ESSAR نے کئی نیتاؤں اخبار نویسوں کو فائدہ پہنچایا

کچھ لوگ ہمیشہ تنازعات میں گھیرے رہتے ہیں ان میں سے ایک ہیں مرکزی وزیر ٹرانسپورٹ نتن گڈکری۔ ایسار گروپ کے مبینہ اندرونی ای میل لیک ہونے سے پتہ چلا ہے کہ دیش کے کئی بڑے لیڈر ، افسران اور اخبار نویسوں کو کمپنی نے کئی طرح سے فائدے پہنچائے ہیں۔ لسٹ میں سب سے زیادہ تنازعہ مرکزی وزیر ٹرانسپورٹ نتن گڈکری کا نام سامنے آنے سے ہوا ہے۔الزام ہے کہ انہوں نے جولائی 2013 ء میں فرنچ ریویرا میں ایسار کمپنی کی ایک جدید ترین کشتی پر دو راتوں کیلئے (7 جولائی سے9 جولائی) پورے خاندان کے ساتھ چھٹیاں منائی تھیں۔سپریم کورٹ میں شکروار کو دائرایک مفاد عامہ کی عرضی میں مرکزی وزیر پر کمپنی سے فائدہ لینے کا الزام لگایا گیا ہے۔ایسے ہی تنازعے میں ایک بار بھاجپا صدر کا عہدہ چھوڑ چکے گڈکری نے فرانس میں کشتی میں سفر کی بات قبول کرتے ہوئے کہا کہ وہ اس وقت وزیر، ممبر پارلیمنٹ یا ممبر اسمبلی کچھ بھی نہیں تھے۔
انہوں نے اس کا خرچ خود اپنے گھریلو کھاتے سے برداشت کیا تھا۔ بہرحال مفاد عامہ کی اپیل میں کمپنی کے جن خط و کتابت کا معاملہ ہے اس میں بتایا گیا ہے کہ کس طرح نتن گڈکری ، ان کی پتنی، دو لڑکوں، بیٹی نے ایسار کی شاہی کشتی میں دو راتیں بتائیں۔ یہ معاملہ 7 اور9 جولائی 2013ء کا ہے۔ یہ لوگ ایئر پورٹ سے ہیلی کاپٹر کے ذریعے فرنچ ریویرا میں لگے اس کروز میں گئے تھے اور اسی طرح لوٹے بھی۔ فائدہ لینے والوں میں سابق کوئلہ منتری شری پرکاش جیسوال ، کانگریسی نیتا دگوجے سنگھ اور موتی لال وہرا، بی جے پی کے سانسد ممبر پارلیمنٹ ورون گاندھی اور سرکاری نوکر شاہوں کا نام بھی شامل ہے۔یہ خلاصہ انگریزی اخبار انڈین ایکسپریس نے کیا جس کے بعد پرشانت بھوشن نے سپریم کورٹ میں مفاد عامہ کی عرضی دائر کر ایس آئی ٹی سے جانچ کرانے کی مانگ کی ہے۔ خلاصہ ہونے کے بعد ان تمام لیڈروں نے اپنے بیان میں فٹا فٹ دلیلیں دے ڈالیں۔ کانگریس نے اسے لیکر گڈکری پر نشانہ سادھا۔ پی سی چاکو نے کہا کہ کوئی بھی کمپنی بنا کسی مقصد کے کسی کو کچھ نہیں دیتی یا فائدہ پہنچاتی۔اس کے پیچھے ان کے کچھ نہ کچھ مفاد ضرور ہوتے ہیں۔ وہیں بی جے پی نے معاملے کو زیادہ طول نہیں دیا۔ مختار عباس نقوی نے کہا کہ ایسی خبریں تو لگاتار میڈیا میں آتی رہتی ہیں۔ ہم اس پر نکتہ چینی کرنا مناسب نہیں سمجھتے۔ ایسار کے ترجمان نے کہا کہ ہم ڈیٹا کی اس چوری کے بارے میں پہلے ہی افسر مجاز کے سامنے شکایت درج کرچکے ہیں۔ جانکاری چرانے والوں کے خلاف دہلی پولیس سخت کارروائی کرے گی۔نتن گڈکری نے یہ بھی کہا کہ ایسار نے مجھے یاچ دکھانے کیلئے بلایا تھا۔ میں روئیسا پریوار کو پانچ سال سے جانتا ہوں۔ میں نے کبھی کسی کارپوریٹ گروپ سے پیسے نہیں لئے۔ دورے کا خرچ خود کے کھاتے سے دیا گیا تھا۔
(انل نریندر)

تبصرے

ایک تبصرہ شائع کریں

اس بلاگ سے مقبول پوسٹس

’’مجھے تو اپنوں نے لوٹا غیروں میں کہاں دم تھا۔۔ میری کشتی وہاں ڈوبی جہاں پانی بہت کم تھا‘‘

ہندوتو اور دھرم پریورتن، گھر واپسی سمیت تمام معاملوں پر بھارتیہ جنتا پارٹی اور آر ایس ایس پریوار سے جڑے لیڈروں کے متنازعہ بیانات سے وزیر اعظم نریندر مودی کافی دکھی ہیں۔انہوں نے سنگھ اور پارٹی کے سینئر لیڈروں کو اشارہ دے دیا اگر یہی حالات بنے رہتے ہیں تو وہ اپنے عہدے سے استعفیٰ دیدیں گے۔ انہوں نے سنگھ کے لیڈروں سے کہا کہ مجھے عہدے کا لالچ نہیں ہے ۔ ہندی فلم کی یہ مشہور لائنیں ’’مجھے تو اپنوں نے لوٹا غیروں میں کہاں دم تھا، میری کشتی وہاں ڈوبی جہاں پانی بہت کم تھا‘‘مودی حکومت پر یہ سطور بالکل کھری بیٹھتی ہیں۔ مودی سرکار کو مرکز میں آئے ابھی 7 مہینے بھی نہیں گزرے لیکن اس وقت جتنی تنقید آر ایس ایس اور اس سے وابستہ تنظیموں نے کی ہے اتنا تو خود اپوزیشن پارٹیاں بھی نہیں کرپائیں۔ اور تو اور حکومت کی کرکری یا کہیں اپوزیشن کو مودی سرکار پر حملہ کرنے کا اشو مل گیا ہے۔ بھاجپا کے پاور ہاؤس مانے جانے والے آر ایس ایس کے لوگ یہ اشو دستیاب کرا رہے ہیں ۔ عموماً کسی بھی حکومت کا پہلا سال ہنی مون پیریڈ کہا جاتا ہے کیونکہ اس میعاد میں خود اپوزیشن بھی حکمراں پارٹی کی پالیسیوں اور ان کے ذریعے کی جانے والی
مزید پڑھیں

’وائف سواپنگ‘ یعنی بیویوں کی ادلہ بدلی کامقدمہ

سپریم کورٹ میں بھی عجیب و غریب مقدمات آرہے ہیں۔ تازہ مثال بحریہ کے کچھ افسروں پر بیویوں کی ادلہ بدلی سے متعلق معاملات ہیں۔ بحریہ کے ایک افسر سے الگ رہ رہی ان کی بیوی نے اپنی ایف آئی آر میں الزام لگایا کہ ان کے شوہر کے علاوہ بحریہ کے چار افسران ان میں سے ایک کی بیوی ’وائف سواپنگ‘ میں شامل ہے۔ سال 2013ء میں کوچی میں تعینات ایک بحریہ کے افسر کی بیوی نے بحری جوانوں کی بیویوں کی ادلا بدلی کا الزام لگاتے ہوئے کہا کہ شوہر کے سامنے ہی اس سے اجتماعی آبروریزی کی گئی۔ شکایت کے باوجود پولیس نے کارروائی نہیں کی۔ اس لئے معاملے کی جانچ کے لئے سپریم کورٹ سی بی آئی سے معاملے کی جانچ کرائے۔ ریاستی حکومت نے اس کی مخالفت کی تھی اور کہا تھا کہ ریاستی پولیس اس معاملے کی جانچ کرسکتی ہے اور اسپیشل ٹیم جانچ کرہی رہی ہے۔متاثرہ خاتون نے اپنی شکایت میں اپنے شوہر لیفٹیننٹ روی کرن کبدولا، لیفٹیننٹ ایشور چند ودیاساگر، کیپٹن اشوک اکتا اور اس کی بیوی پرینا اکتا ودو دیگر فوجی افسران کو ملزم بنایا گیا ہے۔ متاثرہ نے الزام لگایا ہے کہ جب اس کے شوہر کی کوچی میں پوسٹنگ تھی تو وہ انہیں بیویوں کی ادلا بدلی پارٹیوں میں لے جا
مزید پڑھیں

آخر کتنے دن کی جنگ لڑ سکتی ہے ہماری فوج؟

تصویر
 Daily Pratap, India's Oldest Urdu Daily Published On 10 March 2012 انل نریندر فوج کی دوٹکڑیوں کے ذریعے 16-17 جنوری میں دہلی کی طرف بڑھنے کو لیکر خبریں پہلے سے ہی پک رہی تھیں اور اس کی بھنک فوجی سربراہ جنرل وی کے سنگھ کو بھی تھی۔ یہ مارچ میں ہی ایک انگریزی رسالے کو دئے ان کے انٹرویو سے پتہ چلتا ہے۔ انہوں نے کہا تھا مان لیجئے ہماری ایک کور یا ڈویژن یا برگیڈ پریکٹس کررہی ہے تو کوئی کہے گا کہ اوہ۔۔۔ انہوں نے پریکٹس کی۔ یہ پریکٹس نہیں تھی وہ کچھ اور کرنا چاہتے تھے۔ انہوں نے کہا اب آپ اس میں ایک خبر بنائیں گے ان دنوں کئی لوگ غلط مطلب سے خبریں بنانا چاہتے ہیں۔ ادھر انگریزی اخبار دی گارڈین نے دعوی کیا ہے کہ فوج کے دہلی کوچ کی خبر کے پیچھے ایک مرکزی وزیر کا ہاتھ ہے۔ وزیر کا نام نہیں بتایا لیکن یہ کہا گیا ہے کہ وزیر کے قریبی رشتے دار کا تعلق دفاع خرید سے جڑی لابی کا ہے اوریہ لابی دونوں وزیر دفاع اے کے انٹونی اور فوجی سربراہ جنرل سنگھ سے پریشان تھی۔ آرمز لابی انٹونی کے اس لئے خلاف تھی کیونکہ انٹونی ایک ایماندار وزیر ہیں جو خرید میں کوئی گڑ بڑی نہیں ہونے دینا چاہتے۔ انٹونی کی بھرشٹاچا
مزید پڑھیں