار اور کانگریس کی ترجیح پارلیمنٹ سے بجٹ پاس کرانے کی ہے اس لئے کانگریس بجٹ اجلاس نمٹتے ہی ملائم اور اکھلیش سرکار کے خلاف اترپردیش میں زور دار مہم چھیڑے گی۔ پارلیمنٹ میں سپا کے ساتھ کی ضرورت ہونے کے ساتھ ساتھ ان دنوں کانگریس اترپردیش میں تنظیم کو مضبوط کرنے کی جدوجہد میں لگی ہوئی ہے۔ ملائم کا ہلہ بول کیا رنگ لاتا ہے اور کب لاتا ہے یہ کہنا مشکل ہے۔

(انل نریندر)

لیاقت کی گرفتاری : جموں و کشمیر و دہلی پولیس آمنے سامنے

دہشت پھیلانے کی سازش رچنے کے الزام میں گرفتار حزب المجاہدین کے دہشت گرد سید لیاقت علی شاہ کی گرفتاری تنازعات میں گھر گئی ہے اور گرفتاری کو لے کر ایک بار پھر دونوں ریاستوں کی پولیس کے درمیان ٹکراؤ سامنے آگیا ہے۔ اب مرکزی سرکار اس معاملے کی جانچ قومی سراغ رساں ایجنسی آئی این اے کو سونپ دینے کے اشو پر پس و پیش میں ہے۔ دہلی پولیس کا دعوی ہے کہ وہ نیپال سے گورکھپور کے راستے راجدھانی دہلی میں ہولی کے موقعے پر دہشت پھیلانے کے لئے آرہا تھا۔ اس کے پاس سے ایک اے کے۔56 رائفل، تین دستی بم اور دو میگزین،30 کارتوس برآمد کئے گئے۔ وہیں جموں و کشمیر پولیس کا کہنا ہے کہ وہ تو خود سپردگی کرنے کے لئے بھارت آرہا تھا جس سے ریاستی سرکار کی بازآبادکاری پالیسی کے فائدہ اٹھاسکے۔ ظاہر ہے جموں و کشمیر پولیس یا دہلی پولیس دونوں میں سے ایک تو سچ نہیں بول رہی ہے۔ دہشت گردی اس دیش کے لئے کتنا سنگین مسئلہ بن گیا ہے لیکن اس واقعہ سے صاف ہے کہ اس کے تئیں سرکار سنجیدہ دکھائی نہیں پڑتی۔ لیاقت بازآبادکاری کے لئے آرہا تھا یا تباہی مچانے اس کا خاندان اس کے ساتھ تھا یا نہیں اس کی صحیح جانکاری نہ ہو پانا سرکار کی نااہلیت نہیں ہے تو کیا ہے؟ آتنک واد پر ایسی غفلت دیش اورشہریوں کی سلامتی کے لئے کتنی خطرناک ہے شاید سرکار یہ سمجھنے کو تیار نہیں؟پہلے بھی بٹلہ ہاؤس مڈ بھیڑ جیسے واقعات کو لیکر پولیس کی کارروائی پر سوال کھڑے کئے جاتے رہے ہیں۔ ان تنازعوں میں دیش کی سلامتی سے زیادہ سیاست ہی سامنے آئی ہے۔اب جموں و کشمیر پولیس نے لیاقت کو ریاست کی بازآبادکار پالیسی کے تحت حوالگی کے لئے بھارت آرہے سابق دہشت گرد بتا کر دہلی پولیس کے دعوے پر سوال کھڑے کردئے ہیں جبکہ دہلی پولیس کے مطابق لیاقت علی دہشت گرد تنظیم حزب المجاہدین کا گرگا ہے اور اپنے پاکستانی آقاؤں کی ہدایت پر تباہی مچانے بھارت لوٹ رہا تھا۔ اس سچائی کو سامنے لانے کے ساتھ ساتھ اس بات کی بھی تصدیق ہونی چاہئے کہ کہیں جموں و کشمیر اسمبلی کے اس سال ہونے والے انتخابات کے پیش نظر اس گرفتاری کو لیکر سیاست تو نہیں ہورہی ہے، کیونکہ پچھلے 23 سال سے دہشت گردی کی تپش جھیل رہی ریاست میں دہشت گردی اور سیاست کے مبینہ میل جول پر پہلے بھی سوال اٹھتے رہے ہیں۔ چاہے وہ پی ڈی پی سرکار کی دہشت گردی کے تئیں نرم پالیسی رہی ہو یا موجودہ نیشنل کانفرس و کانگریس اتحاد کی سرکار کی بازآبادکاری پالیسی رہی ہو۔ مرکز ی حکومت نے اشارہ دیا ہے کہ وہ لیاقت کی گرفتاری سے جڑے سوالوں کے جواب کے لئے تفتیش این آئی اے کو سونپی ہے۔ سوال اٹھتا ہے کہ این آئی اے کن کن نکتوں کی جانچ کرے گی؟ لیکن یہ طے ہے کہ این آئی اے کو لیاقت علی کو حراست میں لیکر اس سے پوچھ تاچھ کرنی پڑے گی۔لیکن لیاقت کیا کہے گا وہ کیوں مانے گا دہلی میں فدائین حملے کے لئے آیاتھا؟ اس اشو پر دہلی پولیس بیک فٹ پر ہے۔ اسے اپنے ذرائع بتانے پڑیں گے۔ کچھ فون نمبروں پر بات چیت پکڑی ہے وہ بھی بتانی پڑے گی۔ اب سبھی پہلواین آئی اے کے افسروں کو بتانے پڑ سکتے ہیں۔ این آئی اے کو بھی یہ دیکھنا پڑے گا کہ جامع مسجد کے قریب گیسٹ ہاؤس سے ملے اتنے خطرناک ہتھیار کس کے ہیں۔ وہاں کیسے پہنچے۔ وہاں کہاں سے آئے دو شخص اصل میں کون تھے۔ہوٹل اسٹاف کا کیا کہنا ہے۔ادھر خبر آئی ہے کہ لیاقت کی گرفتاری سے حزب المجاہدین میں کھلبلی ہے۔ آپریشن کے فیل ہونے سے آتنکی سکتے میں ہیں۔ ایک بڑے دہلی پولیس افسر کی مانیں تو کچھ اسی سلسلے کی ایک کال خفیہ ایجنسیوں نے پکڑی ہے۔ جموں وکشمیر سے کچھ لوگوں نے پاکستان میں آقاؤں کو فون پر لیاقت کی گرفتاری کی خبردی تھی۔ جانچ سے پتہ چلا ہے کہ جو اے کے۔56 رائفل جامع مسجد علاقے سے برآمد ہوئی وہ چین میں بنی ہے۔ گیسٹ ہاؤس میں جس آتنکی نے کمرہ بک کرایاتھا اس نے اپنانام محمد اور پتہ بھوانی ہریانہ کا لکھوایا تھا جو فرضی پائے گئے۔ ادھر اسپیشل سیل کے حکام نے بتایا لیاقت کی گرفتاری میں مسلح فورس کی بھی مدد لی گئی تھی۔ لیاقت علی شاہ پاکستان کے مقبوضہ کشمیر کے مظفر آباد کا رہنے والا ہے۔ اس کے پاس سے ایک مہاجر کارڈ ملا ہے جس سے پتہ چلتا ہے کہ مہاجر بن کر وہ اپنی بیوی و بچے کے ساتھ رہتا تھا۔ بتادیں کے اس کارڈ کے ہولڈر کو وہاں کی سرکار کی طرف سے 15 ہزار روپے ماہانہ کی مدد ملتی تھی۔

(انل نریندر)

آتنک واد کو بڑھاوا دینے کا کام کررہے ہیں عمر عبداللہ

دہلی پولیس کے ذریعے گرفتار حزب المجاہدین کے جنگجو لیاقت شاہ معاملے میں ایک نیامتنازعہ موڑ اس وقت آیا جب جموں و کشمیر کے وزیر اعلی عمر عبداللہ نے لیاقت معاملے میں وزیر داخلہ سشیل کمار شندے سے بات چیت کی۔اس کے بعد وزیر داخلہ نے لیاقت کی گرفتاری معاملے کو دہلی سرکار سے این آئی اے کو منتقل کردیا۔ عمر عبداللہ نے سوال کیا کیا لیاقت سرنڈر ہونے کے لئے اپنے خاندان کے ساتھ آیا؟ سوال یہ اٹھتا ہے کہ عمر عبداللہ کس منہ سے یہ سوال جواب کرسکتے ہیں؟نیشنل پینتھرز پارٹی کے چیف پروفیسر بھیم سنگھ نے حکومت ہند کو خبردار کیا ہے کہ سرنڈر کردہ آتنکوادیوں کی باز آبادکاری کی پالیسی کے بہانے عمر سرکار آتنک واد کو بڑھاوا دے رہی ہے۔ جس سے جموں و کشمیر میں آئی ایس آئی کے ادھورے ایجنڈے کو پورا کیا جارہا ہے۔ ایک ایمرجنسی پریس کانفرنس میں پروفیسر بھیم سنگھ نے کئی سوال اٹھائے جنہیں مبینہ باز آبادکاری پالیسی کو سمجھنے کے لئے ان کے جواب دینے کی ضرورت ہے۔ پاکستانی پاسپورٹ کے ساتھ ایک پاکستانی شہری کو نیپال میں داخل ہونے کیسے دیا گیا؟ پھر یہ لوگ سرحد پار کر بھارت میں کیسے داخل ہوئے؟ کیا باز آبادکاری پالیسی پاکستان اور نیپال کے ساتھ کئے گئے بین الاقوامی معاہدے سے بھی اوپر ہے جو ان کے شہری بھارت میں داخل ہوسکیں؟ کیا نیپال سمجھوتے کے تحت غیر ملکیوں کو نیپال کے راستے بھارت میں بغیر شناختی کارڈ داخل ہونے کی اجازت ہے؟ باز آبادکاری پالیسی سیدھے سیدھے بھارت کے آئین میں مداخلت کرتی ہے۔ خاص کر شہری قانون کے تحت۔ایک پاکستانی شہری کو ہندوستان میں داخل ہونے کیسے دیا گیا اور پھر اسے جموں و کشمیر میں گھسنے میں ریاستی حکومت نے مدد دی۔ جس میں بھارت حکومت کا درپردہ تعاون رہا؟ جموں و کشمیر پولیس نے مرکزی وزیر داخلہ کو اپنی رپورٹ میں کہا ہے کہ آنے والے دنوں میں کچھ آتنکی بھارت میں خودسپردگی کرنے والے ہیں لیکن اس معاملے سے اس پر شش و پنج بنا ہوا ہے۔ جموں و کشمیر کے سینئر افسر کے مطابق بازآبادکاری عمل کے تحت آئندہ دنوں میں چار آتنکی بھارت میں داخل ہونے والے ہیں۔ ذرائع کی مانیں تو ان میں ایک آتنکی کشمیر کے ڈوڈہ علاقے کا کمانڈر رہ چکا ہے جبکہ دو آتنکی پلوامہ وادی سے تعلق رکھتے ہیں۔ حکومت ہند نے خود تسلیم کیا ہے کہ قریب250 ایسے لوگ اپنے آپ کو کشمیری بتاتے ہیں۔ دہلی کے راستے جموں و کشمیر میں داخل ہونے دیا گیا جن کے پاس جموں وکشمیر سرکارکے شناختی کارڈ تھے۔ یہ کارڈ ان لوگوں کو جاری کئے جاتے ہیں جن کے پاس پاکستانی پاسپورٹ ہیں اور جو نیپال میں داخل ہوتے ہیں۔ جموں وکشمیر کے وزیر اعلی اور آئی ایس آئی کے درمیان ایک یقینی معاہدے کے تحت جموں و کشمیر میں بسائے جاتے ہیں، یہ کہنا ہے پروفیسر بھیم سنگھ کا۔ اور یہ سراسر دھوکہ دھڑی ہے اور قومی سلامتی کے لئے خطرہ ہے۔ مرکزی سرکار بھی اس پر فکر مند ہے تبھی تو ان باز آبادکاری پالیسی کا جائزہ لینے کی بات کررہی ہے۔

(انل نریندر)

سہارا گروپ کو دوہرا جھٹکا

سہارا انڈیا گروپ کو منگلوار کو دوہرا جھٹکا لگا ہے۔ اسٹاک ریگولیٹری اتھارٹی سیبی نے جہاں سہارا گروپ کے چیف سبرت رائے اور تین بڑے عہدیداران کو سرمایہ کاروں کوتقریباً24 ہزار کروڑ روپے لوٹانے کے معاملے میں پراپرٹی کی فہرست کو قطعی شکل دینے کے لئے 10 اپریل کو طلب کیا ہے وہیں ہماچل پردیش ہائی کورٹ نے سہارا کی پانچ کمپنیوں کوعام سرمایہ کاروں سے پیسہ جمع کرنے سے روک دیا ہے۔ سیبی نے منگلوار کو اپنے حکم میں یہ بھی کہا کہ اگر سبرت رائے ، اشوک راج چودھری اور روی شنکر دوبے، وندنا بھارگو اس کے سامنے10 اپریل کو پیش نہیں ہوتے تو وہ بغیر سنے ہی ایک طرفہ فروخت کی کارروائی کی شرطیں مقرر کرے گی۔ اس درمیان ہماچل پردیش ہائی کورٹ نے لکھنؤ میں واقع سہارا گروپ اور ان کے یونٹوں کو اپنی اسکیموں کے ذریعے عام لوگوں سے پیسہ لینے پر روک لگا دی ہے۔ سہارا کی پانچ یونٹوں سہارا انڈیا پریوار، سبرت رائے سہارا، سہارا کے کریڈٹ کوآپریٹو سوسائٹی لمیٹڈ، سہارا کوالٹی شاپ یونک پروڈکٹ رینج لمیٹڈ اور سہارا کیو گولڈ آئی لمیٹڈ کے خلاف دائر عرضی پر سماعت کرتے ہوئے عدالت نے احکامات دئے۔ معاملے کی اگلی سماعت 22 اپریل مقرر کرتے ہوئے عدالت نے اپنے عارضی حکم میںیہ بھی کہا کہ معاملے کی آگے کی جانچ ریزرو بینک اور سیبی کرسکتا ہے۔ ساتھ ہی معاملے کو انفورسمنٹ ڈائریکٹوریٹ کو بھیجا گیا ہے۔ آئی اے جانتے ہیں کہ سہارا گروپ کے خلاف عدالتوں اور اتھارٹیوں کی یہ سختی کس لئے ہے؟ سہارا گروپ کی تمام فرمیں جنتا سے تمام طرح کی اسکیموں کے ذریعے پیسہ جمع کرتی ہیں۔ ان میں سے دو کمپنیوں سہارا انڈیا ریئل اسٹریٹ کارپوریش، سہارا ہاؤسنگ انویسٹمنٹ کارپوریشن لمیٹڈ نے 3 کروڑ سرمایہ کاروں سے 24 ہزار کروڑ روپے اکٹھے کئے تھے۔ یہ رقم متبادل او ایف سی ڈی جاری کرکے اکٹھی کی گئی تھی۔ 10 اپریل کو پیش ہوکر سبرت رائے کو بتانا ہوگا کہ ان کی کون کون سی پراپرٹیوں کو بیچ کر سرمایہ کاروں کو 24 ہزار کروڑ روپے لوٹائے جائیں۔ سپریم کورٹ کے حکم پر گروپ کو یہ رقم سرمایہ کاروں کو لوٹانی ہے۔ سیبی کے چیئرمین یو کے سنہا نے کولکاتہ میں سی آئی آئی کے ذریعے منعقدہ ایک پروگرام میں کہا غیر قانونی طور سے چٹ فنڈ کاروبار پھیل رہا ہے ۔ منگلوار کو اسی پروگرام میں مسٹر سنہا نے کہا سیبی اندراج شدہ کمپنیوں پر بھی کارروائی کرے گی جو مقررہ میعاد کے اندر 25 فیصد پبلک سانجھے داری کے قواعد کی تعمیل نہیں کریں گی۔

انہوں نے کہا کچھ چٹ فنڈ کمپنیاں تو اس طرح کے وعدے کررہی ہیں جن کے تحت کوئی بھی جائز طریقے سے کاروباری سرگرمیاں کرتے ہوئے وعدے کے مطابق رٹرن نہیں دے سکتی۔ ہم نے ان میں سے کچھ کمپنیوں کے خلاف کارروائی بھی کی ہے۔ جانچ جاری ہے کچھ معاملوں میں عارضی طور پر حکم بھی جاری کئے گئے ہیں۔ پھر یہ کمپنیاں کورٹ چلی جاتی ہیں۔ کئی لوگ ان چٹ فنڈ کمپنیوں کی اسکیموں میں پیسہ لگا رہے ہیں جو خطرے بھرا ہے۔ یہ کمپنیاں قانون میں خامیوں کا فائدہ اٹھاتی ہیں۔ انہوں نے کہا ہم نے سرکار سے اپیل کی ہے کہ اسے نئے قانون کے ساتھ آگے آنا چاہئے۔ جس میں ان کمپنیوں کیلئے ایک ریگولیٹری کا انتظام ہو۔ سنہا سے جب سہارا کے اشوز پر سوال کیا گیا تو انہوں نے کچھ کہنے سے صاف منع کردیا۔ کمپنیوں میں کم از کم 25 فیصد پبلک حصے داری کے قواعد کی تعمیل کئے جانے کے اشو پر سیبی کے چیئرمین نے کہا کہ تعمیل میں ناکام رہنے والی کمپنیوں کے خلاف سخت کارروائی کی جائے گی۔

(انل نریندر)

پرویز مشرف کی وطن واپسی

پاکستان کے سابق صدر جنرل پرویز مشرف جان لیوا حملے کی طالبانی دھمکی کے باوجود پاکستان بچانے کاعزم کرکے 8 سال بعد لوٹ آئے ہیں۔ ان کی ہمت اور جذبے کی داد دینی پڑے گی کہ وہ پاکستان میں پیدا ان کے تئیں شک و شبہات کو درکنار کرتے ہوئے پھر تاریخ کو اپنے ساتھ کھڑا کریں گے۔تاریخ دوہرانے کے محاورے کے باوجود واقف کار مانتے ہیں کہ جنرل مشرف کے لئے پاکستان میں اپنے آپ کو پہلے کی طرح کھڑا کرنا آسان نہیں ہوگا۔ اگر پوت کے پاؤں پالنے میں دیکھنا کسی کا ابتدائی عمل کا نتیجہ بنتا ہے تو مشرف کا بے جان خیر مقدم اور ان کا مستقبل کا عکس دکھائی پڑتا ہے۔ جوپاکستان میں11 مئی کو ہونے والے طالبانی چناؤ میں شرکت کرنے کے مقصد سے آئے ہیں۔حالانکہ یہ بھی کہا جاسکتا ہے کہ ان کی موجودگی سے چناوی جنگ کی شکل بدل سکتی ہے۔مشکل یہ ہے کہ ان کی پارٹی آل پاکستان مسلم لیگ کا کوئی مضبوط تنظیمی ڈھانچہ نہیں ہے۔ پارٹی میں تجربے کار سیاستدانوں کی کمی ہے۔ اپنے عہد میں مشرف نے جن سیاستدانوں کو تحفظ دیا تھا وہ آج دیگر پارٹیوں سے جڑ گئے ہیں۔ مشرف اپنے لئے کیڈر تک تیار نہیں کرسکے۔ ایک کمزور تنظیمی ڈھانچے کے سہارے مشرف کیا کچھ کرپائیں گے کہا نہیں جاسکتا۔ اب چناؤ میں قریب ڈیڑھ مہینہ باقی ہے۔ اتنے دن میں تنظیم کوکھڑا کرنا اور پورے دیش میں چناؤ لڑنا بہت مشکل کام ہے۔ ان کی واپسی پر ویسا ہی شاندار تماشہ دیکھا گیا جیسا بینظیر کی واپسی پر دیکھا گیا تھا۔ اور تو اور مشرف کی واپسی کے ایک دن پہلے ہی عمران خاں کی ریلی میں بھیڑ ایک لاکھ تھی۔ وہ ان کے یہاں نہیں نظر آئی۔ محض 10-15 ہزار لوگ اکٹھا کرنے سے کیا مقام حاصل کرسکتے ہیں۔ تعداد پر زور اس لئے کے پہلی جمہوری آصف زرداری سرکار کی میعاد پوری کر تاریخ بنانے والے پاکستان نے اکثریت پانے کی یہ ایک زبردست چنوتی ہے۔ پھر مشرف کے لئے کئی اور طرح کی مشکلیں بھی ہیں۔ تحریک طالبان پاکستان اور دوسری انتہا پسند تنظیمیں ان کی جان کے پیچھے پڑی ہوئی ہیں۔ پھر ان پر کئی مقدمے بھی چل رہے ہیں۔ بینظیر بھٹو اور اکبر بکتی کے قتل، لال مسجد میں فوجی کارروائی اور ججوں کی گرفتاری کے معاملے انہیں پریشان کرتے رہیں گے۔ ان کے جانے کے بعد حالات کافی بدل گئے ہیں۔ بین الاقوامی تنظیم ہیومن رائٹس واچ نے مطالبہ کیا ہے پاک حکومت کو مشرف کے دیش لوٹنے پر انسانی حقوق کی خلاف ورزی کے لئے انہیں جوابدہ ٹھہرایا جانا چاہئے۔ ان پر نومبر2011ء میں بلوچ لیڈر اکبر بکتی کے قتل میں شامل ہونے کا الزام ہے، جن کو سال2006ء میں مشتبہ حالات میں مرا ہوا پایا گیا تھا۔ فروری 2011ء میں راولپنڈی کی عدالت نے مشرف کے خلاف پاکستان کی فیڈرل جانچ ایجنسی کی طرف سے دائر عارضی چارج شیٹ میں تسلیم کیا ہے جس میں ان پر سابق وزیر اعظم بینظیر بھٹو کے قتل میں شامل ہونے کا الزام لگایا گیا ہے۔ اس کے بعد عدالت نے مشرف کو بھگوڑا قراردیا۔ تنظیم نے کہا کہ مشرف کے فوج کے سربراہ رہتے ہوئے پاک فوج اور دیش کی خفیہ ایجنسیوں نے انسانی حقوق کی خلاف ورزی کی۔ کئی سیاسی حریفوں کو جلا وطن یا جیل تک بھیجا گیا اور انہیں ٹارچر کیا گیا۔ بلوچ قوم پرستوں اور عمران خاں کی پارٹی تحریک انصاف اپنی طریقے سے چیلنج پیش کئے ہیں۔پاکستانی میڈیا میں میں یہ بھی کہا جارہا ہے کہ مشرف کی واپسی کے لئے انہیں نواز شریف سے سودے بازی کرنی پڑی ہے اور یہ سودے بازی سعودی عرب کے شاہی خاندان نے کروائی ہے۔ پاکستان کے بڑے اخبار ’دی ٹریبیون ایکسپریس‘ کے مطابق پاکستان کی بڑی اپوزیشن پارٹی پاکستان مسلم لیگ نواز کو اس بات کے لئے تیار کیا گیا ہے کہ یہ مشرف کی واپسی پر روڑے نہ اٹکائے۔ مشرف کی سلامتی کو لیکر جنرل کیانی سے یقین دہانی لی گئی ہے۔ مشرف کے ایک قریبی کے مطابق نواز شریف اور جنرل اشفاق کیانی نے حال ہی میں سودی عرب کا دورہ کیا تھا ۔ بیشک زرداری حکومت کے خلاف آج پاکستان میں ناراضگی ہے لیکن پھر بھی مشرف مشکل سے ہی پاکستانی عوام کو قابل قبول ہوں، اس لئے کے سرکار کے عہد کے بارے میں ان کا نظریہ جمہوریت پر کم فوج پر زیادہ بھروسہ کرتا ہے۔ وہ فوج کی کمان میں ہی جمہوری حکومت چلانا چاہتے ہیں۔ مشرف کی نظر میں جمہوری سرکاریں کرپٹ و تمام برائیوں سے بھری پڑی ہیں۔ اس سے آج کا پاکستان کا نوجوان طبقہ اور خوشحال طبقہ شاید ہی متفق ہو۔ دیکھنا یہ بھی ہوگا کہ اب مشرف کیا حکمت عملی اپناتے ہیں۔ اب تک ڈیموکریٹک سیکولر ایجنڈے پر چلتے ہیں یا اقتدار کا فائدہ لینے کے لئے سیدھے سیدھے یا بیک ڈور سے پاکستانی فوج یا کٹر پنتھیوں سے ہاتھ ملاتے ہیں؟

(انل نریندر)

پونٹی چڈھا کی طرز پر دیپک بھاردواج کا قتل

ریئل اسٹریٹ اور شراب کے بڑے تاجر پونٹی چڈھا قتل کی طرح ہی منگلوار کی صبح ساؤتھ دہلی کے رجوکڑی علاقے کے ارب پتی بلڈر و کاروباری دیپک بھاردواج کو ان کے فارم ہاؤس میں گولی مار کر ہلاک کردیا گیا۔ قومی شاہراہ نمبر8 پر واقع نتیش کنج ہوٹل کے احاطے میں ایک اسکویڈا کار میں آئے تین بدمعاش بھاردواج کو گولی مارکر ہریانہ کی طرف فرار ہوگئے۔ بدمعاشوں نے کار پر ماروتی وین کی فرضی نمبر پلیٹ لگا رکھی تھی۔ دیپک بھاردواج نے 2009ء میں مغربی دہلی سے لوک سبھا کا چناؤ بسپا کے ٹکٹ پر لڑا تھا۔تب ان کی منقولہ و غیر منقولہ جائیداد کے سبب لوک سبھا کے مقبول امیدواروں میں تھے۔حالانکہ وہ کانگریس کے مہاول مشرا سے چناؤ ہار گئے تھے۔ پولیس کمشنر نیرج کمار نے بتایا کہ صبح8:55 منٹ پر سلور کلر کی اسکویڈا کار میں سوار تین لڑکے رجوکڑی علاقے میں نتیش کنج نامی فارم ہاؤس میں داخل ہوئے۔ وہ شادی کے لئے بکنگ کرانے کے بہانے آئے تھے۔ گیٹ پر انہوں نے گیٹ پرانہوں نے سمت نام سے انٹری بھی کی تھی۔ اس کے بعد کار میں سوار ہوکر اندر چلے گئے۔ صبح تقریباً9:10 منٹ پر گولی چلنے کی آواز آئی۔ اندر کام کرنے والی ایک خاتون جس کا نام آرتی بتایا جاتا ہے، نے آواز لگائی کے اس کے مالک کو گولی مار دی گئی ہے۔ فارم ہاؤس میں تعینات گارڈوں نے بدمعاشوں کو روکنے کی کوشش کی لیکن بدمعاش پستول دکھا کر کار سے فرار ہوگئے ۔ ابھی تک ان کے قتل کی وجہ واضح نہیں ہو پائی۔ پولیس کو شبہ ہے کہ آپسی رنجش یا پراپرٹی کا جھگڑا واردات کا سبب ہوسکتا ہے۔ دہلی پولیس کے اسپیشل کمشنر لا اینڈ آرڈر دیپک مشرا نے بتایا سی سی ٹی وی فٹیج سے حملہ آوروں کی پہچان کی جاچکی ہے۔ جانچ میں ابھی تک یہ لگ رہا ہے کہ ملزم گوڑگاؤں کی طرف فرار ہوئے ہیں۔تازہ اطلاع یہ ہے کہ پولیس نے ہریانہ میں دبش دے کر تین ملزموں کو گرفتار کیا ہے جن کو وہ دہلی لے آئی ہے۔ دیپک بھاردواج سیلف میڈ انسان تھے۔ انہوں نے 30 سال پہلے ایک اسٹینوگرافر کی شکل میں اپنی نوکری کا آغاز کیا تھا بعد میں وہ دہلی ایئر پورٹ کے آس پاس گاؤں میں پراپرٹی کے کام سے جڑ گئے۔ ان کا کاروبار فارم ہاؤس ، ہاؤسنگ، اسکول وغیرہ سیکٹرمیں پھیلا ہوا تھا۔ دیپک بھاردواج نے 2009ء کے چناؤ میں اپنے حلف نامے میں بتایا تھا کہ وہ603 کروڑ روپے کی پراپرٹی کے مالک ہیں اور 368 کروڑ روپے کی ان کے پاس کھیتی کی زمین ہے۔29 کروڑ کی عمارتیں ہیں۔ دیپک بھاردواج کے دو بیٹے ہیں۔ بڑا بیٹا ہتیش عرف سونو،وسنت وہار میں پریوار کے ساتھ رہتا ہے۔ ان سے دیپک کا تناؤ چل رہاتھا۔ بات چیت بھی بند تھی۔ ہتیش کی پہلی شادی شاہدرہ میں ہوئی تھی لیکن بیوی سے ان کا طلاق ہوگیا۔ دوسرا بیٹا نتیش ماں اور بیوی بچوں کے ساتھ دواکا سیکٹر 22 میں نو سنسد اپارٹمنٹ میں رہتا ہے۔ نتیش کنج کمپلیکس میں بھاردواج اکیلے ہی رہتے تھے۔گھر والوں کے مطابق نتیش کی شادی فلم اداکار شاہ رخ خان کی بیوی گوری خان کی موسیری بہن پرینکا تیواری سے ہوئی ہے۔ پولیس جانچ میں سامنے آیا ہے کہ دیپک بھاردواج کا اپنے رشتے داروں سے بھی پراپرٹی کو لیکر جھگڑا چل رہا تھا۔ زمین قبضانے کے الزام میں ان کے خلاف 2012ء میں مقامی ایس ڈی ایم کی عدالت میں مقدمہ دائر کیا گیا تھا۔ اس کے علاوہ سیاست میں آنے کے سبب ان کے کئی مخالف بھی بن گئے تھے۔ دیپک ہری دوار میں مال و ٹاؤن شپ بسا رہے تھے۔ ان کے کئی بزنس پارٹنر ہیں۔ پولیس کے مطابق ان کے خلاف ساؤتھ ویسٹ ڈسٹرکٹ کے ڈپٹی کمشنر نے 15 سال پہلے پانچ ایکڑ زمین پر قبضے کولیکر مقدمہ درج کرایا تھا۔ ان کا کینیڈا او دوبئی میں بھی کاروبار ہے۔ پولیس معاملے کی چھان بین کررہی ہے امید ہے جلد ہی قتل کی گتھی سلجھ جائے گی۔

(انل نریندر)

ہولی منائیں احتیاط بھی برتیں! ہولی مبارک

خوشی اور مسرت کا تہوار ہولی آج ہے۔ دانشور وں کے مطابق یہ تہوار ہر برس پھاگن شوکل کی پورنیما کو منایا جاتا ہے۔ اس میں چندرکال ممنوع ہے۔ دھرم شاستروں کے مطابق پرتیپدا ، چترودرشی آدھی رات کے بعد ہولی کا دہن کی بات کہی گئی ہے۔ ہولی کا دہن کرنا قوم و سماج کے لئے فلاحی رہی گا۔ بڑھتی مہنگائی کا اثر ہولی پر بھی دکھائی پڑ رہا ہے۔ بازاروں میں پچکاری اور گلال خریدنا لوگوں کو کافی مہنگا پڑ رہا ہے۔ تاجروں کا کہنا ہے اس سال گلال کی مانگ میں 40 فیصدی کمی آئی ہے اور اس کی قیمت 15 سے30 فیصدی بڑھی ہے جبکہ پچکاریوں کے لئے بھی لوگوں کو پچھلے سال کے مقابلے میں 20 سے25فیصدی زیادہ دام دینے پڑ رہے ہیں۔ صدربازار کے ایک تاجر کا کہنا ہے پچکاریوں کے کاروبار میں اس سال بھی چینی پچکاریوں کی مانگ زیادہ ہے ۔ دراصل دہلی میں پچکاریوں کا کاروبار 250 سے300 کروڑ روپے کا ہے۔ جو پچکاریاں دہلی میں بنائی جاتی ہیں ان کی مانگ دہلی کے آس پاس کی ریاستوں میں زیادہ ہے۔ ان دنوں دوکانوں میں فلم’ دبنگ ۔2‘ ، ’جب تک ہے جاں‘ ’کھلاڑی نمبر786‘ اور بالی ووڈ اسٹار سلمان خان، سوناکشی کے پوسٹر اسٹیکر تھیم والی چھوٹی بڑی پچکاریاں خریداروں کو خوب لبھا رہی ہیں۔ چینی پچکاریوں پر بھی بالی ووڈ کا تڑکا دیکھنے کومل رہا ہے۔اس سال کی ہولی میں ایک نئی چیز یہ آرہی ہے بے رنگ زندگی جی رہی ورندا ون کی ودھواؤں کی زندگی ایتوار کو رنگ سے بھر گئی۔ سبھی پرو خاص کر رنگوں سے پہلے الگ تھلگ رہنے والی ودھواؤں نے ایتوار کو رنگ سے ہولی کھیلی۔ دراصل کرشن کی سرزمین ورنداون کی عورتوں نے ایتوار سے ہولی کھیلنی شروع کردی ہے۔ یہ ہولی کا تہوار چار دنوں تک چلتا ہے۔ان چار دنوں میں قریب پانچ آشرم کی 800 عورتیں ہولی منائیں گی۔ ابھی تک یہ عورتیں صرف اپنے ٹھاکرجی(شری کرشن ) کے ساتھ ہولی کھیلتی تھیں۔ یہ سہولیات این جی او سلبھ انٹرنیشنل کے ذریعے مہیا کروائی گئی ہے۔ ہولی کا تہوار محبت اور مسرت کی علامت ہے اس کو سماج و دل میں پھیلی برائیوں کو دور کرنے کے طور پر جانا جانا چاہئے۔ رنگوں کا رتہوار ہولی بسنت کی آمد کی خوشی کا بھی پیغام دیتا ہے۔ ہولی میں استعمال کئے جانے والے مختلف رنگوں کو بھی بسنت کی علامت مانا جاتا ہے لیکن آج کل ہولی میں ایسے رنگوں ، کیمیکل کا استعمال ہونے لگا ہے جس سے جسم کو نقصان ہوتا ہے۔ پہلے میری روز، چائنا روز،کیش و پریزاد وغیرہ پھولوں سے رنگ بنائے جاتے تھے۔ یہ رنگ کھال کے لئے نقصاندہ نہیں ہوتے تھے۔ ان میں خوشبو بھی ہوتی تھی لیکن مسلسل کٹ رہے پیڑوں اور پھولوں کی کمی کے سب ان کی جگہ اب کیمیکل والے رنگوں نے لے لی ہے۔رنگوں میں مختلف طرح کے کیمیکل جیسے کرومیم سے دمہ کی بیماری جسم میں جلن وغیرہ جیسی بیماریاں ہڈیوں میں بخار ہوسکتا ہے۔ وہیں مٹی و پانی کے ساتھ مل کر یہ کیمیکل رنگ زیادہ زہریلی بن جاتے ہیں۔ رنگ چھٹانے کے لئے ٹھونس صابن کا استعمال نہ کرے۔ صابن میں الکلائن ہوتا ہے جس سے خوشکی اور بڑھتی ہے۔ پہلے کلینزنگ کریم اور لوشن سے کال کی مالش کریں ،پھر روئی سے صاف کریں۔ لیمو کا استعمال بھی کیا جاسکتا ہے اس سے داغ ہلکے ہوجائیں گے۔ ایک ڈاکٹر کے مطابق رنگ میں سنتھیٹک ہوتا ہے۔ ہرے رنگ میں کوپر سلفر ہوتا ہے جس سے آنکھوں میں الرجی اور چندھیایا پن اور دوسری بیماری ہوسکتی ہے۔ عورتیں ان باتوں کا خاص خیال رکھیں۔ اکیلے ہولی کھیلنے کے لئے نہ نکلیں۔ صرف واقف کاروں ، رشتہ داروں کے ساتھ ہولی کھیلیں۔ بھانگ نہ پئیں، انجان سے کوئی کھانے پینے کی چیز نہ لیں۔ بھیڑ میں شامل آوارہ گرد لوگوں کا سامنا ہو نے پر فوراً پولیس ہیلتھ لائن کی مدد لیں اور مہنگے زیورات نہ پہنیں۔ اپنے بچوں کے لئے بڑی بالٹی میں پانی بھر کر رکھیں ۔ سبھی قارئین کو روزنامہ ویر ارجن، پرتاپ اور ساندھیہ ویر ارجن کے تمام ساتھیوں کی جانب سے ہولی کی مبارکباد اور یہ ہولی آپ سب کے لئے خوش آئین ، منگل مے اور سکھی ہو۔

(انل نریندر)