امریکی کانگریس (پارلیمنٹ) میں ایران جنگ کے دوران امریکی فوج و دیش کو ہوئے بھاری نقصان پر ایک مفصل رپورٹ جاری کی ہے ۔جس میں کہا گیا ہے لڑائی کے دوران 42 امریکی جہاز تباہ ہوئے یا ضائع ہوئے ۔ایسی خبریں پہلے بھی میڈیا میں آئی تھیں لیکن ٹرمپ انتظامیہ نے کبھی اس کی تصدیق نہیں کی تھی یہ رپورٹ امریکی کانگریس کی کانگریشنل ریسرچ سروس ( سی آر ایس) نے مرتب کی ہے اور یہ امریکی کانگریس کی ویب سائٹ پر دستیاب ہے ۔سی آر ایس کسی بھی سیاسی پارٹی سے تعلق کی پرواہ کئے بنا امریکی کانگریس کے دونوں ایوان کو پالیسی ساز اشوز پر تجزیہ مہیا کراتا ہے ۔رپورٹ میں امریکی ڈیفنس محکمہ پنٹاگون سنٹرل کمان ( سیٹکام ) اور سماچار آرٹیکلس کا حوالہ دیا گیا ہے جن کے مطابق تباہ یا ضائع ہوئے جہازوں میں غیر انسانی ہوائی گاڑی یا جنگی جیٹ اور ڈرون شامل تھے ۔ایران سے جنگ امریکہ کے لئے کافی بھاری پڑرہی ہے تجزیہ نگاروں کا دعویٰ ہے کہ اس جنگ میں امریکہ ایک لاکھ کروڑ (ایک ٹریلین ڈٓالر ) کے قریب پھونک چکا ہے حالانکہ سرکار نے اسے کافی کم کرکے دکھایا ہے ۔پنٹاگون کے ایک سینئر بجٹ آفیسر نے پارلیمنٹ کو بتایا کہ اس جنگ میں امریکہ کو اب تک 29 ارب ڈالر کا نقصان ہوا ہے جبکہ بجٹ 25 ارب ڈالر کا تھا ۔ ایران جنگ کے سبب بھاری خرچ اور ہتھیاروں کے ذخیرے میں آئی کمی کے مسئلے پر ٹرمپ کو اپوزیشن کے ساتھ ساتھ اپنی ہی پارٹی کے ممبران پارلیمنٹ کی بھی بھاری مخالفت کا سامنا کرنا پڑرہا ہے۔ دوسری جانب ، ایران نے ابھی تک جنگ میں ہوئے نقصان کی تفصیل نہیں بتائی ہے اور اب بھی دعویٰ کرتا ہے کہ وہ امریکہ کے خلاف جنگ جاری رکھنے میں اہل ہے ۔صدر ٹرمپ اب ایران جنگ کو لے کر گھر کے اندرہی بری طرح گھرتے جارہے ہیں ۔ جہاں ایک طرف امریکی عوام سڑکوں پر اتر آئی ہے وہیں امریکی فوج اور ایم پیز سبھی جگہ ٹرمپ کو اپنے ہی گھیر رہے ہیں۔
(انل نریندر)
کوئی تبصرے نہیں:
ایک تبصرہ شائع کریں